Akop Babikyan Əfəndi, (1856, Ədirnə, Osmanlı imperiyası – 1 avqust 1909), Osmanlı ermənisi olan hüquqşünas və siyasətçidir.

Akop Babikyan
Babikyan Əfəndi Sərvət-i Fünun No 917
Osmanlı imperiyası deputatlar palatasının üzvü[d]
1908 – 1909
Şəxsi məlumatlar
Doğum tarixi	1856
Doğum yeri	Ədirnə, Osmanlı imperiyası
Vəfat tarixi	1 avqust 1909(1909-08-01)
Fəaliyyəti	siyasətçi
Dini	Xristian/Ortodoks

Fransız məktəbində təhsil aldıqdan sonra oSofiyaya dövlət qulluqçusu kimi göndərilmişdir. O, San Stefano müzakirələrində katib kimi xidmət etmişdir. Bir müddət Bosniya və Herseqovinada da xidmət etmiş, lakin bu ərazi Avstriya-Macarıstana birləşdirildikdən sonra Konstantinopola (İstanbula) geri qayıtmışdır. 1879-cu ildə Ədirnə Ticarət Məhkəməsinin Baş Katibi, 1881-ci ildə isə Apellyasiya Məhkəməsinin sədr müavini vəzifəsinə təyin edilmişdir. 1891-ci ildə Konstantinopola (İstanbul) qayıdaraq vəkil kimi fəaliyyətə başlamışdır. 1908-ci ildə Məclisi-Məbusana Ədirnə vilayətinin Təkirdağ sancağından millət vəkili seçilmişdir. İttihad və Tərəqqi Komitəsinin üzvü olmuşdur. O, Osmanlı parlamenti tərəfindən Adana hadisələrini tədqiq etmək üçün seçilən nümayəndə heyətinin arasında olmuşdur. Adanada tədqiqat işləri ilə məşğul olarkən xəstələnərək İstanbula qayıtmışdır. 1909-cu il avqust ayının 1-də insultdan ölmüşdür. Əvəzində Akop Boyacıyan 23 noyabr 1909-cu ildə Tekirdağdan millət vəkili seçilmişdir.