Adil Abas Əli oğlu Əliyev (7 sentyabr 1930, Bakı) — neftçi-geoloq, geokimyaçı, vulkanoloq, Azərbaycan Respublikası Dövlət Mükafatının ilk laureatı, Əməkdar elm xadimi, AMEA Geologiya və Geofizika İnstitutunun palçıq vulkanizmi şöbəsinin müdiri, professor.
| Adil Əliyev | |||
|---|---|---|---|
| Adil Abas Əli oğlu Əliyev | |||
| Doğum tarixi | |||
| Doğum yeri | Bakı, Azərbaycan SSR, SSRİ | ||
| Vətəndaşlığı |
 SSRİ Azərbaycan
|
||
| Elm sahəsi | geologiya | ||
| Elmi dərəcəsi | geologiya-mineralogiya elmləri doktoru | ||
| Elmi adı | professor | ||
| İş yeri | Azərbaycan Milli Elmlər Akademiyası | ||
| Mükafatları |
|
||
Həyatı
Adil Əliyev 1930-cu il sentyabrın 7-də Bakıda anadan olub. O, 1949-cu ildə paytaxtın 3 nömrəli orta məktəbini müvəffəqiyyətlə başa vurduqdan sonra Azərbaycan Dövlət Universitetinə (indiki BDU) qəbul olub. 1954-cü ildə universiteti fərqlənmə diplomu ilə bitirərək, neftçi-geoloq ixtisasına yiyələnib. Alim elmi fəaliyyətinə həmin ilin yanvar ayından Azərbaycan Milli Elmlər Akademiyasının Geologiya İnstitutunda (indiki GGİ) başlayıb.
O, 1954-cü ildə “Neft və qazın geologiyası” ixtisası üzrə aspiranturaya qəbul olunub, 1958-ci ildə namizədlik dissertasiyası müdafiə edərək geologiya-mineralogiya elmləri namizədi elmi dərəcəsini alıb. Bir ildən sonra böyük elmi işçi vəzifəsinə yüksələn alim sonrakı illərdə Bituminologiya və süxurların üzvi maddələri (1969-1970) və Palçıq vulkanlarının geokimyası (1972-1986) laboratoriyalarına rəhbərlik edib. 1986-1990-cı illərdə Suriya Neft Şirkətində (Dəməşq şəhərində) baş mühəndis-geokimyaçı və elmi məsləhətçi vəzifələrində işləyib. A.Əliyev 1992-ci ildə “Palçıq vulkanizminin geokimyası və böyük dərinliklərin neft-qazlılığı” mövzusunda doktorluq dissertasiyası müdafiə edib. 1997-ci ildən Geologiya və Geofizika İnstitutunun Palçıq vulkanizmi şöbəsinə rəhbərlik edir.
Alim 300-dən çox elmi əsərin, o cümlədən 15 kitabın müəllifidir. Onun elmi əsərləri nüfuzlu jurnallarda çap olunub, xaricdə və ölkəmizdə keçirilən beynəlxalq konqres, simpozium, konfrans materiallarında əksini tapıb. Son illər ərzində professorun rəhbərliyi ilə 10-dan çox elmlər və fəlsəfə doktoru hazırlanıb.
O, 2005-ci ildə “Azərbaycan Respublikasının Əməkdar elm xadimi” fəxri adına, 2008-ci ildə Azərbaycan Respublikası Prezidentinin fərdi təqaüdünə, 2010-cu ildə Azərbaycan Respublikasının Dövlət Mükafatına (№001), 2018-ci ildə “Şöhrət” ordeninə layiq görülüb, eləcə də bir sıra medal, diplom və fəxri fərmanlarla təltif edilib.
Xarici keçidlər
- (az.). science.gov.az. 2023-04-03 tarixində . İstifadə tarixi: 2023-04-05.
- (az.). science.gov.az. 2022-08-27 tarixində . İstifadə tarixi: 2023-04-05.
Həmçinin bax
İstinadlar
- (az.). science.gov.az. 2020-09-07. 2022-01-17 tarixində . İstifadə tarixi: 2023-04-05.
- (az.). science.gov.az. 2022-09-02. 2023-04-05 tarixində . İstifadə tarixi: 2023-04-05.
- (az.). e-qanun.az. 2019-03-27 tarixində . İstifadə tarixi: 2023-04-05.
- (az.). e-qanun.az. 2023-04-05 tarixində . İstifadə tarixi: 2023-04-05.
- (az.). e-qanun.az. 2023-03-30 tarixində . İstifadə tarixi: 2023-04-05.
- (az.). president.az. 2023-04-05 tarixində . İstifadə tarixi: 2023-04-05.