Film Orxanla (Sərxan Kərəmoğlu) Mehribanın (Qənirə Aslanova) uğursuz məhəbbət hekayəsindən bəhs edir.

Mehribanın ailəsi onların evlənmələrinə qarşıdırlar. Uzun mücadilədən sonra çarəsiz qalan cütlük birlikdə Türkiyəyə qaçmaq qərarına gəlirlər. Türkiyədə bir müddət yaşadıqdan sonra onlar yenə son ümidlə Bakıya qayıdırlar. Lakin yenə Mehribanın anası Məlahət (Amaliya Pənahova) onları ayırır, Sərxanı isə döyürlər. Psixoloji uçurum yaşayan Sərxan ölkəni tərk edib Rusiyaya işləməyə gedir. 1 il yarım işlədikdən sonra vətənə qayıdanda Mehribanın ölüm xəbərini alır və Mehribandan ona pay qalan qızını təkbaşına böyütmək qərarına gəlir...

• Film aktrisa Sədayə Mustafayevanın kinoda son işidir.
• Film 2 seriyalıdır, televiziya üçün xüsusi olaraq azərbaycan dilində dublyajlı və altyazılı 4 seriyalı versiyası hazırlanmışdır. Azərbaycanlı aktyorlar içərisində yalnız aktrisa Məlahət Abbasova öz obrazını səsləndirmişdir.
• Film Azərbaycan və Türkiyə aktyorlarının oynadıqları ilk ortaq filmdir.

Rejissor: Sərxan Kərəmoğlu
Ssenarist: Lalə Nağdəliyeva, Sema Tensi, Suna Tensi
Prodüser: Mirəşrəf Fətiyev
Rəssam: Əhəd Hacıyev
Bəstəkar: Səyavuş Kərimi

Sərxan Kərəmoğlu (Sərxan Kərəm kimi) — Orxan
Amaliya Pənahova — Məlahət
Hülya Korel — Rəfiqə
Məlahət Abbasova — Yasəmən
Qənirə Aslanova — Mehriban
Halil Ergün — Mehmet
Sədayə Mustafayeva — Orxanın nənəsi
Məmmədəli Balayev — Orxanın babası
Pərvanə Qurbanova — təcili tibbi yardım həkimi
Yaşar Nuri — Arif
Firəngiz Mütəllimova — Sıdıka
Fatma Mahmudova — qonşu
Gülnar Salmanova — Dünya
Vaqif Şərifov — İsmayıl

Azərbaycan filmlərinin siyahısı

2000-ci illər Azərbaycan filmlərinin siyahısı

• YouTube-da izlə: ,  (türk.)