Yeməyin əsas komponenti kiçik parçalara kəsilmiş və ya ət çəkən maşında doğranmış ətdir. Ənənəvi reseptdə (Qərbi Gürcüstanda) gənc mal əti istifadə olunur, lakin quzu ətindən (Şərqi Gürcüstanda), həmçinin donuz əti və qarışıq ətdən (məsələn, 50/50 nisbətində mal əti və donuz əti) istifadə variantları da var. Əksər reseptlərdə ikinci ən vacib tərkib hissəsi, 1/2–1/3 nisbətində ətə əlavə edilən, qoyun quyruğu piyidir. Yeməyə soğan, sarımsaq və müxtəlif növ göyərti və ədviyyatlar da (qara və qırmızı bibər, keşniş, reyhan, utsxo-suneli və s.) daxildir. Yeməyin digər vacib komponenti nar dənələridir. Bəzi reseptlərdə nar əvəzinə zirinc istifadə olunur.

İncə doğranmış təzə göyərti, soğan, sarımsaq, acı bibər, nar dənələri və ədviyyatlar doğranmış ətə/qiymə ətə əlavə edilir. Hamarlanana qədər bunların hamısı çoxlu qarışdırılır. Qıyma ət oval kotletlərə çevrilir, onlar tor formasında dilimlənmiş piy zolaqlarına bükülür. Yaranan kotletlər, qızartma tavasında yüksək istilikdə iki tərəfli tez qızardılır, sonra orta istilikdə bişirilir.

Abxazur hazırlamaq üçün başqa bir variant, sobada ketsi adlanan qabın içində bişirməkdir.

Yemək qızdırılmış ketsi adlı qabın üzərində verilir. Masaya qoyulmamışdan əvvəl üzərinə doğranmış soğan və nar dənələri ilə səpilir. Axazuri ilə acika və ya tkemali kimi souslar da istifadə edilə bilər.