ACCULAR — IMI Systems tərəfindən hazırlanmış və istehsal edilmiş və həm İsrail Müdafiə Qüvvələri, həm də beynəlxalq müştərilər tərəfindən istifadə edilməsi nəzərdə tutulan reaktiv artilleriya ailəsidir. Bu reaktiv artilleriya ailəsinin maksimum mənzili 40 km, döyüş başlığı 20-35 kq arasında olub, unitar nüfuzetmə və ya idarə olunan hissəcik döyüş başlıqları ilə təchiz olunurlar. Bu raketlər 10 m CEP dəqiqliyi ilə hədəflərini məhv etməyə qadir olan 2 müxtəlif kalibrdə istehsal olunurlar.
| ACCULAR | |
|---|---|
 | |
| Ölkə | |
| İstehsal tarixçəsi | |
| İstehsalçı | IMI Systems |
 Vikianbarda əlaqəli mediafayllar | |
ACCULAR raketləri IMI-nin LYNX (MRL) buraxma qurğusundan, eləcə də bir sıra digər mövcud buraxılış qurğularından istifadə edilməklə istifadə edilə bilər.
YARS-ın dəqiqliyini yaxşılaşdırmaq üçün IMI ACCULAR (Accurate LAR- dəqiq LAR) təyinatına malik 122 mm-lik yeni raket versiyasını da hazırlayıb. Yeni LAR raketlərinin artan atəş məsafəsi, dəqiqliyi və aşağı qiyməti, idarəedilən 155 mm artilleriya mərmiləri ilə ciddi rəqabət aparmağa qadirdir.
4 metr uzunluğa malik ACCULAR raketi 35 kq ağırlıqdakı döyüş başlığı və 14- 40 km atəş məsafəsinə malikdir, tuşlama sistemi isə GPS-ə əsaslanır. Rəsmi olaraq maksimum hədəfdən yayınma əmsalı 10 metrdir, lakin IMI faktiki olaraq yayınmanın 2 ilə 3 metr arasında olduğunu iddia edir. Raket İsrail ordusu və adı açıqlanmayan xarici alıcı tərəfindən silahlanmaya qəbul edilib. Bu sursatlara malik YARS şassisinin iki konteyner paketinin hər birində 11 ədəd (cəmi 22 ədəd) raket yerləşdirilir. Raketin idarə edilməsi və uçuşu korpusda yer alan kompüter tərəfindən həyata keçirilir.
Reaktiv tuşlama dəsti hədəfi dəqiq etmək üçün trayektoriyanın nizamlanmasına imkan verir. Bu raketlər hədəflərin fuqas və unitar döyüş başlıqları ilə dəqiq hədəfə alınması üçün qənaətli və effektiv bir seçim hesab edilir.
Bu YARS ailəsinin bütün raketlərinin istifadəçisi olduğu Azərbaycan Silahlı Qüvvələrinin ACCULAR raketinə də malik olması, yalnız rəsmi təsdiqi olmadığına görə ehtimal olaraq qalır.
AccuLAR-160
İdarəolunan LAR-160 raketlərinin inkişaf etdirilmiş versiyası.
AccuLAR-122
Xüsusi M270 MLRS buraxılış qurğuları ilə Romaç adı altında İsrail Silahlı Qüvvələri tərəfindən istifadə edilir. Hər buraxılış qurğusu dəqiqədə 18 raket atmağa qadirdir.
AccuLAR-122 həmçinin IMI PULS (RYAS) ilə də işləyə bilər. Maksimum 35 km mənzilə və 10 m CEP dəqiqliyinə malikdir.
İstinadlar
- (PDF). 2017-11-07 tarixində (PDF) arxivləşdirilib. İstifadə tarixi: 2017-11-06.
- Administrator. . www.armyrecognition.com (ingilis). 2022-12-07 tarixində . İstifadə tarixi: 7 листопада 2017.
- ↑ . ordu.az. ordu.az. 15 mart 2020 tarixində arxivləşdirilib. İstifadə tarixi: 21 avqust 2024.
- (PDF) (ingilis). 2017-11-07 tarixində (PDF) arxivləşdirilib. İstifadə tarixi: 2017-12-02.
- ↑ . www.israelhayom.com (ingilis). 2022-11-21 tarixində . İstifadə tarixi: 12 грудня 2017.
- Opall-Rome, Barbara. . defensenews.com (ingilis). 8 серпня 2017. İstifadə tarixi: 12 грудня 2017.