ABŞ Milli Aviasiya Qvardiyası — Amerika Birləşmiş Ştatlarının Hərbi Hava Qüvvələrinin ehtiyat hərbi qüvvəsidir. Milli Aviasiya Qvardiyası, həmçinin hər bir ştatın ordusunun milli qvardiyası ilə birləşərək Milli Qvardiya Dəstələrini yaradırlar. Normal şəraitdə onlar yerləşdikləri ştatın qubernatoruna hesabat verirlər. Lakin ABŞ prezidentinin vermiş olduğu əmrə əsasən onlar ABŞ Hərbi Hava Qüvvələrinin komandanlığı altında fəaliyyət göstərirlər.

ABŞ Milli Aviasiya Qvardiyası
US Air National Guard
Ölkə	ABŞ
Daxildir	ABŞ Milli Qvardiyası, ABŞ Hərbi Hava Qüvvələri
Qərargah	Pentaqon
Döyüşlər	Koreya müharibəsi, Vyetnam müharibəsi, Qrenadanın işğalı, Körfəz müharibəsi, NATO-nun Yuqoslaviyaya qarşı müharibəsi, Əfqanıstan müharibəsi, İraq müharibəsi
Vikianbarda əlaqəli mediafayllar

Milli Aviasiya Qvardiyasının əməliyyat qüvvələri elə formalaşdırılmışdır ki, ABŞ-nin 50 ştatının hər birinin, Puerto Riko Cəmiyyətinin, Quam və ABŞ Vircin adaları və eyni zamanda da Amerika Birləşmiş Ştatlarının Kolumbiya dairəsinin ən azı bir qanadını saxlasın. Quam və Vircin adaları regionlarının ANG-də təyin edilmiş olan xüsusi bir təyyarəsi mövcud deyildir və burada onlar yerüstü dəstək funksiyaları yerinə yetirirlər.

Milli Aviasiya Qvardiyasının fəaliyyətləri aktiv fəaliyyət göstərən hava qüvvələri bazalarında, hava qüvvələrinin ehtiyat bazalarında, dəniz hava stansiyalarında/müştərək ehtiyat bazalarda və ya müstəqil hərbi təsisatlar olan və ya mülki şəxslərin nəzarəti altında olan və yaxud mülki şəxslərə icarəyə verilən Milli Aviasiya Qvardiyasının bazaları və ya stansiyalarında yer ala bilər.