Aşıq Əli (d. 1927, Göyçə, Zərzibil – ö. 1990, Naftalan) — Göyçəli ustad aşıq.
| Aşıq Əli | |
|---|---|
| İmamquluyev Əli Əşrəf oğlu (İman Əlisi) | |
 | |
| Digər adı | İman Əlisi |
| Doğum tarixi | |
| Doğum yeri | Göyçə mahalı, Basarkeçər, Zərkənd |
| Vəfat tarixi | |
| Vəfat yeri | Naftalan |
| Dəfn yeri | Naftalan |
| Milliyyəti | azərbaycanlı |
| Fəaliyyəti | aşıqlıq |
Həyatı
İmamquluyev Əli Əşrəf oğlu 1927-ci ildə Göyçə mahalının Zərzibil (indiki Zərkənd) kəndində dünyaya gəlib. O Aşıq Ələsgərin qardaşı Məşədi Salehin nəvəsidir. Növrəs İmanın bacısı oğludur. El arasında Aşıq Əlini İman Əlisi adlandırırdılar.
Kiçik yaşlarından saza-sözə maraq göstərən Aşıq Əli uzun illər Aşıq Talıb və Aşıq Nəcəfin yanında şəyirdlik etmiş, bu sənətin sirlərini dərindən mənimsəmiş və el arasında kamil bir aşıq kimi tanınmışdır. O da öz növbəsində bir çoxlarına ustad olmuş, saz sənətinin incəliklərini onlara öyrətmişdir. Təkcə onu demək kifayətdir ki, sazın füsunkar sədaları ilə bülbülü dilə gətirən Aşıq Ədalət Nəsibov Aşıq Əlinin şəyirdidir.
O sonralar 1942-ci ildən Goranboy rayonunun Qızılhacılı kəndinə gəlmiş, oradan da Naftalan şəhərinə getmiş, orada binə bərkitmişdir.
Aşıq Əli 1990-cı il aprelin 23-də Naftalan şəhərində vəfat etmişdir.
Həmçinin bax
- Aşıq Ələsgərin qardaşı nəvəsidir.
- Növrəs İmanın bacısı oğludur.
Mənbə
- İslam Ələsgər, "Ələsgər ocağı" Bakı. Yazıçı-1991. səh.250–268,294
- Ziyəddin Məhərrəmov, "XX əsr Göyçə aşıq mühiti (1920–1950-ci illər)" Bakı, NPB-1997. səh.31.
- Azad Ozan Kərimli, "Musiqi dünyası" jurnalı, № 3–4, 2000-ci il. səh.136–138.
- , . "Zərkənd" Bakı, "AKE NPM"-2013.