Ağsu Tarix-Diyarşünaslıq Muzeyi

AĞsu Tarix-Diyarşünaslıq Muzeyi — 1985-ci ilin may ayından fəaliyyət göstərərək 2 mərtəbəli olmaqla ümumi sahəsi 358 kv/m-dir.

Ağsu Tarix-Diyarşünaslıq Muzeyi
Açılış tarixi	1985
Yerləşir	Ağsu rayon, Azərbaycan küç.18
Kolleksiyası	6448
Muzeyə yetişmək	40°34'5"N 48°23'59"E
Telefon	(020) 226-28-92
İş rejimi	1-7- ci günlər, saat 9:00-17:00

Muzeyin tarixi

Diyarşünaslıq Muzeyi 1985-ci ilin may ayında yaradılıb. Muzey ümumi sahəsi 358 kv m-dir

Muzey binası

1-ci mərtəbə foyedən və 3 sərgi salonundan, fond və inzibati otaqlardan, 2-ci mərtəbə isə ekspozisiya zalından ibarətdir. Foyedə rayonun xəritəsi, təbii şəraiti, dövlət rəmzləri, rayon haqqında ümumi məlumat yerləşdirilib.

Muzeyin eksponatları

Muzeydə e.ə III–I əsrlərə aid eksponatlar rayonun ərazisindən arxeoloji qazıntılar zamanı tapılmış toplanmışdır. Saxsı qabları, tunc, misdən hazırlanmış əşyaları, XVIII–XX əsrlərə aid xalq tətbiqi sənət nümunələrini, məişət və etnoqrafiyaya aid əşyaları yer almışdır. I zalda qədim dövrdən başlayaraq XIX əsrə qədərki dövrü əhatə edən materiallar nümayiş etdirilir. ikinci zalda XVIII əsrə aid "Ağsu şəhəri orta əsrlərdə" adlı kolleksiya sərgilənir. III zalda 1918–1920-ci illər AXC dövrü, Azərbaycan Milli Hökumətinə aid pullar və bu dövrə aid bir neçə eksponatlar, Ağsu rayonunun milli qəhrəmanları və şəhidlərin onlara məxsus şəxsi əşyaları, fotoşəkilləri yerləşdirilib.

Muzeyin fəaliyyəti

Muzey rayonun ümumtəhsil məktəbləri, idarə və təşkilatları ilə sıx əlaqədə işləyir, rayonun tarixinə maraq oyatmaq üçün tarix dərsləri təşkil olunur. Hər il ənənəvi olaraq "Muzeylər gecəsi" aksiyasında, " Beynəlxalq Muzeylər Günü"ndə "Açıq qapı" günləri təşkil olunaraq muzeyə gələn tamaşaçılara mühazirələr oxunur, eksponatlar haqqında geniş məlumat verilir.

• "Azərbaycan muzeyləri". https://museum.az. İstifadə tarixi: 11.18.202.
• "Ağsu Tarix-Diyarşünaslıq Muzeyi yeni eksponatlar hesabına zənginləşir". https://azertag.az. İstifadə tarixi: 18.11.2020.