Ağ Xaçlar

Ağ Xaçlar (alm. Weiße Kreuze‎) — soyuq müharibə dövründə Berlin divarında həlak olmuş şəxslərin xatirəsinə həsr edilmiş abidədir. Abidə Berlində Şpree çayı sahilində, Almaniya parlamentinin yerləşdiyi Bundestaq binası yaxınlığındadır. Buranın əsası 1971-ci ildə Berlin divarının tikilməsinin 10-cu ildönümü zamanı Berliner Bürger-Verein adlı özəl qrup tərəfindən qoyulmuşdur. İlk dəfə Bundestaqın şərq hissəsində, Berlin divarının yanında salınmışdır. Lakin 1990-cı ildə Almaniyanın yenidən bir1əşməsi zamanı burada yeni hökumət binalarının tikintisi səbəbindən yeri dəyişdirilmiş və Bundestaqın cənubundakı Tirqarten parkının yanına köçürülmüşdür.

"Ağ Xaçlar"

1990-cı ilədək Berlin divarının arxasında yerləşmiş ilk abidə

1953-cü il Şərqi Almaniya üsyanının 50-ci ildönümündə çayın sahilində ikinci bir xaç qrupu qurulmuşdur ki, bu da orijinal yerin bir qədər şimal-qərbindədir. Açılış nitqini o zamankı Bundestaq sədri Volfqanq Tiers etmişdir.

Qurbanların adları

13 qurbanın adı hər iki tərəfdə 7 ədəd xaçın üzərinə həkk edilmişdir. 1 xaç isə kimliyi məlum olmayan qurbana həsr edilmişdir. Düzülüşün seçimi atəş nəticəsində öldürülmüş birinci qurbandan sonuncuyadək ardıcıllıqla edilmişdir. Qurbanların çoxu 1961 və 1965-ci illər aralığında öldürülmüşdür.

quruda

• Günter Litfin, 24 Avqust, 1961
• Udo Düllik, 5 Oktyabr, 1961
• Hans Rawel, 1 Yanvar, 1963
• Klaus Şröter, 4 Noyabr, 1963
• Haynz Sokolovski, 25 Noyabr, 1965
• Marienetta Jirkovski, 22 Noyabr, 1980
• "den unbekannten Opfern an der Mauer" (Divarın naməlum qurbanları xatirəsinə)

çay sahilində

• Verner Probst, 14 Oktyabr, 1961
• İnqo Krüqer, 10 Dekabr, 1961
• Filip Held, 11 Aprel, 1962
• Aksel Hanneman, 5 İyun, 1962
• Lutz Haberlandt, 27 İyun, 1962
• Volf-Olaf Muszinski, Mart 1963
• Kris Qeffroy, 5 Fevral, 1989