Cənubda təpənin hündürlüyü xeyli azalır və 4–5 m-ə çatır. Göy-təpə və Sarıcalıtayı yaşayış məskənlərində olduğu kimi Ağtəpə şərq-qərb istiqamətli çökəklə iki yerə ayrılır. Yaşayış məskənlərində müşahidə olunan bu topoqrafik xüsusiyyət yalnız stasionar qazıntı işləri nəticəsində aydınlaşdırıla bilər.

İlk tunc dövrü keramikası Kür-Araz mədəniyyətinin müxtəlif mərhələlərini (ilk və inkişaf etmiş) əks etdirir. Burada qırmızı və şabalıdı anqoblu, səthi daraqvari əşya ilə işlənmiş nümunələrlə yanaşı, qara və boz cilalı, çəhrayı, açıq şabalıdı, bəzən boz astarlı, nazik divarlı qablarda tapılmışdı. Bu tip keramikanın bir qrupunun ağzının kənarı düz, digər hallarda xaricə rəvan əyilmişdir. Qabların çoxusu yarımşar şəkilli qulpludur.

Dəvəgözü və çaxmaqdaşından hazırlanmış işlək hissəsi dişəkli lövhələr, oraq dişləri, külli miqdarda istehsal tullantısı, habelə dön daşı və sürtgəclər, həvəng-dəstələri də tapılmışdır. Ağ-təpə əhalisi Vəlibəy, Sarıcalı yaşayış yeri sakinləri kimi əsasən əkinçilik və habelə maldarlıqla məşğul olmuşlar.

• Ağdam
• Ağdam abidələrinin siyahısı
• Ağdam abidələri

Cäfärov, Hidayät. Qädim Qarabağ: tarixi-arxeoloji tädqiqat: tunc vä erkän dämir dövrü. Bakı: Elm. 2020. ISBN 978-9952-523-07-2.

1. Cäfärov, Hidayät. Qädim Qarabağ: tarixi-arxeoloji tädqiqat: tunc vä erkän dämir dövrü. Bakı: Elm. 2020. ISBN 978-9952-523-07-2.