Burada ilk dəmiryol körpüsü 1873—1874-cü illərdə Vladiqafqaz dəmiryollarının rəhbərliyi altında Erast Mixayloviç Zubovun layihəsi əsasında yaradılmışdır. Bu körpü bir xəttli beş aşırımlı körpü olmuşdur. Bu körpü gəmilərin hərəkəti üçün çətinliklər törədirdi. Bəzən isə hətta toqquşmalar baş verirdi. Bu məqsədlə hətta eniş barjası istifadəyə verilmişdir. Barjanın hədəfi gəmiləri sərbəst şəkildə üzü axara və əksinə istiqamətdə endirmək olmuşdur.

Əlverişsizliyi ucbatından 1912-ci ildə 40–50 m aşağı axarda bir xəttli körpünün əvəzinə iki xəttli körpü inşa etmək qərara alınır. İnşaatçı Stanislav İqnateviç Belzeski, körpü inşaatı üzrə alimlər Nikolay Appollonoviç Belelyubovski və professor Qriqori Petroviç Perederiya tərəfindən üç aşırımlı körpü layihələndirilir. Bu forma və quruluşuuna görə Rusiyada ilk belə körpü olur. Rostovlular körpünü «Amerikan sayağı» adlandırırlar. Bu isə həmin körpülərin XIX əsrin sonlarından Şimali Amerikada geniş inşası ilə əlaqədar olmuşdur. Köhnə körpü 1920-ci ildə sökülmüş və hissələri Soçi-Ader dəmir yolunda istifadə edilmişdir.

Müharibənin ilk aylarında köhnə körpünün yerində yeni müvəqqəti körpü inşa edilir. 21 noyabr 1941-ci ildə Qırmızı ordu geri çəkilərkən körpülər almanların əlinə keçməsin deyə partladılır. Ancaq artıq 28 noyabrda ərazi geri alınır. Müvvəqəti körpü bərpa edilir. İkinci işğal zamanı isə bu körpü yenidən partladılır. 1943-cü ilin fevralında ərazi işğaldan azad edilərkən iki körpü tamamən dağıdılmışdı.

1945-ci ildə Amerikan körpüsünün yerinə açılmayan müvəqqəti körpü inşa edilir. 1949—1952-ci illərdə köhnə körpünün yerində isə yeni köroü inşa edilmişdir. Hansı ki, hazlrda belə istifadə edilir. 1945-ci ildə Amerikan körpüsü tamamən sökülür. Onun dirəkləri indidə qalır.

2001—2003-ci illərdə körpü yenidən bərpa edilmişdir.

•   Vikianbarda Açılan Rostov dəmiryol körpüsü ilə əlaqəli mediafayllar var.
•  (rus.)