İnqilab zamanı bir çox insanlar öz dəyərli cavahiratlarını etibarlı yerlərdə gizlətmişlər. Keçmiş dvoryan başçısı indiki (1927) kargüzar İppolit Matfeyeviç Vorobyaninov bir qoca qadının ölümündən xəbər tutur. Məsələ burasındadır ki, həmin qadın 150 min qızıl rubl dəyərində brilyant və mirvarilərini vaxtilə məşhur ustad Hambsın qonaq otağındakı 12 stuldan birinin içində gizlətmişdi. Vorobyaninov bütün işlərini bir kənara qoyaraq stulları axtarmaq qərarına gəlir. O, köhnə şəhərə – keçmiş dostu dalandar Tixonun yanına gedir. Vorobyaninov orada təsadüfən böyük kambinasiyaçı və gənc fırıldaqçı Ostap Benderlə qarşılaşır. Onlar pulun 40 faizinə ortaq olmağa razılıq verirlər. Lakin Fyodorun bu söhbətə gizlincə qulaq asmağı onu da bu işdən xəbərdar edir. Tezliklə xəbər gəlir ki, bütün 12 stul hamısı birdən hərraca qoyulub. Lakin Vorobyaninov hərraca bir az qalmış bütün pulları restoranda xərcləyir. Çətinliklə qarşılaşan hərislər indi stulları və cavahiratı tapmaq üçün başqa yollar fikirləşməlidirlər. Xəzinənin sonda kimə qismət olacağı filmin sonuna qədər tamaşaçıları intizarda saxlayır.

• Filmdə olan şəhər çəkilişləri Rıbinsk şəhərində çəkilmişdir.
• İlf və Petrovun bu romanını əslində rejissor Georgi Daneliya çəkməli idi. Lakin o, sonradan filmi "12 stul" romanını çəkmək arzusu ilə yaşayan daha bir məşhur rejissora — Leonid Qaydaya verir.

Ssenari müəllifləri: Vladlen Baxnov, Leonid Qayday

Quruluşçu rejissor: Leonid Qayday

Operatorlar: Sergey Poluyanov, Valeri Şuvalov

Rəssam: Yevgeni Kumankov

Bəstəkar: Aleksandr Zasepin

Arçil Qomiaşvili — Ostap Bender

Sergey Filippov — Vorobyaninov

Mixail Puqovkin — Fyodr

Klara Rumyanova — Katerina

Yuri Nikulin — Tixon

Qriqori Şpigel — Aleksandr Yakovleviç

Nataliya Kraçkovskaya — madam Qrisasuyeva

Nataliya Varley — Yelizaveta

Nataliya Vorobyova — Elloçka Şşukina; "Adamyeyən Elloçka"

Viktor Pavlov — Kolya

Nina Qrebeşkova — Musik

Vladimir Etuş — Andrey Bruns

Georgi Vitsin — Meçnikov

Leonid Qayday — Varfolomey Korobeynikov

Saveli Kramarov — Ostap Benderlə şahmat oynayan

Aleksandr Xvılya