Əziz Xələfov 1924-cü ildə Qaryagin rayonunun (indiki Füzuli rayonu) Sərdarlı kəndində anadan olmuşdu. Orta məktəbi bitirəndən sonra İkinci dünya müharibəsində iştirak etmişdi.

Cəbhədən dönəndən sonra Leninqrad (indiki Sankt-Peterburq) Tibb institutunda oxumuşdu. Həkim kimi nəsil ixtisasını davam etdirmişdi. Azərbaycan Dövlət Tibb İnstitutunda baş müəllim, dosent kim çalışmışdı.

Əziz Xələfov Leyla xanım Mahmud bəy qızı Məlikaslanovla ailə qurub. Əhməd adlı oğlu, Zümdüd adlı qızı var. Digər qızı Salatın Əsgərova Qarabağda erməni silahlıları tərəfindən qətl edilib.

Əziz Xələfov bir çox döyüş medalları ilə təltif edilmişdir.

Əziz Xələfov çoxillik və qüsursuz tibbi fəaliyyətinə görə bir çox orden və medallarla təltif olunub. "Respublikanın əməkdar həkimi" fəxri adını daşıyır.

• Ənvər Çingizoğlu. Sərdarlı kəndi. Bakı: "Elnur-P", 2005, 320 səh.