Əliyev Əli Cəfər oğlu (Əli Cəfəroğlu; 4 iyul 1968, Ağstafa) – Azərbaycan yazıçısı, Azərbaycan Yazıçılar Birliyinin üzvü (2006), Azərbaycan Jurnalistlər Birliyinin üzvü (2014), İraq Türkmən Ədəbiyyatçı və Yazarlar Birliyinin üzvü (2018), Şimali Amerika Yazıçılar Birliyinin üzvü (2021), Prezident təqaüdçüsü (2014), Beynəlxalq Ədəbiyyat, İncəsənət, Kommunikasiya Akademiyasının (Almaniya) akademiki (2022)

Əli Cəfəroğlu
Əli Cəfər oğlu Əliyev
Doğum adı Əli Əliyev
Təxəllüsü Əli Cəfəroğlu
Doğum tarixi (55 yaş)
Doğum yeri Qazax rayonu, Azərbaycan SSR, SSRİ
Vətəndaşlığı Azərbaycan
Milliyyəti azərbaycanlı
Təhsili
İxtisası tarixçı
Fəaliyyəti yazıçı
Əsərlərinin dili azərbaycanca
İlk əsəri "Atam mənim xoşbəxtliyim" (mənsur şeir)
Tanınmış əsəri

"Dənizçinin səyahəti"

"Aforizm çələngi"
Mükafatları Prezident təqaüdçüsü (01.05.2014), "Qızıl qələm" media mükafatı laureatı (2014)

Həyatı

Əli Cəfəroğlu Əliyev 4 iyul 1968-ci ildə Ağstafa şəhərində ziyalı ailəsində anadan olmuşdur. 1992-ci ildə Bakı Dövlət Universitetinin tarix fakultəsini bitirmişdir.

1992-1993-cü illərdə Ağstafa rayonunun Həsənsu kənd orta məktəbində müəllim, 1993-cü ildə Ağstafa Rayon İcra Hakimiyyəti başçısının köməkçisi, 1993-1995-ci illərdə Gəncə Dövlət Pedaqoji İnstitutunun Qazax filialında müəllim, 1995-1999-cu illərdə Rayon Gənclər və İdman İdarəsində baş inspektor, 1999-2011-ci illərdə Ağstafa Rayon İcra Hakimiyyətinin təhsil, səhiyyə və mədəniyyət şöbəsində baş məsləhətçi vəzifələrində işləmişdir. 2011-ci ildən Ağstafa rayon təhsil şöbəsində aparıcı məsləhətçi vəzifəsində çalışır və 2-ci dərəcəli dövlət qulluqçusudur.

Yaradıcılığı

İlk bədii yazısı olan "Atam mənim xoşbəxtliyim" şeiri 1989-cu ildə "Azərbaycan gəncləri" qəzetində dərc olunmuşdur. İlk hekayəsi "Savalan" qəzetində, ilk nağılı "Göyərçin" jurnalında, aforizmləri isə "Həqiqət" qəzetində çap olunmuşdur. 7 jurnal və 30-dan çox qəzetdə bədii-publisistik yazıları, Kultaz.com saytında hekayələri, Bebe.az, Körpəm.net intellektual uşaq portallarında nağılları dərc olunmuşdur.

2002-ci ildə "Atam mənim xoşbəxtliyim" adlı ilk bədii kitabı "Şirvannəşr"də nəşr olunmuşdur. Kitabda yazıçının povestləri, hekayələri, nağılları, aforizmləri, mənsur şeirləri toplanmışdır. "Sahibsiz" povestində yetimlik həyatının açılarını dadmış gənclik çətin və şərəfli mübarizə yolunu qələmə almış, "Gül və qız" adlı nağıl povestində eşq və məhəbbətin gücünü göstərmiş, hekayə və nağıllarında cansız əşyaları danışdırmaqla uşaqlarda tərbiyəvi fikirlər aşılamağa çalışmışdır.

2003-cü ildə "Zirvəyə doğru" adlı ikinci kitabı "Şirvannəşr"də çapdan çıxmışdır. Kitabda povestlər, hekayələr, nağıllar, mənsur şeirlər və aforizmlər toplanmışdır. "Assuriyalılar" povestində assurların başına gətirilən bəlalardan, onların qaçqınlıq və didərginlik taleyindən bəhs olunur. "Zirvəyə doğru" povestində isə erməni əsirliyində işgəncələrə məruz qalmış azərbaycanlı zabitin fədakarlığı əks olunmuşdur.

2006-cı ildə "Həkimin arzuları" adlı bədii kitabı nəşr olunmuşdur. Kitabın əsas qayəsini vətənpərvərlik, ana yurda məhəbbət, mənəvi saflıq təşkil edir. Yeni nəslin tərbiyəsi mövzusu yazıçının yaradıcılığından ana xətt kimi keçir.

2008-ci ildə nəşr olunmuş "Səksən beş ilin baharı" kitabında müəllif rayonda yaşayan bir nəslin keçmişinə, bu gününə tarixilik nöqteyindən nəzər salmış, xalqımızın adət-ənənələrini, mənəvi və maddi mədəniyyətini əks etdirmişdir.

2013-cü ildə "Dənizçinin səyahəti" adlı kitabı nəşr olunmuşdur. Eyni adlı povestdə Avropa və Asiyanın müxtəlif ölkələri haqqında maraqlı məlumatlar verilmiş, hekayələrdə isə vətən eşqi vətənpərvərlik, milli-mənəvi dəyərlərimizə sevgi hissləri öz əksini tapmışdır.

2014-cü ildə "Aforizm çələngi"adlı kitabı nəşr olunmuşdur. Bu kitabda yazıçının müxtəlif illərdə qələmə aldığı aforizmləri toplanmışdır.

2019-cu ildə İran İslam Respublikasının Zəncan şəhərində "Dənizçinin səyahəti" adlı kitabı fars dilində nəşr edilmişdir.

2011-ci ildə nəşr olunmuş "Azərbaycan yazıçıları XX-XXI yüzillikdə" ensiklopediyasında ( Bakı, 2011), "Yurdumuz".adlı ensiklopediyada (Bakı.,2010), həmçinin "Savalan" və "Ağstafa" qəzetlərində Əli Cəfəroğlu haqqında məlumatlar öz əksini tapmışdır.

Azərbaycan mətbuatında bədii-publisistik yazılarla çıxış etmişdir.

20-dən çox əsəri Azərbaycan radiosunda səsləndirilmişdir. 1992-ci ildə Ağstafa rayonu haqqında çəkilmiş televiziya filminin ssenari müəllifi olmuşdur.

Yeddi kitab müəllifidir. 2006-cı ildən Azərbaycan Yazıçılar Birliyinin, 2014-cü ildən isə Azərbaycan Jurnalistlər Birliyinin üzvüdür. 2018-ci ildə İraq Türkmən Ədəbiyyatçı və Yazarlar Birliyininə, 2021-ci ildə isə mərkəzi Kanadada yerləşən Şimali Amerika Yazıçılar Birliyinə üzv qəbul olunmuşdur.

Əli Cəfəroğlu 2014-cü ilin may ayından Prezident təqaüdçüsüdür.

2015-ci ildə "Çinar və taxta parçası" adlı hekayəsi Azərbaycan Respublikasının ümumtəhsil məktəblərinin rus bölmələrinin VIII sinifləri üçün dərc olunmuş "Azərbaycan dili" dərsliyinə salınmışdır.

"Qızıl qələm" media mükafatı laureatıdır (2014-cü il).

Təhsil sahəsində fəaliyyətində fərqləndiyinə görə Ağstafa rayon İcra hakimiyyəti başçısının 05.09.2016-cı il tarixli 167 nömrəli sərəncamı ilə rayon İcra hakimiyyətinin Fəxri Fərmanı ilə təltif edilmişdir.

2014-cü ildə o, “Qızıl qələm” media mükafatına layiq görülmüş, həmin il dekabr ayının 10-da Azərbaycan Respublikasının İnsan Hüquqları üzrə Müvəkkilinin (Ombudsman) ənənəvi olaraq keçirdiyi “Hüquqlar hamı üçün!” mövzusunda jurnalist yazıları müsabiqəsində II mükafatı, 2017-ci ildə I mükafatı qazanmışdır. 2015-ci ildə Dövlət Sərhəd Xidmətinin vətənpərvərlik mövzusunda keçirdiyi müsabiqədə hekayə nominasiyası üzrə III yeri, 2019-cu ildə I yeri, 2016-cı ildə Azərbaycan Respublikası Təhsil Nazirliyinin “Kiçikyaşlı uşaqlar üçün nəzm, nəsr və dram əsərləri müsabiqəsi”ndə nəsr nominasiyası üzrə IV yeri, 2018-ci ildə Özbəkistan Respublikasında Azərbaycan Xalq Cümhuriyyətinin 100 illiyinə həsr edilmiş esse müsabiqəsində I yeri tutmuşdur. 2021-ci ildə Kanadada keçirilmiş Anna Snitkina Dostoyevskaya adına beynəlxalq müsabiqədə nəsr nominasiyası üzrə qaliblərdən olmuş, Almaniyada keçirilmiş Dyuk de Rişelye adına beynəlxalq müsabiqədə nəsr nominasiyası üzrə hekayəsi dünya mədəniyyətinə töhfə verdiyi üçün qaliblərdən olmuş, Kanadada keçirilmiş Mark Tven adına beynəlxalq müsabiqədə nəsr nominasiyası üzrə 3-cü yeri tutmuş, İngiltərədə keçirilmiş X Open Eurasia-2021 beynəlxalq müsabiqəsində publisistika nominasiyası üzrə final mərhələsinə çıxmış, 2022-ci ildə Almaniyada keçirilmiş Ernest Heminquey adına beynəlxalq ədəbi müsabiqədə nəsr nominasiyası üzrə laureat olmuş, ədəbi fəaliyyətinə görə Amerika Birləşmiş Ştatları, Almaniya, İngiltərə, Argentina, Belarus və Qazaxıstanda diplomla təltif olunmuşdur.

2018-ci ildə mənsur şeirləri Türkiyədə nəşr olunmuş “Karabağdan Kerkükden Çanakkaleye” adlı şeir antologiyasında, “Azərbaycan qadınları repressiya illərində” adlı məqaləsi “Cümhuriyyətə işıq saçan qadınlar” adlı araşdırma yazılar toplusunda nəşr edilmişdir.

2015-ci ildə “Çinar və taxta parçası” adlı hekayəsi “Azərbaycan dili” dərsliyinə (rus bölmələrinin VIII sinifləri üçün) salınmış, 2017-ci ildə Türkiyə Respublikasının Adana şəhərində  “Adana haber postası” qəzetində “Beş kuruş” adlı hekayəsi türk dilində, Özbəkistan Respublikasının Daşkənd şəhərində “Kitob dunyosi” qəzetində “Beş tiyin” adlı hekayəsi özbək dilində, 2018-ci ildə Gürcüstan Respublikasının Tbilisi şəhərində “Müasir uşaq ədəbiyyatı” adlı jurnalda “Çinar və taxta parçası” adlı hekayəsi gürcü dilində, Qazaxıstan Respublikasının vatanpress.com saytında “Beş tiyin” adlı hekayəsi türk dilində,  "Доброта Вальтера" ("Valterin yaxşılığı") adlı hekayəsi rus dilində, Belarus Respublikasının Qomel şəhərində "Metamorfozı” jurnalında "Pyat kopeek" adlı hekayəsi rus dilində, 2019-cu ildə Belorusda "Metamorfozı" jurnalında "Доброта Вальтера" ("Valterin yaxşılığı") adlı hekayəsi və Belorusda “Ekoloq i ya” jurnalında iki hekayəsi rus dillərində, Özbəkistanın Termez şəhərində “Termez Universiteti” qəzetində bir hekayəsi özbək dilində, Tacikisan Respublikasının Düşənbə şəhərində “Adabie va comea” qəzetində iki hekayəsi tacik dilində, 2021-ci ildə Belarusda "Metamorfozı" jurnlında bir hekayəsi belarus dilində, Ukraynanın Kiyev şəhərində “Sun Sity” adlı beynəlxalq jurnalda “Çinar və taxta parçası” adlı hekayəsi ingilis və Ukrayna dillərində, iki hekayəsi Kanadada “Tvorçeskiy zal” adlı internet jurnalda rus dilində, dörd hekayəsi Donetsk şəhərində “Avanqard” jurnalında  rus dilində, Albaniyada “Atunis” jurnalında “Həyat ağacı” adlı hekayəsi alban dilində,  Hindistanda “ Bharat Vision” jurnalında bir hekayəsi ingilis dilində, “Əsir baxışlar” adlı hekayəsi Rumıniyada “Taifas” jurnalında ingilis dilində, 1 hekayəsi Polşada jurnalında polyak dilində, 1 hekayəsi Argentinada “Espiritu Creador” jurnalında ispan dilində, 2 hekayəsi İngiltərədə “East West” jurnalında ingilis dilində, 1 hekayəsi Omanda qəzetdə ərəb dilində, 1 hekayəsi Yunanıstanda “9 Muz” jurnalında rus dilində, 2022-ci ildə Qazaxıstanda ədəbi internet saytında qazax dilində 1 hekayəsi, Kosovonun “Ciceroni” qəzetində alban dilində 1 hekayəsi, Bolqarıstan, Rusiya və Serbiyada nəşr olunan “Vdoxnovenie” jurnalında rus dilində 1 hekayəsi, Kanadada “Humanity” jurnalında rus dilində 2 hekayəsi, Qırğızıstanda ədəbi saytda 2 hekayəsi qırğız dilində, Hindistanda “Litterateur rw” jurnalında 1 hekayəsi ingilis dilində, Almaniyanın “Word Creativity Forum” jurnalında 1 hekayəsi  alman dilində, Amerika Birləşmiş Ştatlarının Florida ştatında “The Creatives Magazine” jurnalında ingilis dilində, Serbiyada 1 hekayəsi serb və ingilis dillərində, Yunanıstanda 1 hekayəsi yunan dilində, Livanda jurnalda 1 hekayəsi ərəb dilində, Vyetnamın Hanoy şəhərində ədəbi qəzetdə 1 hekayəsi Vyetnam dilində dərc olunmuşdur.

Əli Cəfəroğlunun əsərləri 31 ölkədə - Azərbaycan, Türkiyə, Özbəkistan, Gürcüstan, Qazaxıstan, Belarus, Tacikistan, İran, Ukrayna, Kanada, Albaniya, Hindistan, Polşa, Rumıniya, Argentina, İngiltərə, Oman, Yunanıstan, Kosovo, Bolqarıstan, Rusiya, Serbiya, Qırğızıstan, Almaniya, Amerika Birləşmiş Ştatları, Vyetnam, Moldova, Banqladeş, Bosniya və Herseqovina, İordaniya, Livanda 22 dildə - Azərbaycan, türk, özbək, gürcü, rus, belarus, tacik, fars, ərəb, Ukrayna, alban, ingilis, fransız, alman, polyak, ispan, qazax, serb, yunan, Bosniya, qırğız, Vyetnam dillərində dərc edilmişdir.

2019-cu ildə "Əfqanıstandan sovet qoşunlarının çıxarılmasının 30 illiyi" medalı, 2022-ci ildə Beynəlxalq Ədəbiyyat və İncəsənət Assosiasiyası (Rusiya) tərəfindən “Müəllif xidmətlərinə görə” medalı ilə təltif edilmişdir.

2022-ci ildə isə Beynəlxalq Ədəbiyyat, İncəsənət, Kommunikasiya Akademiyasının (Almaniya) akademiki adını almışdır. 2023-cü ildə Almaniyada Beynəlxalq Əbədiyyat, İncəsənət, Kommunikasiya Akademiyasının təsis etdiyi beynəlxalqü "Frans Kafka" adına beynəlxalq ədəbi mükafata layiq görülmüşdür.

Evlidir, bir oğlu, iki qızı, bir nəvəsi var.

Əsərləri

  1. "Atam mənim xoşbəxtliyim". Bakı: Şirvannəşr, 2002, 130 səh
  2. "Zirvəyə doğru". Bakı: Şirvannəşr, 2003, 130 səh.
  3. "Həkimin arzuları". Bakı: Şirvannəşr, 2006, 130 səh.
  4. "Səksən beş ilin baharı". Bakı: Şirvannəşr, 2008, 100 səh.
  5. "Dənizçinin səyahəti". Bakı: Zərdabi LTD, 2013, 168 səh.

6. "Aforizm çələngi Zərdabi LTD, 2014, 160 səh.

7. "Dənizçinin səyahəti", İran İslam Respublikası, Zəncan şəhəri, Qələme-mehr nəşriyyatı, 2020ci il, 206 səh.

Mənbələr

  • T.Əhmədov. Azərbaycan yazıçıları XX-XXI yüzillikdə. Bakı: 2011, səh.263
  • F.Turan. Yurdumuz. Bakı: 2010
  • "Savalan" qəzeti, 2014
  • "Ağstafa" qəzeti, 2014, 2015, 2016
  • "Palitra " qəzeti, 5 oktyabr 2018, səh.13
  • "Ədəbiyyat" qəzeti, iyul, 2018
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023