Ələşrəf Nuru oğlu Niftiyev 1945-ci ildə Azərbaycan Respublikasının Masallı şəhərində kolxozçu və Böyük Vətən müharibəsi əlili ailəsində anadan olmuşdur.

Ələşrəf Niftiyev 1961-ci ildə Masallı şəhər 2 saylı tam orta məktəbini bitirmişdir.Həmin il Lənkəran Pedaqoji Texnikumuna daxil olmuş və 1963-cü ildə rus dili və ədəbiyyatı üzrə ixtisas almışdır. Daha sonra 1970-ci ildə M.F.Axundov adına Azərbaycan Dövlət Xarici İnstitutunda təhsilini tamamlamışdır.Bu institutda qazandığı təhsil onun pedaqoji fəaliyyəti və yaradıcılığında geniş bilik və analitik yanaşma qabiliyyəti formalaşdırmışdır.İxtisasca rus dili və ədəbiyyatı üzrə filoloqdur.1970–71-ci illərdə Sovet Ordusu sıralarında hərbi xidmətdə olmuşdur.

1963–68-ci illərdə müxtəlif məktəblərdə pedaqoji fəaliyyətlə məşğul olmuşdur.

1968–74-cü illərdə Masallı rayon Komsomol Komitəsinin təşkilat şöbəsinin müdiri və birinci katibi vəzifəsində çalışmışdır. 1974–76-cı illərdə Masallı rayon Partiya Komitəsində təşkilat şöbəsinin müdiri, 1976–77-ci illərdə isə rayon qəzetində şöbə müdiri olmuşdur.

1993-cü ilin noyabrından 2009-cu ilin iyun ayına kimi Masallı rayon İcra Hakimiyyəti başçısının müavini — təhsil, səhiyyə və mədəniyyət məsələləri üzrə şöbə müdiri vəzifəsində işləmişdir.

1994–95-ci illərdə dövlətçiliyə qarşı qəsdən cəhdlər zamanı Masallı ziyalılarının təşəbbüsü əsasında Bakı şəhərində Azadlıq meydanında və KİV-də dövlətçiliyin müdafiəsi, Ulu öndər H. Əliyevin çağırışlarına qoşulmaqda rayon hərakatına rəhbərlik etmişdir. Döyüş bölgələrinə hamilik, məcburi köçkünlərin gündəlik qayğıları, şəhid ailələrinin və əlillərin problemlərinin həllində koordinasiya işlərinə rəhbərlik etmişdir.

Ələşrəf Niftiyev pedaqoji fəaliyyəti zamanı metodist müəllim kimi ali kateqoriyalı "Qabaqcıl Maarif əlaçısı" döş nişanına və müxtəlif mükafatlara layiq görülmüşdür. O,təhsil sahəsində gənc nəslin milli-mənəvi dəyərlərə uyğun tərbiyə edilməsinə xüsusi diqqət ayırmışdır.Fəal işinə görə dəfələrlə ÜİLKGİ MK-nin, Azərbaycan LKGİ-nin, rayon Partiya Komitəsinin fəxri fərmanları və döş nişanları ilə təltif olunmuşdur.

Dəfələrlə rayon və şəhər sovetinin deputatı olmuşdur. Şəhər sovetinin deputatı olarkən Viləş çayı üzərində ikinci asma piyada körpüsünün salınmasına nail olmuşdur. Həmin körpüyə Azərbaycanın Milli Qəhrəmanı şəhid Etibar İsmayılovun adı verilmişdir.

Ələşrəf Niftiyev məktəb illərindən bədii yaradıcılığa həvəs göstərmiş,yüzlərlə məqalə, elmi-publisistik,pedaqoji və ictimai mövzularda yazıların,tərcümələrin,2010-2024-cü illərdə "Elm və təhsil" nəşriyyatı tərəfindən buraxılmış "Ömür yolu-nur yolu","Oğul, bu Qurana and iç ki...", "Kiçiklərə,böyüklərə və hər kəsə","Haqqın gücü", "Həyatımın həqiqətləri","Hər kəs qədrini yaşar", "Vur-tut dünyada bir ömrümüz var","Seçilmiş hekayələr", "Uşaqlar üçün hekayələr", "Yaxşılığa qoyulmayıb tərəzi", "Gərək sevəsən, seviləsən və sevdirəsən" və s. adlı 21 kitabın müəllifidir. Rusiya,Ukrayna,Türkiyə və başqa ölkələrin qəzetlərində onun məqalələri, kitabları barədə rəylər dərc olunmuşdur.

Azərbaycan Yazıçılar və Jurnalistlər Birliklərinin üzvü, "Qızıl qələm" və H.B.Zərdabi media mükafatı laureatıdır.Tanınmış ədib və ictimai xadimdir. Yaradıcılığı əsasən sosial problemlərin həllinə çağırış xarakteri daşıyır və gənclər arasında maarifçilik fəaliyyətinin gücləndirilməsinə,milli-mənəvi dəyərlərin təbliğinə yönəlmişdir.

Masallı rayon Ağsaqqallar Şurasının, Veteranlar Şurasının və Ziyalılar Cəmiyyətinin rəhbər heyətində təmsil olunur və fəal iş aparır.O, təmsil etdiyi bölgənin sosial-mədəni inkişafına yönəlmiş layihələrdə fəal iştirak etmişdir. Rayon ziyalılarının təşəbbüsü ilə keçirilən mədəni tədbirlərin təşkilatçısı olmuşdur.

Ələşrəf Niftiyev dövlət qulluğunda uzun müddət səmərəli və qüsursuz fəaliyyətinə görə Azərbaycan Respublikası Prezidentinin 22 iyun 2007-ci il tarixli sərəncamı ilə "III dərəcəli Vətənə xidmətə görə" ordeni ilə təltif edilmişdir.

Azərbaycan Respublikası Prezidenti İlham Əliyevin 2024-cü il 2 fevral tarixli 4289 nömrəli Sərəncamı ilə "Heydər Əliyevin 100 illiyi (1923–2023)" yubiley medalı ilə təltif edilmişdir.

Masallı Rayon Ağsaqqallar Şurasının sədri Ələşrəf Niftiyev ölkənin ictimai-siyasi həyatında və Masallı Rayon Ağsaqqallar Şurasının sədri olaraq təşkilatın işində uzunmüddətli səmərəli fəaliyyətinə görə “Fəxri Ağsaqqal” döş nişanı ilə təltif edilib.Respublika Ağsaqqallar Şurasının "Fəxri Ağsaqqalı" dır.

5. , Masallı Rayon Ağsaqqallar Şurasının rəsmi saytı, istifadə tarixi: 21 noyabr 2024.
6. , Masallı Rayon İcra Hakimiyyətinin rəsmi saytı, istifadə tarixi: 21 noyabr 2024.
7. , Masallı Rayon Ağsaqqallar Şurasının rəsmi saytı, istifadə tarixi: 21 noyabr 2024.
8. , Leqal.az, istifadə tarixi: 21 noyabr 2024.
9. . frameworks.e-qanun.az. İstifadə tarixi: 2024-11-13.
10. Heydər Əliyevin 100 illiyi (1923–2023) yubiley medalı ilə təltif edilənlərin siyahısı. Vikipediya.

Ailəlidir, üç qızı və bir oğlu, səkkiz nəvəsi var.

* [ Nəsillərə örnək bir insan portreti

* [

* [

* [

* [

* [

* [