1903-cü ildə Hərbi məktəbi leytenant rütbəsi ilə bitirdi. Eyni ildə daxil olduğu Hərbi Akademiyanı 1906-cı ildə bitirərək Qərargah komandiri oldu. Müxtəlif bölüylərdə Birlik komandiri, Tabur komandiri və Qərargah komandiri kimi vəzifələri yerinə yetirdi. Afrika Qruplarının Qərargah komandiri olduğu vaxtlarda 8 mart 1919-cu il — 8 oktyabr 1919-cu illər arasında fransız və italyanlar tərəfindən əsir alındı. Əsirlikdən azad olduqdan sonra Əskişəhər Cəbhə Komandirliyi və 1-ci korpusun qərargah rəisi vəzifələrinin ardından 8 fevral 1921-ci ildə Anadoluya döndü. Müxtəlif qərargahlarda və bölüklərdə xidmət etmişdir.

1926-cı ildə general-mayor rütbəsinə yüksəldi. 1930-cu ildə general-leytenant rütbəsinə yüksəldi. 1937-ci ildə Tkarya Manevrlərinə qoşuldu. 1940-cı ildə ordu generalı təyin edildi. General-mayor rütbəsi ilə 6-cı korpusun komandiri, general-leytenant rütbəsi ilə 9-cu korpusun komandiri, 4-cü korpusun komandiri və 2-ci ordu komandir köməkçisi, ordu generalı rütbəsi ilə 2-ci ordu komandiri Ali Hərbi Şuranın üzvü olmuşdur. 8 iyun 1949-cu ildə Baş qərargah rəhbəri vəzifəsinə təyin edildi, lakin daha sonra isə, o dövrdə baş nazir vəzifəsini icra edən Adnan Menderes tərəfindən 1950-ci il iyunun 6-da 15 general və 150 polkovnik ilə dövlət çevrilişinə cəhd iddiası ilə vəzifədən uzaqlaşdırıldı və Ali Hərbi Şuranın üzvü təyin edildi. 6 iyul 1950-ci ildə Ali Hərbi Şuranın üzvlüyündən təqaüdə çıxdı.

6 yanvar 1961 və 15 oktyabr 1961 tarixləri arasında Qurucu Məclisin sədrinin nümayəndəsi idi. Hal-hazırda Samatya, İstanbulun Fatih Güngörən və İzmirin Bayraqlı qəsəbələrində bir məhəllə və Bodrum Cümhuriyyət Məhəlləsində bir küçə onun adını daşıyır. İstanbuldakı məhəllə xalq arasında daha çox Mərtər adıyla tanınır.

• İtaliya-Osmanlı müharibəsi
• Balkan müharibələri
• Birinci Dünya müharibəsi
• Türkiyə İstiqlaliyyət müharibəsi