Şeybə ibn Haşim və ya bilinən adı ilə Əbdülmüttəlib (ərəbcə: عبد المطّلب) — Qureyş qəbiləsinin Bəni-Haşim tayfasının rəhbəri idi. Məhəmmədin babası. Vəfatına qədər nəvəsinə ən yaxşı şəkildə baxdıqdan sonra, peyğəmbəri oğlu Əbu Talibə əmanət vermişdir.

Əbdülmüttəlib
Doğum tarixi	təq. 480
Doğum yeri	Mədinə
Vəfat tarixi	579
Vəfat yeri	Məkkə, Hicaz
Dəfn yeri	Cənnətül-müəlla[d]
Uşaqları	Əbu Talib, Abbas ibn Əbdülmütəllib, Həzrəti Həmzə, Səfiyyə binti Əbdülmüttalib, Əbu Ləhəb, Abdullah ibn Əbdülmütəllib
Fəaliyyəti	tacir
Vikianbarda əlaqəli mediafayllar

Əbdülmüttəlib, tam adı ilə Şeybə ibn Haşim İslam peyğəmbəri Məhəmməd peyğəmbərin babası və Qüreyş qəbiləsinin nüfuzlu rəhbərlərindən biri idi. O, Məkkənin idarəçiliyi və Kəbənin mühafizəsi ilə məşğul olurdu və Haşimilər ailəsinin lideri kimi Məkkə cəmiyyətində böyük nüfuza malik idi.

Əbdülmüttəlib eyni zamanda, Məhəmmədin yetim qaldığı dövrdə onun tərbiyəsi ilə də məşğul olmuşdur. Onun ən məşhur hadisələrindən biri, “” ilə bağlıdır. Əbdülmüttəlib Kəbəni müdafiə etmək üçün dua etmiş və Əbrəhənin ordusuna qarşı yardım istəmişdir. Fil əhvalatı zamanı Əbdülmüttəlibin duasına cavab olaraq, quşların daşlar ataraq ordunu məhv etdiyi rəvayət edilir. Bu hadisə İslam ənənələrində Allahın Kəbəni qoruduğuna işarə kimi qəbul edilir.

Əbdülmüttəlib həm də Zəmzəm quyusunun yenidən kəşfi ilə tanınır. Bir rəvayətə görə, yuxusunda ona Zəmzəm quyusunun harada olduğunu göstərilmiş və o, həmin yeri qazaraq su qaynağını yenidən açmışdır. Bu hadisə də Məkkə xalqı arasında onun nüfuzunu daha da artırmışdır.

Əbdülmüttəlibin ölümündən sonra, Məhəmmədin qayğısını əmisi Əbu Talib öz üzərinə götürmüşdür.