XVIII əsrin 40-cı illərində Şirvanda xalq hərəkatı daha geniş vüsət aldı. 1743-cü ildə Şirvanda Nadirin zülmünə qarşı üsyan qalxdı. Belə bir tarixi şəraitdə guya Səfəvilər nəslindən olan yalançı Sam Mirzələr meydana çıxdılar. Nadirin zülmündən cana doyan əhali qurtuluşu Sam Mirzədə görürdü və ona görə də onu rəğbətlə qarşılayırdı. Lakin Sam Mirzələrin hamısı məğlub oldular. Bütün bu siyasi hadisələrdən Türkiyə öz xeyrinə istifadə etməyə çalışırdı.