Şikar Qasımov 1958-ci il fevralın 9-da Laçın rayonunun Cicimli kəndində anadan olub.

1974-cü ildə Cicimli kənd səkkiz illik məktəbini bitirmiş, sonra isə Güləbird kənd orta məktəbində təhsilini davam etdirmiş 1976-cı ildə oranı bitirmişdir.

1981-ci ildə Stepanakert Pedaqoji İnstitunun Tarix fakültəsini fərqlənmə diplomu ilə bitirmişdir.

1981–1985-ci illərdə təyinatla Laçın aryonunda tarix müəllimi, 1985–1987-ci illərdə Abşeron rayon mədəniyyət şöbəsində tarixi abidələrin mühavizəsi və diyarşünaslıq muzeyində elmi işçi vəzifəsində işləmişdir.

1987-ci ildən Ç. İldırım adına Sov. İKP tarix kafedrasında (indiki Azərbaycan Texniki Universitet) işləyir. Kafedrada laborantlıqdan, baş laborant, müəllim, dosent və kafedra müdiri vəzifəsinədək yüksəlmişdir.

1990-cı ildə AE Tarix institutunda "Azərbayacan fəhlə sinfinin beynəlmiləlçik və vətənpərvərlik tərbiyyəsində müttəfiq Sovet respublikaları ilə əməkdaşlığın rolu 1928–1937-ci illər" mövzusunda namizədlik disertasiyasını müdafiə edərək tarix elmləri namizədi alimlik dərəcəsi almışdır.

1992-ci ildə AzTU-nun tarix kafedrasında müəllimlik vəzifəsindən kafedranın dosenti vəzifəsinə seçilmişdir. 1995-ci ildən isə AzTU-nun Həmkərlar İttifaqı Komitəsində sədr müavini və 1995-ci ildən 2001-ci ilə kimi "Mühəndis biznesi və Menecment" fakültəsində tərbiyyə işləri üzrə dekan müavini vəzifəsində işləmişdir.

1993–1996-cı illərdə Azərbaycan Milli Universitetində "Tarix və Fəlsəfə" kafedrasının, 1996–1998-ci illərdə Azərbaycan Dövlət Dəniz Akademiyasında "Humanitar fənlər" kafedrasının müdiri vəzifəsində işləmişdir.

2001–2006 cı illərdə AzTU-da tərbiyyə işləri üzrə prorektor və AzTU-nun mətbuat orqanı olan "Ziya" qəzetində baş redaktor işləmişdir. 2010-cu ildən AzTU Əmək və Müharibə Veteranları Şurasının və 2013-cü ildən Yasamal rayonu, Hüseyn Cavid 25, ərazi YAP ilk təşkilatının sədridir.

2002-ci ildən 2015-ci ilə qədər tarix kafedrasının, 2015-cildən isə "İctimai fənlər" kafedrasının müdiri vəzifəsində çalışır.

2008-ci ildə AMEA-nın Tarix İnstitutunda "Azərbaycan SSR yaradıcılıq ittifaqlarının yaranması və fəaliyyəti (1920–1930 cu illər)" mövzusunda doktorluq dissertasiyasını müdafiə etmişdir. 330-dan çox elmi, metodik və publistik məqalənin, o cümlədən Texniki ali məktəblər üçün yeddi "Tarix" fənninin tədrisi proqramının, "Tarixin tədrisinə dair" dörd metodiki vəsaitin, iki məcmuənin, "Azərbaycan SSR yaradıcılıq ittifaqlarının yaranması və fəaliyyəti (1920–30)", Bakı, 2007, "Azərbaycan yaradıcı ziyalıları sovet hakimiyyəti illərində (1920–1940)", Bakı, 2009, "Xalq Qəhrəmanı Sultan bəy", Bakı, 2011 və "Əsirlikdə qalan Laçın", Bakı, 2012 monoqrafiyalarının, "Azərbaycan tarixi" (Texniki-ali məktəblər üçün dərslik, 608 səh.) Bakı, 2015 dərsliyinin və " Azərbaycan ərazilərində erməni saxtalaşdırmaları və ekoloji terror", Bakı,2018 kitabının müəllifidir. Moskvanın, Dağıstanın, Türkiyənin, Kiyevin, Ryazanın, Makedoniyanın, İtalyanın, Çuvaş Respublikasının və Tiflisin elmi jurnallarında 20-dən çox məqaləsi çap olunubdur. 2011-ci ilin aprel ayında Kiyev şəhərində kosmosun fəthinin 50- illiyi münasibəti ilə keçirilmiş Beynəlxalq elmi-praktik konfransda iştirak etmiş və "Kosmik tədqiqatların Azərbaycanda elm və texnikanın inkişafında rolu" mövzusunda məruzə etmişdir. 2012-ci ilin mayında Türkiyənin Amasya şəhərində Mir Həmzə Nigariyə həsr olunmuş Beynəlxalq Simpoziumda "Cicimlidən Amasyaya gedən təsəvvüf yolu", 2014-cü ildə Türkiyənin Konya şəhərində VIII Uluslararası Türk Kültürü, Sanatı və Kültürel Mirası Koruma Sempozyumunda "Azərbaycanın Naxçıvan Muxtar Respublikasında Ədəbiyyat və İncəsənətin inkişafı tarixindən (1920–30-cu illər)" mövzularında məruzə ilə çıxış etmişdir. 2014-cü ilin dekabr ayında isə Türkiyənin Malatya şəhərində İnönü Universitetində, Tarsus şəhərində Çağ universitetində və Mersin Dövlət Universitetində "Türkiyə və Azərbaycan: Ortaq dəyərlər və tarix" mövzusunda keçirilən silsilə konfranslarda əsas məruzəçi kimi və Türkiyənin Kanal −33 TV-də cıxışlar etmişdir. 2015-ci və 2016-cı ilin may aylarında Türküyyənin Konya şəhərində, 2016-cı ilin oktyabr ayında Ağrı Universitetində, 2017, 2018-ci illərin yanvarında Makedonyanın Ohrid şəhərində, 2018-ci ilin may ayında İtalyanın Matera şəhərində keçirilən Beynəlxalq konfranslarda və 2019-cu ilin yanvar ayında isə Gürcüstanın Tibilisi şəhərində keçirilən I Uluslararası dergi Karadeniz sosial bilimler simpoziumunda iştirak etmişdir.

Prof. Şikar Qasımov 2016-cı ilin may ayında Türküyyənin Konya şəhərində "VI Uluslararasi türk sanati, tarihi ve folkloru kongresi"ndə uğurlu iştirakına və dəyərli məruzəsinə görə konqresin təşkilat komitəsi tərəfindən "BİLME, SENETE KATKI" ödülü ilə mükafatlandırılmişdır. "Türk xalqlarının tarixi", "Siyasi tarix" dərs vəsaitinin rəyçisi, "İslam qanunlarına aid 400 suala 400 cavab" kitabının redaktoru və rəyçisi olmuşdur. ümumilikdə onlarla kitabın redaktoru və rəyçisi olmuşdur. 30-dan çox namizədlik və doktorluq dissertasiyalarının aftoreferatlarına rəy vermiş və rəsmi opponent olmuşdur. Azərbaycan Respublikasının Prezidenti yanında Ali Attestasiya Komissiyasının Tarix və Siyasi elmlər üzrə Ekspert Şurasının üzvü və MDB ölkələri arası Monitorinq İnstitutunun Bakı filalının ekspertidir. 10 noyabr 2011-ci il tarixində Azərbaycan Respublikası Prezidentinin sərəncamı ilə "Tərəqqi" medalı ilə təltif olunmuşdur. Milli Ordumuzun yaranmasi günü, ictimai, siyasi və gənclərin vətənpərvərlik tərbiyəsi sahəsində fəaliyyətinə görə Respublika Qarabağ Veteranları Əlilləri Şəhid Ailələri İctimai Birliyinin tərəfindən 2016-cı ildə "Fədai" medalı və 2017-ci lldə isə "Vətən naminə" medalı ilə təltif olunmuşdur. 2017-ci ilin may ayında YAP Yasamal təşkilatı tərəfindən Ulu öndər Heydər Əliyevin anadan olmasının 94-cü ildönümü və İctimai-siyasi fəaliyyətinə görə "Fəxri Fərmanla" və 2018-ci ilin fevralında isə Azərbaycan Respublikası Təhsil Nazirinin əmri ilə "Qabaqcıl Təhsil İşçisi" döş nişanı ilə təltif olunmuşdur.

1989–1992-ci illərdə Laçın bölgəsində könüllü özünü müdafiə dəstəsinin tərkibində ön cəbhədə iştirak etmişdir. Qarabağ müharibəsi veteranıdır. Hal-hazırda Azərbaycan Texniki Universitetində Müharibə və Əmək Veteranları Şurasının və Yasamal rayon, H. Cavid 25, ərazi YAP ilk təşkilatının sədridir. 1995-ci ildən indiyə kimi AzTU-da fakültə Elmi Şurasının, 2001-ci ildən isə universitet Elmi Şurasının üzvüdür. Ailəlidir, iki övladı, dörd nəvəsi var.

• Azərbayacn SSR yaradıcılıq ittifaqlarının yaranması və fəaliyyəti (1920–1930-cu illər), Bakı,2007, Əsirlikdə qalan Laçın, Bakı, Elm 2012, Azərbaycan Tarixi (Texniki ali məktəblər üçün dərslik), Bakı, Qanun 2014 və Azərbaycan ərazilərində erməni saxtalaşdırmaları və ekoloji terror, Bakı, 2018.

• ^{[ölü keçid]}