Şamil Ağaməmməd oğlu Səlimxanov 17 dekabr 1923-cü ildə Bakı şəhərində anadan olmudur. Orta təhsilini 31 N-li məktəbdə almış, 1940-cı ildə Azərbaycan Tibb İnstitutunun müalicə-profilaktika fakültəsinə daxil olmuşdur. 1946-cı ildə institutu fərqənmə diplomu ilə bitirib aspiranturaya daxil olmuşdur. Əmək fəaliyyətinə məhkəmə təbiəti kafedrasında assitent işləməklə başlamışdır. Sonra həmin kafedrada dosent və 1970-91-ci illərdə isə kafedra müdiri işləmişdir. 1991-ci ildən kafedranın professorudur.Şamil Səlimxanov Səhiyyə Nazirliyinin məhkəmə-tibbi ekspertiza bürosunda şöbə müdiri, Baş məhkəmə tibb eksperti kimi məsul vəzifələrdə çalışmışdır. Şamil Səlimxanov Ümumittifaq elmi cəmiyyətin üzvü, 1963-cü ildən İnstitut Həmkarlar Təşkilatının sədri, Respublika Həmkarlar Təşkilatı Komitəsinin plenum üzvü olmuşdur. Onun elmi dövlət tərəfindən qiymətləndirilmiş və

• Rəşadətli əməyə ,
• Əməkdə fərqlənməyə
• Səhiyyə əlaçısı medalları ilə mükafatlandırılmışdır.

Şamil Səlimxanov səksənə qədər elmi məqalələrin, bir ixtiranın və beş səmərələşdirici təklifin müəllifidir. Məhkəmə təbabəti haqqında Azərbaycan dilində yazılmış ilk dərsliyin müəllifidir. İnstintaq işçiləri və tələbələrin stolüstü kitabıdır. Xəsarətlərin ağırlıq dərəcəsi, Meyidin məhkəmə tibbi müayinəsi,Yanmış meyidlərin ekspertizası adlı monoqrafiyaların müəllifidir.

• Zemfira Səlimxanova
• Qüdrət Səlimxanov