|
Bu məqalədəki və ya bölmədəki məlumatlar köhnədir.
|
Şamil Hacıağa oğlu Musayev (1943) — Azərbaycan dövlət xadimi, Azərbaycanın rabitə naziri (1990–1992).
| Şamil Musayev | |
|---|---|
 | |
| 5 fevral 1991 – 15 iyun 1992 | |
| Əvvəlki | vəzifənin adı dəyişdirilib |
| Sonrakı | Abdul Qəhrəmanzadə |
| 12 aprel 1990 – 5 fevral 1991 | |
| Əvvəlki | Bahadur Axundov |
| Sonrakı | vəzifənin adı dəyişdirilib |
| Şəxsi məlumatlar | |
| Doğum tarixi | 1943 |
| Partiya | |
.svg){kind=small}
Həyatı
Şamil Hacıağa oğlu Musayev 1943-cü ildə anadan olmuşdur. İxtisasca avtomatik elektrik rabitə mühəndisidir.
Əmək fəaliyyətinə Bakı elektrik-quraşdırma məmulatları zavodunda elektrik çilingəri kimi başlamışdır. 1966-cı ildən 1976-cı ilədək "Azərsənayeelektroquraşdırma" trestinin Bakı Sənayerabitəquraşdırma İdarəsində mühəndis, böyük mühəndis, rəis müavini, baş mühəndis və rəis vəzifələrində işləmişdir.
Şamil Musayev 1976-cı ildə Azərbaycan SSR Nazirlər Sovetinin Quraşdırma və Xüsusi Tikinti İşləri İdarəsi rəisinin müavini təyin edilmiş, 1982-ci ildən Azərbaycan SSR quraşdırma və xüsusi tikinti işləri nazirinin müavini vəzifəsində çalışmışdır. 1989-cu ilin may ayından "Azərxüsusitikintiquraşdırma" ərazi-tikinti-quraşdırma birliyi rəisinin müavini olmuşdur. 1990-cı ilin aprel ayında Azərbaycan SSR rabitə naziri təyin edilmişdir. O, bu vəzifədə 1992-ci ilin iyun ayınadək çalışmışdır.
İstinadlar
- The Ministers of the Republic of Azerbaijan // (ingilis). München; London; New York; Paris: K. G. Saur. 1992. səh. . ISBN 3-598-10810-9.
- ↑ Шамил Һаҹыаға оғлу Мусајев: [Азәрбајҹан ССР рабитә назири] // Коммунист. 13 апрел 1990-ҹы ил. С. 1.