Şakir Abbasov 20 oktyabr 2012-ci ildə həbs edilmiş, 27 oktyabr 2012-ci ildə sərbəst buraxılmışdır.

Şakir Abbasov 20 iyul 1992-ci ildə Azərbaycan Prezidenti Əbülfəz Elçibəyin 62 nömrəli fərmanı ilə Füzuli Rayon İcra Hakimiyyətinin başçısı vəzifəsinə təyin olunmuşdur. O, 23 dekabe 1992-ci ildə Azərbaycan Respublikasının Prezidenti Əbülfəz Elçibəyin 374 nömrəli fərmanı ilə vəzifəsindən azad edilmişdir.

Şakir Abbasov Azərbaycan Xalq Cəbhəsi üzvü olmuşdur. O, daha sonra Azərbaycan Xalq Cəbhəsi Partiyasının üzvü və partiya sədrinin müşaviri olmuşdur. Şakir Abbasov 19 oktyabr 2014-cü ildə partiyadan istefa vermişdir.

Şakir Abbasov 27 noyabr 2014-cü ildə Müsavat Partiyasına üzv olmuşdur. O, Müsavat Partiyası Məclisinin üzvü, 4 iyul 2015-ci ildə isə Məclisin Qarabağ Komissiyasının sədri seçilmişdir.

Şakir Abbasov 2021-ci ildə sabiq prezidentliyə namizəd Əşrəf Mehdiyevin sədrlik etdiyi, 2010-cu ildə fəaliyyətini dayandırmış və rəsmi dövlət qeydiyyatı olmamış Qeyrət Partiyasını Milli Qeyrət Partiyası adı ilə bərpa etdiyini elan etmişdir. O, pandemiya ilə əlaqədər biri Klassik Xalq Cəbhəsi Partiyasının qərargahı olmaqla 3 fərqli yerdə qurultay keçirdiklərini açıqlamışdır. Milli Qeyrət Partiyası dövlət qeydiyyatına alınmamışdır.