Şahin Balayev 1982-ci ildə Kəlbəcər rayonunun, kəndində anadan olub.

1988-1999-cu illərdə Gəncə şəhəri 18 saylı tam orta məktəbdə təhsil alıb. 1999-cu ildə Gəncə Dövlət Universitetinin Filologiya fakültəsinə daxil olub. 2003-cü ildə həmin universitetin məzunu olub.

2003-2004-cü illərdə Sərhəd Qoşunlarının Xüsusi Təyinatlı Çevik Hərəkət Bölüyündə hərbi xidmət keçib.

Evlidir, bir övladı var.

Hazırda Bakı şəhərində yaşayır və Zaferoğlu Mebel şirkətində rəhbər olaraq çalışır.

İdmanın karate növü ilə məşğul olur. Bu növdə həm ölkədaxili yarışlarda, həm də beynəlxalq turnirlərdə bir sıra uğurlara imza atıb.

2013-cü ildə karatenin WKC növləri üzrə İtaliyada keçirilən Dünya Çempionatında fərdi kumite yarışlarında dünya çempionu, komanda hesabında isə dünya üçüncüsü olub.

2014-cü ildə Karatenin WKC növləri üzrə Rusiyada keçirilən Avropa Çempionatında bürünc medal qazanıb. Həmin il Ukraynada keçirilən Şaolin döyüş növləri üzrə 2-ci Dünya Çempionatında çəkisi 85 kq-dan yuxarı olan idmançıların mübarizəsində qalib olub.

2015-ci ildə Moldovada keçirilən Karate üzrə Dünya Çempionatının da qalibi adını qazanıb.2016-cı ildə Ukraynada keçirilən Dünya Kubokunun qalibi olub.

2018-ci ildə Ukraynada keçirilən dünya kubokunun qalibi olub.

3-cü dan qara kəmər sahibi və beynəlxalq dərəcəli idman ustasıdır.

Şahin Balayev 2021-ci ildən "Gəncə İş Adamları İctimai Birliyi"-nin İdarə Heyəti sədrinin I müavini-dir.

• İdman Azərbaycan TV. ( (az.)). YouTube. 2013-12-28. İstifadə tarixi: 2018-09-05.
• ARB. ( (az.)). YouTube. İstifadə tarixi: 2018-09-05.