Bu şablona və {{subst:Ö.}} şablonuna nə ehtiyac olduğunu anlamıram. Əgər bu şablonu yerləşdirmək müvafiq olaraq "d" və "ö" hərflərini yazmaqdan daha çox vaxt və əmək tələb edirsə, onda şablonun faydası nədir? Üstəlik məqalələrdə doğum və ölüm tarixlərindən əvvəl "d" və "ö" hərflərinin yazılmaması barədə bir neçə il əvvəl az-vikidə konsensus əldə olunub. Əgər şəxs hələ sağdırsa, o halda doğum tarixindən əvvəl "d" hərfinin yazılması daha məqbuldur. Wertuose (talk) 06:15, 7 avqust 2012 (UTC)

Əldə olunan konsensusdan məlumatım yoxdur. Bu iki şablonu standart kimi qəbul etməkdə də problem görmürəm. Həm də Doğum günü və Ölüm günü adlı məqalələr də yaradıb, şablonlarda müvafiq keçid vermək olar. --►CEKLİ^{de gəlsin}06:56, 7 avqust 2012 (UTC)

Konsensus təxminən 2009-cu ildə əldə olunmuşdu. Əvvəllər türk vikisindən avtomatik tərcümə edilən məqalələrdə bu şəkildə "d" və "ö" (və ya "v") hərfləri yazılırdı. Sonradan bunun qeyri-estetik olması səbəbindən o vaxtkı bir neçə aktiv istifadəçi tərəfindən yığışdırılmasına qərar verildi və məncə tamamilə doğru qəbul edilmiş qərar idi. Çünki ad və soyaddan sonrakı rəqəmlərin doğum və ölüm tarixi olması məlumdur. Lakin "d" və "ö" hərflərinin hansı mənada işləndiyini əksər oxucular başa düşmür. Təbii ki, bizə aydındır ki, "d" - "doğum", "ö" - "ölüm" sözlərinə işarədir, çünki bununla hərdən rastlaşırıq. Amma əgər bu hərflər yazılmadan da hər şey aydındırsa, onda onların yazılmasına nə ehtiyac var. Həmçinin, əgər söhbət bircə hərfin yazılmasından gedirsə, onda bunun üçün şablon yaratmağa nə ehtiyac var. Wertuose (talk) 09:40, 7 avqust 2012 (UTC)