Şəki Şəhər günü 7 iyul 2023-cü il tarixində Şəki Şəhər İcra Hakimiyyəti, Mədəniyyət Nazirliyi və Bəstəkarlar İttifaqının birgə təşkilatçılığı ilə reallaşmış bayram tədbiridir. "Şəhər günü"nün Şəkidə "İpək Yolu" XII Beynəlxalq Musiqi Festivalının keçirildiyi günlərə təsadüf edib. Bayram tədbirinin təntənəli açılış mərasimi səhər saatlarında Şəki şəhərindəki Bəxtiyar Vahabzadə adına parkın qarşısındakı meydanda təşkil olunub. Tədbirdə Şəki şəhərinin 2711 illik tarixə və mədəniyyətə malik olması qeyd olunub.

Azərbaycanın və Özbəkistanın Xalq artisti Gülyanaq Məmmədova, F.Əmirov adına Azərbaycan Dövlət Mahnı və Rəqs Ansamblı, Türkiyənin Safranbolu bələdiyyəsinin Xalq Oyunları qrupu tədbirdə çıxış edib.

2711 illik tarixə malik Şəki şəhəri 7 iyul 2019-cu ildə Bakıda keçirilən UNESCO-nun Ümumdünya İrs Komitəsinin 43-cü sessiyasında Birinci vitse-prezident Mehriban Əliyevanın təşəbbüsü və rəhbərliyi ilə "Xan Sarayı ilə birgə Şəkinin tarixi mərkəzi" UNESCO-nun Ümumdünya İrs Siyahısına daxil edilib. 2021-ci il iyulun 7-də Şəkidə keçirilən təntənəli mərasimdə "Xan Sarayı ilə birgə Şəkinin tarixi mərkəzi"nin UNESCO-nun Ümumdünya İrs Siyahısına daxil edilməsi ilə bağlı təşkilatın baş direktoru tərəfindən imzalanan sertifikat şəhər rəhbərliyinə təqdim olunub. Həmin tədbirdə hər il iyulun 7-nin Şəkidə "Şəhər günü" kimi qeyd olunması qərara alınıb.

1. ↑