| Şəhla İsmayıl | |
|---|---|
| İsmayıl Şəhla Rafiq qızı | |
| Doğum tarixi | |
| Doğum yeri | Bakı, Azərbaycan |
| Vətəndaşlığı |
 Azərbaycan
|
| Milliyyəti | azərbaycanlı |
| İxtisası | İngilis dili filologiyası üzrə magistr təhsilli filoloq |
| Təhsili | Xəzər Universiteti |
| Fəaliyyət illəri | 1998-ci ildən indiyə kimi |
| Mükafatları |
|
Həyatı
Şəhla İsmayıl 1976-cı ildə Bakı şəhərində anadan olub. İxtisasca ingilis dili filologiyası üzrə magistr təhsilli filoloqdur. 2005-ci ildə Birləşmiş Krallığın "İnsan Hüquqları, Demokratiya və Yaxşı İdarəçilik" mövzusunda Con Smit təqaüd proqramının Azərbaycandan olan ilk məzunlarındandır. 2011-ci ildə ABŞ-də yerləşən Avrasiya Fondunun "Avrasiyanın Gənc Liderləri" təqaüd proqramının Azərbaycan üzrə ilk mükafatçısıdır.
Şəhla İsmayıl azərbaycan, rus və ingilis dillərində sərbəst danışır və yazır. Ailəlidir. İki övladı var.
Karyerası
Şəhla İsmayıl, 1998-ci ildən qadınların cəmiyyətdə rolunun artırılması ilə bağlı fəaliyyət göstərir.
O, 20 ildən artıqdır ki, gender bərabərliyi və qadın hüquqları sahəsində fəal şəkildə çalışır.İngiltərə (2005), ABŞ (2011), Belçika (2014) və Fransada (2018) həyata keçirilən təqaüd proqramlarının iştirakçısı olmuş Şəhla İsmayıl, dünyanın 50-dən artıq şəhərində məruzəçi qismində çıxış etmişdir.
O, 2002-ci ildən etibarən Rasional İnkişaf uğrunda Qadınlar Cəmiyyətinin sədrivə 2005-ci ildən başlayaraq Azərbaycanda Norveç İnsan Hüquqları Fondunun müvəkkilidir. Şəhla İsmayıl, həmçinin 2010-cu ildən biznes layihələri ilə də məşğul olmağa başlamışdır. O Azərbaycanda ilk İR şirkəti olan CONTRAST şirkətinin İdarə Heyətinin üzvüdür.
Digər yandan qərargahları ABŞ-də yerləşən "Qadınlar üçün Qlobal Fond" və 2011-ci ildən də "Qadın Hüquqları üzrə Təcili Yardım Fondu" təşkilatlarının məsləhətçisidir.
Şəhla İsmayıl 2013-cü ildən Almaniyanın Konrad Adenauer Fondunun "Qadın Gücünə Güc" adlı layihəsinin rəhbəri vəzifələrində çalışıb. O, həmçinin kommunikasiya bacarıqları, insan resursları və institusional potensialın artırılması üzrə mütəxəssis, həyat və biznes kouçu qismində fəaliyyət göstərir(b).
O, 2013-cü ildən Azərbaycan Respublikası Təhsil Nazirliyi ilə Təhsil Texnologiyaları Milli Mərkəzinin "Sağlam Təhsil — Sağlam Xalq" mega-layihəsinin Gender Blokuna rəhbərlik etmişdir. Layihənin əsas məqsədi yüksək səviyyədə öyrənmə vərdişlərinə nail olmaq üçün gender və sağlamlığın müdafiəsinə həsr olunmuş innovativ texnologiyalar vasitəsilə Azərbaycanın təhsil sistemində əsaslı islahatların həyata keçirilməsidir.
2014-cü ildən etibarən Şəhla İsmayıl, yaratdığı Azərbaycanda ilk gender-profilli kommersiya təşkilatı olan "Gender Port" adlı MMC-nin təsisçisi və direktorudur. Bu təşkilatın missiyası və məqsədləri Azərbaycan qadınının inkişafına və bərabərliyinə xidmət etməkdən ibarətdir. O həmçinin 2016-cı ildən etibarən "NEST Group" adlı ailələrə dəstək mərkəzinin təsisçisidir.
O, 100-dən çox milli və beynəlxalq layihənin, 120 nəşr, hesabat və siyasi sənədin, eləcə də Azərbaycanda ilk Analıq Məktəbi, ilk Gender Ekspert Qrupu, ilk Qadın Resurs Mərkəzi, ilk Qadın Parlamenti, Bələdiyyələr nəzdində ilk Qadın Palataları, ilk Gender Məktəbi layihələrinin və BMT-nin Təhlükəsizlik Şurasının 1325 saylı qətnaməsi üzrə ölkənin ilk Milli Fəaliyyət Planının müəllifidir. Şəhla İsmayıl Atlantik Müqavilə Assosiasiyasının Qadın, Sülh və Təhlükəsizlik mövzusunda fəaliyyət göstərən İşçi Qrupunun Azərbaycan üzrə nümayəndəsidir.
Şəhla İsmayıl qadın hüquqları, insan hüquqları, gender bərabərliyi, təşkilatın idarə edilməsi və ünsiyyət bacarıqları sahələrində ixtisaslaşıb. O həmçinin 50-dən çox beynəlxalq və milli layihənin müəllifi və rəhbəri, eləcə də, 8 kitabın müəllifidir. Şəhla İsmayıl bir çox milli və beynəlxalq layihələrdə, o cümlədən, bir neçə biznes layihəsində genderə-həssas alətlərlə gender ekspertizasını həyata keçirir(b).
Mükafatları
Bob Hepple adına Bərabərlik Mükafatı
2018-ci ildə Şəhla İsmayıl gender bərabərliyi sahəsində verdiyi töhfələrə görə İngiltərədə Bob Hepple adına Bərabərlik Mükafatına layiq görülmüşdür.
"Tərəqqi" medalı
Prezident İlham Əliyev Azərbaycan qadınlarının "Tərəqqi" medalı ilə təltif edilməsi haqqında sərəncam imzalayıb. Azərbaycanın ictimai həyatında səmərəli fəaliyyətlərinə görə "Tərəqqi" medalı ilə təltif edilən qadınlar arasında Avropa Birliyi Şərq Tərəfdaşlığı Vətəndaş Cəmiyyəti Forumu Azərbaycan Milli Platformasının əlaqələndiricisi Şəhla İsmayıl da olub.
Şərəf Legionu Kavaleri Ordeni
Rasional İnkişaf Uğrunda Qadınlar Cəmiyyətinin rəhbəri Şəhla İsmayıl gender bərabərliyinin inkişafına və sülhyaratmaya verdiyi töhfəyə görə Şərəf Legionu Kavaleri Ordenilə təltif edilib.
2022-ci il, iyunun 2-də Fransa səfirliyində mükafatın təqdim edilməsi mərasimi keçirilib. Fransa səfiri Zakari Qross ordeni təqdim edərək Şəhla İsmayılın qadın hüquqlarının müdafiəsi, inklüziv cəmiyyətin inkişafı, Cənubi Qafqaz regionunda sülhün bərqərar olmasındakı xidmətlərindən danışıb.
Şəhla İsmayıl cavab çıxışında onun fəaliyyətinə verilən belə yüksək qiymətə görə təşəkkürünü bildirib. Mükafatlandırma mərasimində bir sıra ölkələrin diplomatik korpusunun və Azərbaycanın vətəndaş cəmiyyətinin nümayəndələri iştirak ediblər.
Həmçinin bax
İstinadlar
- (ingilis). 2023-08-26 tarixində .
- . app.swapcard.com (ingilis).
- (az.). 2023-08-12 tarixində .
- (az.). 2023-08-12 tarixində .
- (ingilis). 2023-08-26 tarixində .
- (az.). 2023-08-12 tarixində .
- (az.). 2023-08-12 tarixində .
- . frontlinedefenders.org (ingilis). 2023-08-26 tarixində .
- . ogp.org.az (az.). 2023-08-12 tarixində .
- . ogp.org.az (az.). 2023-08-12 tarixində .
- . ogp.org.az (az.). 2023-08-12 tarixində .
- . eplo.org (ingilis). 2023-08-26 tarixində .
- . kvinnatillkvinna.org (ingilis). 2023-08-26 tarixində .
- . eap-csf.az (ingilis). 2023-08-26 tarixində .
- . www.au.edu.az (ingilis). 2023-08-26 tarixində .
- . www.strategeast.org (ingilis). 2023-08-26 tarixində .
- . eap-csf.az (az.). 2023-08-11 tarixində .
- . az.ambafrance.org (fransız). 2023-08-26 tarixində .
- . www.eda.admin.ch (ingilis). 2023-08-26 tarixində .
- . aircenter.az (ingilis). 2023-08-26 tarixində .
- . www.adb.org (ingilis). 2023-08-26 tarixində .
- . events.development.asia (ingilis). 2023-08-26 tarixində .
- . www.ceps.eu (ingilis). 2023-08-26 tarixində .
- . www.ifa.az (fransız). 2023-08-26 tarixində .
- . 3dcftas.eu (ingilis). 2023-08-26 tarixində .
- . www.irfs.org (ingilis). 2023-01-27 tarixində .
- . cyr.az (az.). 2023-08-11 tarixində .
- (az.). 2023-08-12 tarixində .
- (az.). QHT sədri beynəlxalq mükafata layiq görüldü. 2023-08-12 tarixində .
- . ohrh.law.ox.ac.uk (ingilis). 2023-08-26 tarixində .
- . eap-csf.az (az.). 2023-08-11 tarixində .
- (az.). 2023-08-12 tarixində .
- (az.). 2023-08-12 tarixində .
- (az.). 2023-08-12 tarixində .
- (az.). 2023-08-12 tarixində .
- (az.). 2023-08-12 tarixində .
- (az.). abzas.org. 2023-08-11 tarixində .
- (az.). 2023-08-12 tarixində .
- . az.ambafrance.org (az.). 2023-08-13 tarixində .
- . az.ambafrance.org (fransız). 2023-08-13 tarixində .