Qədim dövrlərdə İtaliyada futbolun digər formaları oynanılırdı, onlardan ən erkəni Roma İmperiyası dövründə oynanılan Harpastum idi. Bu oyun, imperiyanın genişlənməsi səbəbindən Avropadakı futbolun digər bütun erkən formalarına da təsir göstərə bildiyi ehtimal edilir. 16-cı əsrdən etibarən, müasir oyundan fərqlənən başqa bir futbol kodu olan Calcio Fiorentino Florensiyada, "Santa Croce" meydanında oynanılırdı. Bəzi məşhur Florensiyalılar bu oyunun oyunçuları arasında idi, xüsusən də Pyro, Lorenso və Alessandro de Medici də daxil olmaqla Medici ailəsi . Eləcə də Vatikanda oyunu oynayan VII Klement, XI Leo və Urban VIII kimi Papalar.Calcio ("təpik") adı daha sonra İtaliyada futbol üçün ad kimi qəbul edildi.

Oyunun müasir variasiyası 1880-ci illərdə İtaliyaya gətirildi. İngilis tekstil sənayesində tacir işləyən Edoardo Bosio İngiltərəyə səfər etmiş və oyunu görmüşdü. 1887-ci ildə o, Turinə qayıtdı və vətənində futbolun yayılmasına kömək etməyə başladı. Həmin il o, İtaliyada ilk futbol klubunu, "Torino Futbol və Kriket Klubunu" qurdu. Tezliklə ikinci klub olan Nobili Torino ("Turin Soyluları") quruldu. İkinci klubun qurucuları , Abruzzi hersoqu Prins Luici Amedeo və Alfonso Ferrero di Ventimiglia (sonradan İtaliya Futbol Federasiyasının (FIGC) prezidenti olacaq) olduğu üçün klub zadəgan adını daşıyırdı. Sonradan hər iki klub 1891-ci ildə birləşərək "Internazionale Football Club Torino" oldur.