İtaliya bulqarları - Haqqinda Melumat

İtaliya bulqarları — Altsek xan ilə birlikdə VII əsrdə İtaliyada məskunlaşmış bulqarlara verilən ad. Altsek xan Kubrat xanın ən kiçik oğlu idi. 631-ci ildə qardaşı Batbayan xandan ayrılaraq Avar xaqanlığına sığınmışdı. Lakin burada çox qala bilməyərək üsyan etmiş və xaqanın qəzəbinə uğramışdır. Bundan sonra Bavariyaya gedən və sığınacaq tələb edən şahzadə xəyanətə uğradı və bu dəfə İtaliyaya köçməyə məcbur oldu. 9000 qəbilə üzvündən 800ü sağ qalmışdı. Lombard kralı tərəfindən ona "qastald" titulu verilərək cənubi İtaliyadakı , , şəhərləri onun sərəncanıma verildi.

Ümumi məlumat

Bulqarlar İtalyanın indiki Kampaniya və Molize bölgələrində məskunlaşmışdılar. 787-ci ildə "Lanqobard tarixi" əsərinin müəllifi Pavel yazırdı ki, "bulqarlar Latın dilini mükəmməl danışır, bununla belə onlar öz dillərini unutmamışlar". Bulqarlar indi İtaliyada qəsəbə və şəhər statusuna sahib olan məskənlər də salmışlar. Məsələn:

- İserniya bölgəsində yerləşən şəhər. Xan-Teleped söz birləşməsindən "Xanın məskəni" mənasına gəldiyi düşünülür.
- İtalyanın Salerno bölgəsində şəhər. Şəhərin adı birbaşa "Bulqar kəndi" deyə tərcümə olunur. Bulqarlar bu torpaqlara daha sonra gəlmişlər və çayı ətrafında məskən salaraq bütün Kampaniya zonasına yayılmışlar.
Bundan əlavə İtaliyada 700dən çox bulqarmənşəli toponimə rast gəlmək mümkündür.
"Can" (Xan) və "Cara" (Qara) sözü tərkibi olan bir çox yer və insan adı bulqarmənşəli hesab olunur: Carasco (Genuyada yerləşir), Caramagna, Carasone və Caraglio (Kuneoda yerləşir), Caragna (Savonada yerləşir), Caranza (Liquriyada yerləşir), Carate (Milanda yerləşir), Caranero (Komoda yerləşir), Carata (Novarada yerləşir), Caravate ( yerləşir), Caravonica ( yerləşir).

Bulqarlar İtaliyaya köçəndən sonra atla basdırılma ənənəsi davam etdirmişlər. Boyano yaxınlığındakı Viçenne-Kampoçiaro arxeolojik qazıntısında 130dan çox qəbir aşkarlanmış, bunların 13ündə atları ilə birlikdə basdırılan şəxslər aşkar olunmuşdur.

İstinadlar

↑ D'Amico, Vincenzo. I Bulgari trasmigrati in Italia nei secoli VI e VII dell’era volgare e loro speciale diffusione nel Sannio. Campobasso, 1933.
Diaconis, Paulus. Historia Langobardorum. 5-ci kitab, 29-cu fəsil.
Колев, Йордан (2005). Българите извън България (Bolqarca). София: Тангра ТанНакРа. səhifə. 261–265, 425. ISBN 954-9942-73-2.
Dimitar Taralejkov, "Beynəlxalq araşdırma: İtaliya-Bolqarıstan"
Genito, Bruno (2001). "Sepolture Con Cavallo Da Vicenne (Cb):" (PDF). I° Congresso Nazionale di Archeologia Medievale.

[D'Amico,_Vincenzo_1933-1] D'Amico, Vincenzo. I Bulgari trasmigrati in Italia nei secoli VI e VII dell’era volgare e loro speciale diffusione nel Sannio. Campobasso, 1933.

[2] Diaconis, Paulus. Historia Langobardorum. 5-ci kitab, 29-cu fəsil.

[3] Колев, Йордан (2005). Българите извън България (Bolqarca). София: Тангра ТанНакРа. səhifə. 261–265, 425. ISBN 954-9942-73-2.

[4] Dimitar Taralejkov, "Beynəlxalq araşdırma: İtaliya-Bolqarıstan"

[5] Genito, Bruno (2001). "Sepolture Con Cavallo Da Vicenne (Cb):" (PDF). I° Congresso Nazionale di Archeologia Medievale.