necəsan Parişan? sizi burada görməyə şadam! --Axan 10:50, 11 Avqust 2008 (UTC)

Salam, Parişan. Sən Azərbaycan Avroviziya Mahnı Müsabiqəsində məqaləsinin adını dəyişmisən (Azərbaycan Avroviziya mahnı müsabiqəsində). Ancaq keçmiş adı daha doğru idi. Ona görə yenidən əvvəlki adına qaytardım.--Eminn 12:35, 24 yanvar 2009 (UTC)

Hörmətli istifadəçi Qafqaz Avarları adlandırdığım Dağıstanlı Marulaylar bu adı (yəni Avar adını siyasi ad olaraq Qafqaz Avar xanlığından (kaqanatlığından) alıblar . Bu adın indiki Avarlara verilməsi Rus adının slavyanlara aid olunması tarixi ilə oxşardır . Rus adı Norman xalqlarından biri olan Varyaqlara aid olduğu kimi (hələ indidə İsveçin güneyində Rossiya vilayəti qalmaqdadır) Avar adı da türklərə aid olmuşdur . Əsl tarixi Avarların indiki uyğur türk xalqına həm dil həm də fiziolji baxımdan yaxınlığı artıq bəzi tarixçilər tərəfindən isbat olunmuş bir şeydir . İndiki Avarlar (Qafqaz) özlərinə heç vaxt tarix boyu Avar deməyiblər indidə özlərini Avar adlandırmırlar . Əgər mənim dediklərimə mənbə istəyirsinizsə bu məqalənin ingilis , alman , fransız , rus və s. dillərdəki versiyalarına baxmağınız kifayət edəcəkdir . Mən məqalənin adını yenidən həqqiqətə uyğunşəkildə əvvvəlki halına qaytarıram ! Hörmətlə !--Büyük Asparuh Bulgar 04:03, 20 İyun 2009 (UTC)

Salam. Məqalə adı dəyişəndə fikir verin ki, əvvəlki yönləndirmələr də yeni ada yönlənsin, yoxsa yönləndirmə səhifəsinin özünə yönləndirmə olanda bir az qarışıqlıq yaranır (elə mənim bu qurduğum cümlə kimi :). --TimBitsتِمبِتس 07:07, 28 İyun 2009 (UTC)

Salam Parishan. Zəhmət olmasa məqalələrin adını dəyişərkən qrammatik və leksik qaydalara, eyni zamanda dil normalarına riayət edin. Saliha Sultan və Ayşə Sultan məqalələrində etdiyiniz ad dəyişikliklərini bu səbəblə geri alıram. Belə ki, xüsusi isimlər (eləcə də şəxs adları) tərcümə edilmir. Əlavə olaraq Aişə ismi fars mənşəli olub, Azərbaycan dilinə sonradan keçmiş, Osmanlı dönəmində isə (xüsusilə də XVII əsrdə) heç vaxt istifadə edilməmişdir. --Rafail Qasımzadə (talk) 12:17, 5 iyun 2020 (UTC)

Salamlar . Ilk once sizden oz istifadechi sehifenizi yaratmaginizi xahish edirem . Indi ise esas mesele - lutfen meqalelerin adini deyisende muvafiq meqalenin muzakire bolmesine bunu ne ucun etdiyinizi qeyd edin ! Yoxsa bu hereket hemin meqaleni yaratmis insanlari qiciqlandirir (xususiyle menim kimi insanlari !) . Elbette meqaleleri redakte etmek buradaki butun istifadecilerin huququdur , ancaq bu zaman ele etmek lazimdir ki digerleri bunu saymamazliq kimi qebul etmesinler . Her halda biz mueyyen meqale yaradanda xeyli menbe oxuyuruq ! Hormetle !--Büyük Asparuh Bulgar 13:47, 28 İyun 2009 (UTC)

Salam hörmətli istifadəçi Pərişan . Sizdən istifadəçi səhifənizi yaratmağı xahiş edəndə müzakirə səhifəsinin (yarpağının) məzmununu istifadəçi səhifəsi bölümünə köçürməyi nəzərdə tutmamışdım . Bir də sizdən keçən dəfəyə görə üzr istəyirəm - bir az sinirlənmişdim . Sizin cavabınız məni qane etdi . Ancaq mən yenədə məqalə adı dəyişərkən bunu edən istifadəçinin mütləq dəyişikliyin səbəbini müzakirə səhifəsində qeyd etməsini vacib hesab edirəm .

Hörmətlə !--Büyük Asparuh Bulgar 10:23, 2 İyul 2009 (UTC)

Salam hörmətli istifadəçi Pərişan . Dağıstan məqaləsində rayonların adlarının qarşısında verilmiş xəritədəki rəqəm işarələrə uyğun rəqəmlər qeyd edilmışdi ki həmin rayonun xəritədəki müvafiq yeri bilinsin . Onları sizmi silmisiniz ?--Büyük Asparuh Bulgar 06:22, 7 İyul 2009 (UTC)

Öz təşəbbüsümlə 22 dekabr 2010 - 3 yanvar 2011 tarixləri arasında keçirilən və hal-hazırda davam edən etimad səsverməsində iştirak edərək mənə etimad göstərməyinizi rica edirəm. Ən azından münasibət bildirməyiniz mənim üçün maraqlı olardı. --Cekli829 14:18, 25 dekabr 2010 (Cek vaxtı ilə)

Dərin hörmətlə, --N KOzi ^Müzakirə04:37, 16 iyun 2011 (UTC)

Salamlar hörmətli həmkarımız Parishan. Niyə həm rus həm də Azərbaycan dilində Rukel məqaləsində Rükel şəklində dəyişiklik etmisiz ?--Asparux Xan Bulqar (talk) 10:00, 10 avqust 2012 (UTC)

Azərbaycandilli mənbələrdə kəndin adına bu formada rast gəlmisinə görə: . Parishan () 19:13, 10 avqust 2012 (UTC)

Göstərdiyiniz keçid qane edicidir. Sizə uğurlar !--Asparux Xan Bulqar (talk) 19:21, 10 avqust 2012 (UTC)

Hörmətli həmkarımız Pərişan sizi təkrar salamlayıram. Bildiyiniz kimi kənd öz adını tarixi sərkərdə və hökmdar olan Altun Ordu/Qıpçak xanı Bərkə xanın adından almışdır. Kəndin adı çox gümanki Bərkə/Bərkəy/Bərikəy dəyişikliyinə məruz qalmışdır. Çünki dilimizin qrammatikasına uyğun söz/Bərikəy tələffüz edilərkən vurğu birinci saitin üzərinə düşdüyündən hazırda da dilimizdə Bərkəy olaraq səslənir (sonda y səsi yumşaq deyilir). İndi lütfən izah edin Bərikəy adını niyə Bərəkəy olaraq dəyişdiz ? Hörmətlə !--Asparux Xan Bulqar (talk) 10:09, 11 avqust 2012 (UTC)

Hörmətli həmvətnim Pərişan xanım təkrar salamlar. Sizdən xahiş edirəm lütfən toponimlərim yazılış şəklinə edəcəyiniz hər dəyişikliyi müvafiq səhifənin müzakirə səhifəsində əsaslandırın. Məsələn Marağa-Məhrağa, ayrıca Ərəblinka və sairə. Məsələn mənə aydın deyil Ərəblər kəndindən ayrıca bu Ərəblinka kənd yaşayış məntəqəsi haradan çıxdı. Dərbənd rayonunda Ərəblər adlı kənd var, hazırda Dağıstanın rəsmi sənədlərinə əsasən bu kənd Ərəblinka adlanır.......və s. Hörmətlə!--Asparux Xan Bulqar (talk) 11:40, 12 avqust 2012 (UTC)

1. Məhrağa: ,

1. Ərəblinka (mənbədə köhnə adıyla göstərilib - Ərəblinskoye kimi) və Ərəblər .

P.S. Mən xanım deyiləm, ağayam :) Parishan () 18:57, 12 avqust 2012 (UTC)

Çox üzr istəyirəm, yalnışlıq mənim ayamanıza nəzərən yaranmış yalnış düşüncəmdəndir. Məhrağaya hələ nəzər yetirməmişəm, ancaq 100% əminliklə deyə bilərəm ki Ərəblər və Ərəblinskaya yazılaraq bəhs edilən hər mövzu tək bir kənd haqqındadır. Kəndin əsli adı Ərəblər kəndidir.--Asparux Xan Bulqar (talk) 19:06, 12 avqust 2012 (UTC)

Ərəblinkanın Ərəblər ilə eyni kənd olması mümkün deyil. Coğrafi koordinatlara nəzər salın: Ərəblinka (41° 57' 58; 48° 20' 2), Ərəblər (41° 56' 7; 48° 22' 29). Bunlar bir-birinə yaxın olsalar, yenə də ayrı-ayrı yerlərdir. Parishan () 00:53, 13 avqust 2012 (UTC)

Doğrudan da Dərbənd qəzetində Tabasaran rayonundakı mənim Marağa olaraq yazdığım toponim Məhrağa olaraq verilib. Yeganə məsələ Ərəblər/Arablinskoye/Arablinka bu kəndin adı ilə bağlı problemdir. İndi buna dair bir qeyd daha etmək istərdim. Zəhmət olmasa ---burada ad село Араблинское olaraq qeyd edilib. Əslində kəndin adı Ərəblər kəndidir. Əhalisi Qızılbaş ittifaqına daxil Bəydili elinin (24 Oğuz boyunun/qəbiləsinin) Araplu/Ərəbli oymağına (Bəydili boy olduğu zaman o hələ sop idi) məxsus insanların saldığı kənddir. Nisbətən dəqiq tarixini bu kəndli bir tanışımın (Dərbənddə təhsil alan tələbə) kənd qəbristanlığını araştırandan sonra deyə biləcək/qəbristanlığa əsasən bunu nə qədər demək münkündürsə İnşallah. Bu adlı kənd bizdə də vardır (Borçalıda).--Asparux Xan Bulqar (talk) 18:57, 13 avqust 2012 (UTC)

Bu yaxınlarda Ağdərə rayonu ləğv edildikdən sonra onun hansı kəndlərinin Kəlbəcər, hansının Tərtər, hansının isə Ağdam rayonlarına verildiyini dəqiqləşdirməyə çalışırdım. Ortaya çıxdı ki bəlkə 10-15 kənd həm ermənicə həm də azərbaycan dilində ayrı kəndlər kimi göstəriliblər. Halbu ki eyni kəndlərdir, ayrı kəndlər olaraq göstərilməsinin səbəbi yeni adlanmanı və əski adlanmanı müəyyən edilə bilinməməsidir. Eyni problem göstərdiyiniz mənbədə də vardır.--Asparux Xan Bulqar (talk) 19:02, 13 avqust 2012 (UTC)

Salam, Parishan. Sizi Qasımuşağı xalçaları məqaləsi üçün keçirilən səsvermədə iştirak etməyə dəvət edirik. Həmin məqalənin seçilmiş məqalə statusu alıb-almaması, sizlərin verəcəyi səslərdən aslıdır. Bu məqsədlə sizin fikirlərinizi öyrənmək bizim üçün maraqlıdır. Hörmətlə:--Şahzadə (talk) 10:55, 26 yanvar 2013 (UTC)

Salam Parishan.Mən pasport müğənni var. Mən ilə məşğul sayı 055-784-70-49 və ya(+994557847049)zəng edəsiniz

Salam! Qaripov və Qəribov iki müxtəlif soyadlardı: biri Azərbaycan o biri isə Tatar. Bəli, ikisində də Türk kökü var, lakin indi bu iki ayrı soyadlardı. Soyadlar tərcümə edirmillər. Buna görə xahiş edirəm, haqqında məqalənin adını dəyişməyin, bir də onun millətliyin haqqında məlumatı silməyin. --Мурад 97 (talk) 0:54, 24 fevral 2013 (UTC)

Niyə ki, tatar Vikipediyasında Azərbaycan adları çox da gözəl tərcümə edilir. Azərbaycan Vikipediyasında da eyni ilə "Recep Tayyip Erdoğan" adı Rəcəb Tayyib Ərdoğan formasında verilir. "Qərip" yazılışı Azərbaycan dilinə ziddir; son hərfin karlaşması tatar dilinin xüsusiyyətlərindən irəli gəlir, Azərbaycan dilində isə belə qayda yoxdur. Parishan () 15:27, 24 fevral 2013 (UTC)

Bu Tatar Vikipediyasının problemidir. Tatar dili tərcümə qaydaları ilə tanış deyiləm. Azərbaycan dilində adlar və soyadlar tərcümə edirmillər, necə eşidilir, o cür də yazılır. Ona görə məsələn "Gorge Bush" "Corc Buş", "Динә Гарипова" isə "Dinə Qaripova" kimi tərcümə edilir. --Мурад 97 (talk) 20:02, 24 fevral 2013 (UTC)

"Corc Buş" nümunəsi tam əsassızdır. Söhbət transliterasiyadan getmir, eyni mənşəli adlardan gedir. Nə "Corc"-un, nə də "Buş"-un Azərbaycan dilində eyni mənşəli variantı yoxdur. "Гəрип"-in Azərbaycan variantı Qəribdir. Xahiş edirəm bir də Rəcəb Tayyib Ərdoğan (türkcə Recep Tayyip Erdoğan), Əhməd Şəfəq (türkcə Ahmet Şafak), Qəzənfər Özcan (türkcə Gazanfer Özcan), Əmrə Bəlözoğlu, Rəbiyyə Qədir və s. kimi adları transliterə olunmuş məqalələrə nəzər salasınız. Bu adlar Azərbaycan dilinin standartları əsasında verilmişdir və Azərbaycan yazılarında məhz bu variantlar işlənilir. Parishan () 16:22, 24 fevral 2013 (UTC)

Sözlərinizi sübut edən mənbəni göstərin. Əgər, dediyiniz kimi ""Corc Buş" nümunəsi tam əsassızdır", onda mən də nümunələrinizi əsasız çala bilərəm. Əgər "Гарипов" soyadı "Qəribov" kimi tərcümə edilməsini sübut edən mənbə var, onu göstərin. Əgər yoxdusa, söhbət məhz transliterasiyadan gedir. --Мурад 97 (talk) 1:13, 25 fevral 2013 (UTC)

Müzakirənizə müdaxilə etdiyim üçün bağışlayın. Hər ikinizi salamlayıram. Bura da nəzər yetirə bilərsiz: , --Asparux Xan Bulqar (talk) 21:38, 24 fevral 2013 (UTC)

Göstərdiyiniz mənbələrin biri bu soyadının ərəb kökü, ikincisi isə slavyan kökü olduğunu deyir. Məncə bizə indi bu soyadının kökü yox, tərcümə haqqında məlumatını daşayan mənbə lazım. --Мурад 97 (talk) 01:48, 25 fevral 2013 (UTC)

Salam istifadəçi Parishan. Xahiş edirəm Brilliant Dadaşova məqaləsinin müzakirə səhifəsinə baxasınız. Orada şəxsiyyət vəsiqəsinin surəti göstərilib. xahiş edirəm məqaləyə dəyməyəsiz. --Araz Yaquboglu (talk) 07:59, 16 avqust 2013 (UTC)

Salam Parishan, ben sana bir şey soracam haksızlık hakkında. Ben uzun zaman başka konularda vikiye katkıda bulunuyordum ama İngilizce vikide Türklere/Müslümanlara karşı Ermeni ve Yunan tarafından işlenilmiş bir(!) katliam maddesini yazdım. Biliyorsunuz bu çok tehlikeli konular(!) Sonra devamlı Türkleri vikide kötülemekle uğraşan(!) birkaç Ermeni ve Yunan asıllı kullanıcı birlik oldu. Beni adminlere çok şikayet ettiler, kötülediler sonra ben onlara "karşıtmışım" bahanisiyle sonsuzca bu konular hakkında yazmakta engellendim. Protesto etmek fayda yok hepsi adminler tarafından silindi. Sonradan tamamen engellendim. Yaptıkları sahtekarlığa çok delilim var ama kimse bakmaz ve dinlemiyor. Tarafsızlık yok.

Ama beni engelledikten sonra bunlar Türk katliam maddelerinde çok tahribat etmeye devam ediyorlar. Hiç bir tane maddeye bile tahammülleri yok. Kaynakları siler veya cümleleri değiştirirler, kimsede onlarla uğraşmaz. Birde silerken bahaneleri şu "engellenmiş kullanıcı katkıları". Birsürü sahtekarlık ederler. Belki herkez onlardan korkuyor çünkü karşı çıkanlarıda engellemek isterler. Sormak isterim belki başka kullanıcılarla birlik olup bunları şikayet edebilirsiniz maddeleri düzeltebilirsiniz. Tarafsız bir admin yokmu? Fakat çok dikkatli olmanız lazım, sözlerinizi aleyhinizde kullanıp sizide engellerler yoksa. Ben sahtekarlıklarına çok örnek verebilirim.

Mesela şu maddenin tamamını ve kaynakları silindi. Bir ay önce yazılmış bir raporu bir ay sonraki olaya karıştırdı, şehrin yandığını yağmalandığını sildi.

Bu maddede önce katliamı karşılıklımış gibi göstermeye çalıştı. Sonra beni engelledikten sonra çok cümle silindi sonrada yalan söylüyor "22 mayıs isgali olmamış", kaynakta var(!) hiçe sayıyor(!) çünkü iddia edecek Yunanlara 17 iyun'da şehre ilk defa geldi(!) ve o zaman onlara Türkler saldırdı ve katliam olmadı. Çok profesyonel bir sahtekar. Yani bütün maddeleri bozmakla meşgul. Daha çok böyle durum var fakat hepsini yazmıyorum, ilginizi çekerse diye yazdım. Türkiye Türkçesiyle yazdım umarım anlarsınız. Saygılar, iyi günler. (talk) 11:08, 14 iyul 2014 (UTC)

Sonuncu dəfə olsun ki, Kobani blokadası (2014) adlı məqalənin adını dəyişdirirsiniz. Həmin məqalənin yaradılmasında 1 qram belə əziyyətiniz olmayıb. Bununla 8-ci belə haldır artıq. Əgər birdə olsa sizi bloklayacam. Hələlik. --Baskervill (talk) 22:07, 14 noyabr 2014 (UTC)

Sonuncu dəfə olsun ki, Kobani blokadası (2014) adlı məqalənin adını dəyişdirirsiniz. Həmin məqalənin yaradılmasında 1 qram belə əziyyətiniz olmayıb. Bununla 8-ci belə haldır artıq. Əgər birdə olsa sizi bloklayacam. Hələlik. --Baskervill (talk) 22:07, 14 noyabr 2014 (UTC)

Hər vaxtınız xeyir. İdarəçi olsanız da, sizin mənimlə bu cür tonda ("sonuncu dəfədir dəyişdirirsiniz") danışmağa heç bir səlahiyyətiniz yoxdur. Bura Vikipediyadır, məhəllə tini deyil. İrad olan halda onu qarşı tərəfə nəzakətlə çatdırmağı bacarmaq lazımdır. Bu hər bir istifadəçinin borcudur. Odur ki, xahiş edirəm etika qaydalarına əməl edəsiniz. Bu bir.

İkincisi, mən məqalənin adını dəyişdirəndə öz qərarımın məqsədini hər zaman qeyd edirdim; mənim dəyişiklərimi bir kəlimə söz demədən geri çəkən istifadəçi və idarəçilərdən fərqli olaraq. Məni blokla hədələnməkdən əvvəl müzakirə səhifəsində öz mövqeyinizin əsasını izah edib bloklama ilə hədələdiyiniz istifadəçilərə bir idarəçi olaraq nümunə olsaydınız, bəlkə onda həmin istifadəçilərin sizin "əsəblərinizlə oynamağa" da səbəbi olmazdı. İdarəçi olmaq müzakirəsiz-bəhanəsiz "əsəblə oynayan" istifadəçiləri blokla susdurub, "burada mənəm, Bağdadda kor xəlifə" prinsipi ilə layihəni idarə etmək demək deyil, hörmətli Baskervill. Hər bir narazılığı müzakirə ilə həll etmək mümkündür. Buna demokratiya deyilir.

Üçüncüsü də odur ki, idarəçi olduğunuza baxmayaraq, görünür ki, hələ də ensiklopediyanın qaydalarından xəbəriniz yoxdur. Məqaləyə bir elmi işlik belə töhfə verən istifadəçi bununla həmin məqalənin tərkibini ya adını dəyişdirməyə ekslüziv hüquq əldə etmir. Hər hansı istifadəçinin xoş niyyətli töhfəsi də məqaləyə xeyir verə bilər, həmin istifadəçinin məqalə üzrə "bir ya iki qramlıq" əziyyəti çəkib-çəkməməsindən asılı olmayaraq. Vaxtınız olanda, layihənin qaydalarını oxumanız xahiş olunur; heç olmasa ilk iki abzası: en:Wikipedia:Ownership_of_articles. Parishan () 17:24, 22 noyabr 2014 (UTC)

Yazdığınıza görə əvvəlcə sizə təşəkkür edirəm. Həmin məqalə addım başı istifadəçilər tərəfindən dəyişdirilirdi. Sizdə bunu etmisiz. Məqalə Ana səhifədə görünür. Siz hər dəfə belə bir əlavəni edən zaman Ana səhifədə olan mavi rəngli keçid, qırmızı keçidlə əvəz olunur. Mənə göndərdiyiniz linklərə görə isə sizə təşəkkür edirəm. Zamanım olanda mütləq nəzər salacam. Sizdən isə kiçik bir ricam var. Lütfən başqasının əziyyətlə yaratdığı məqalələrə həmin yaradan şəxsə xəbər vermədən toxunmayın. Bilmirəm bəlkə də kimsə bundan zövq alır, ancaq mənim heç xoşum gəlmir. Hörmətlə:--Baskervill (talk) 20:31, 22 noyabr 2014 (UTC)

Hörmətli Baskervill, dəyərli zəhmətinizə görə sizə təşəkkür edirəm, lakin təəssüflə qeyd etməliyəm ki, Vikipediyanın qaydalarında "kiminsə əziyyətlə yaratdığı məqalələrə həmin yaradan şəxsə xəbər vermədən toxunmamaq" tələbi bir şərt olaraq göstərilməmişdir. Bu o deməkdir ki, hər hansı bir istifadəçi həmin məqaləyə xoş niyyətli dəyişiklik etməkdə tam azaddır, buna icazə almaq məcburiyyətində deyil və buna görə blokla hədələnməməlidir. Üst-üstə gəlməyən mövqelər yalnız və yalnız müzakirə səhifəsində konsensus yolu ilə aydınlaşdırılmalıdır. Hörmətlə, Parishan () 02:13, 23 noyabr 2014 (UTC)

Salam hörmətli həmkar. Siz ərəbcə oxuya, yaza və bu dildən tərcümə edə bilirsinizmi ? Hörmətlə !--Asparux Xan Bulqar (talk) 19:24, 6 dekabr 2014 (UTC) Hər vaxtınız xeyir. Gec cavaba görə üzrlü hesab edin. Ərəbcə oxuya bilirəm, amma yazmam və tərcüməm çox zəifdir. Parishan () 16:07, 3 yanvar 2015 (UTC)

Narahat olmayın-insanlıq halıdır, məsələnin həlli üçün yardım etdilər. Xoş niyyətiniz üçün təşəkkür edirəm. Hörmətlə !--Asparux Xan Bulqar (talk) 13:11, 5 yanvar 2015 (UTC)

Salam. İdarəçiliyə namizədliyimi vermişəm. Dəstək olsanız sevinərəm.--samral ^müzakirə10:35, 15 fevral 2017 (UTC)

Salam. "Nusra Cəbhəsi" məqaləsinin adını dəyişib "Ən-Nüsrə Cəbhəsi" edirsiz. Sonra da hansı mətbuat orqanlarında ki (Yeri gəlmişkən istinad etdiyiniz bu mətbuat orqanlarının hamısı etibarlı mənbə deyil, hər xəbər saytı etibarlı mənbə deyil), bu təşkilatın adının ərəbcəsi gedib, ("Cəbhət ən-Nüsrə" formasında) götürüb o xəbərləri istinad kimi "Ən-Nüsrə Cəbhəsi" ifadəsinə yazırsız. Bu ki uyğunsuzluqdu. Əgər iddia edirsizsə ki, bu təşkilatın adı azərbaycandilli mənbələrdə "Ən-Nüsrə Cəbhəsi"di o zaman bu ada uyğun mənbələr göstərin. Təşkilatın adının orginalının oxunuşu formasında, yəni "Cəbhət ən-Nüsrə" formasında getmiş xəbərləri "Ən-Nüsrə Cəbhəsi" ifadəsinə dəlil gətirə bilmərsiz. Bu əlaqəsizdi.--samral ^müzakirə09:34, 24 fevral 2017 (UTC)

Istər "Cəbhət ən-Nüsrə" olsun, istər "ən-Nüsrə Cəbhəsi" olsun, fakt ondan ibarətdir ki, "ən-Nüsrə" yazılışı azərbaycandilli mənbələrdə daha çox istifadə olunur nəinki "Nusra" yazılışı. Bunu həm Google axtarışı təsdiq edir, bir də Azərbaycan dilinə ərəb sözlərinin tarixən transkripsiya edilmə qaydaları. Bir istifadəçi olaraq xoş niyyətlik prinspinə uyğun olaraq mövqeyimi təqdim etməyə maksimal dərəcə diqqət etdim. Müzakirə səhifəsində fikrimi ətraflı təsvir etdim, lakin şərhsiz istiqamətləndirilmədən və səhifəni müdafiəyə qoyub post faktum mənimlə əlaqə saxlamaqdan başqa heç bir reaksiya görmədim. Bir administrator olaraq mənim kifayət qədər əsaslı və müzakirəyə hazır olan arqumentasiyama hörmət edib ən azı öz şəxsi fikrinizlə üst-üstə gəlməyən fikri "qərəzli" adlandırmaqdan vaz keçə də bilərdiniz. Sıradan bir istifadəçi xoş niyyətlik prinsipini pozanda başa düşmək olur, amma administrator belə hərəkətlərə əl atanda... Nə isə. Parishan () 20:21, 24 fevral 2017 (UTC)

Cənab Parishan, təşkilatın adının "Cəbhət ən-Nüsrə" formasında getdiyi mənbələri "Ən-Nüsrə Cəbhəsi" ifadəsinə mənbə kimi vermisiz. Bu vikiqaydalara ziddir. Bundan əlavə Google-da "Nusra Cəbhəsi" yazanda çıxdığı halda, "Cəbhət ən-Nüsrə" yazanda , "Ən-Nüsrə Cəbhəsi" yazanda isə cəmi nəticə çıxır.--samral ^müzakirə07:38, 3 mart 2017 (UTC)

"Cəbhət ən-Nüsrə" ifadəsinin məşhur, etibarlı azərbaycandilli informasiya agentliklərindən bəzilərində işlədilməsini nəzərə alaraq bu ifadəni də məqaləyə əlavə etdim və məqalədən mühafizəni kənarlaşdırdım. Sizdən də xahişim budur ki, gələcəkdə 1 də çalışın "a"-ya "b"-ni istinad kimi göstərməyin, oxşar olsalar da. Mövcud etibarlı mənbələri isə birbaşa silməyin. Ən azından müzakirə başladın.--samral ^müzakirə08:06, 3 mart 2017 (UTC)

RMaung (WMF) 00:49, 7 sentyabr 2019 (UTC)

RMaung (WMF) 00:50, 7 sentyabr 2019 (UTC)

RMaung (WMF) 00:56, 7 sentyabr 2019 (UTC)

RMaung (WMF) 18:57, 20 sentyabr 2019 (UTC)

RMaung (WMF) 15:28, 4 oktyabr 2019 (UTC)

Hello Parishan,

Really sorry for the inconvenience. This is a gentle note to request that you check your email. We sent you a message titled "The Community Insights survey is coming!". If you have questions, email surveys@wikimedia.org.

You can see my explanation here.

MediaWiki message delivery (müzakirə) 18:46, 25 sentyabr 2020 (UTC)

Salam Parishan. Məqalələrdə Qəzzanı Qəzzə etməyinizin səbəbini öyrənə bilərəm? NMW03 (müzakirə) 08:12, 19 may 2021 (UTC)

Salam, NMW03. Bəli, səbəbini məqalənin özündə göstərmişəm (mənbə, səhifə): Azərbaycan Sovet Ensiklopediyasında bu yerin adı . Bu adı "Qəzza" kimi yazmaq ənənəsi nisbətən təzə lakin geniş yayılmış bir səhvdir (çox güman ki, Azərbaycan dilindəki "qəza" sözünün təsiri altında yaranmışdır). ASE-nin bu yazılışına etibar etməyə hər bir əsas var: ərəbcə غزة (ğəzzə), türkcə Gazze, farsca غزه (ğəzze) kimi yazılıb tələffüz olunan sözün azərbaycanca "Qəzza" kimi yazılması heç bir məntiqə sığmır. Parishan () 23:38, 19 may 2021 (UTC)

Təşəkkür edirəm. NMW03 (müzakirə) 04:32, 20 may 2021 (UTC)

Salam, nəyə görə bu mənbələri etibarsız adlandıraraq ? — Thunder Storm (müzakirə) 17:04, 24 dekabr 2021 (UTC)

Salam. Göstərilən mənbələr ya elmi deyil (məsələn şəxsi bloqdur), ya da marjinal fikir bildirən və orijinal mənbələrdə əksini tapmayan mövqe bildirən mənbələrdir. "XIX əsrdə Ağoğlan kimi qeydə alınıb", "Başqa bir mənbədə isə Hadrut rayonunun 1923-cü ilədək Ağoğlan adlandığı qeyd edilir" kimi bəyanatlar irəli sürmək kifayət deyil. Xüsusi ilə də gözümüzün qabağında məqalədə yerləşdirilmiş açıq-aşkar "Ağoğlan" və "Hadrut" ayrı-ayrı yerlər kimi göstərildiyi halda bu tip fikirləri məqaləyə əlavə etməzdən əvvəl hansı "XIX əsr mənbələri"-nə əsaslanmasını dəqiqləşdirmək zəruridir. İndiyə kimi əlimizdə olan heç bir mənbədə Hadrutun nə vaxtsa "Ağoğlan" adlanması barədə məlumat yoxdur; tam əksinə, hamısında bu yer adı məhz "Hadrut" kimi göstərilir. Parishan () 09:53, 25 dekabr 2021 (UTC)

Razı deyiləm. "Кавказский узел" nə vaxtdan şəxsi bloq hesab edilib? XIX əsr xəritəsində nə göstərilib, Vikipediyanın məzmunu üçün əhəmiyyətli deyil. Xəritələr birinci dərəcəli mənbələrdir, biz burada ikinci və ya üçüncü dərəcəli mənbələri işlədirik. "Кавказский узел" özü ikinci dərəcəli mənbədir məsələn. Amma belə bir məsələ var, Azərbaycan mənbələri, tarixçiləri etibarlıdırmı? Deyilsə, gərək bütün saytın məzmununa əl gəzdirilə (ki, mən bunun tərəfdarıyam). --► Hörmətlə: SolaVirum 17:26, 25 dekabr 2021 (UTC)

Üzr istəyirəm, fikrim ayrı bir səhifəyə getmişdi. "Кавказский узел"-də göstərilmiş məlumat fotosessiyanı müşaiyət edən qısa və anonim bir şərhdir, məqalə deyil, və həmin şərhə əsasən "Azərbaycan hökuməti Hadrutun adını dəyişib Ağoğlan qoymuşdur". Halbuki bu bəyanat yanlışdır, belə bir qərar mövcud deyil, deməli bu (onsuz da qeyri-formal xarakter daşıyan) mətnə də etibar etmək olmaz. İkinci sualınıza gəldikdə, məncə Azərbaycan tarixçilərinin fikirlərini apriori etibarsız hesab etmək düzgün olmazdı. Lakin bu fikirlər əsassız qənaətlərə söykənirsə, neytral mənbələrdə öz əksini tapmırsa, onları gözüyumlu qəbul etmək də olmaz. Hal-hazırda məqalədə bir xeyli etibarlı ikincidərəcəli mənbəyə istinadən Hadrutun XIX əsrdə məhz Hadrut adlanmasına dair məlumat var. Belə halda hansısa xəbər portalına istinad edib o məlumatı təkzib etmək nə qədər düzgündür? Yenə elmi iş olsaydı, bunu bəlkə alternativ fikir kimi qəbul etmək olardı. Amma hansısa tarixçi məlum dərəcədə siyasiləşdirilmiş mövzuda müsahibə verərkən "qədim mənbələrdə belə deyilir, digər fikir erməni versiyasıdır" tipli fikir irəli sürürsə, bunu dəqiqləşdirmədən Vikipediyaya salmaq məqsədəuyğun deyil. Parishan () 17:44, 25 dekabr 2021 (UTC)

Bu mesaj standart olaraq "addəyişdirici qrupu"na daxil olan istifadəçilərə göndərilir.

Salam hörmətli Parishan. Daxil olduğunuz səhifə və fayl addəyişdiriciləri qrupuna yeni texniki icazə (suppressredirect) daxil edildi. Belə ki, yanlış adlandırma və digər hallarda, istiqamətləndirmə qoymadan, yəni keçmiş adı silərək (nümunə şəkildə) addəyişmə edə biləcəksiniz.

Xoş vikilər! Turkmen ^müzakirə11:39, 13 mart 2024 (UTC)

salam. niyə Parqev Martirosyan adını Pargev deyə dəyişmisiz? Və yönləndirməni də ləğv etmisiz deyə əvvəlki adda olan səhifə silinib. halbuki keçidlər var idi və keçidləri də düzəltməmisiz. üstəlik mən baxdım bizim mediada da adı Pargev yox, Parqev kimi gedir. fəaliyyətinizə baxdım, xeyli addəyişmələr etmisiz. addəyişmələr ilə bağlı bəzi yanlışlıqlar etmisiz. həm də, keçidləri nəzərə almırsınız. bilirəm ki, bunları pis niyyətlə etməmisiniz. amma, bu problemləri nəzərə alıb sizdən bu hüququ almaq məcburiyyətindəyəm. problemləri həll etdikdən sonra hüquq üçün yenidən müraciət edə bilərsiniz. Atakhanli (müzakirə) 06:48, 17 may 2024 (UTC)