Siz bu redaktənizlə Vikipediyanın 5 əsas prinsipindən olan nəzakət prinsipini ciddi şəkildə pozduğunuz üçün 1 ay müddətinə bloklanırsınız. Unutmayın, Vikimedia layihələrində təhqir, təhdid və aqressiyaya yol verilməməlidir. Hörmətlə — Toghrul R (m) 16:45, 29 iyun 2023 (UTC)

@Toghrul R vikipediyada donosbazlıq prinsipləri işləyir deyəsən? Həmin şəxs mənim mədəni şəkildə ünvanladığım suallara cavab vermək əvəzinə niyə redaktə müharibəsi aparırdı bəs? Mən siz bloklamazdan öncə də əsəbi olaraq yazdığım sözləri silmişdim onsuz da, kiminsə xəbərçilik etməsinə görə mənə blok tətbiq etməyiniz düzgün deyil. () 17:09, 29 iyun 2023 (UTC)

@Toghrul R əlavə olaraq, commonsda yazdığım sözlərə görə, ordakı adminlər dura-dura siz niyə blok edirsiz? Bəlkə digər sosial şəbəkə hesablarımı da araşdırasız? Etdiyiniz qərəzdən başqa bir şey deyil. Həmin istifadəçi normal dialoq qurmaq cəhdlərimə qarşılıq versəydi belə olmazdı. () 17:13, 29 iyun 2023 (UTC)

@Toghrul R commons adminləri sizdən fərqli olaraq hər 2 tərəfə də bərabər şəkildə yanaşdılar,siz isə birmənalı olaraq digər istifadəçinin tərəfini tutaraq, mənə qadağa qoyursuz. Zəhmət olmasa, mənim blok müddətimi 1 ay yox, daha uzun müddətə etməyi sizdən xahiş və tələb edirəm. () 17:17, 29 iyun 2023 (UTC)

@ mən sizin Vikianbardakı fəaliyyətinizi müşahidə edərək buradakı müzakirəni oxudum və prinsipləri pozduğunuzu gördüm. Azərbaycanca Vikipediyada Vikianbardakı fəaliyyətə görə bloklanmamısınız, burada qaydanı pozduğunuz redaktənin keçidi qeyd edilib. Kimin haqlı olub-olmaması əsas məsələ deyil. Nəzakət prinsipləri pozularaq təhqir edilib. Redaktə müharibəsinə görə sizə tətbiq edilmiş bloku nəzərə alaraq bir aylıq məhdudiyyət tətbiq edilib. — Toghrul R (m) 17:38, 29 iyun 2023 (UTC)

Commons'da yazıb sildiyiniz "bu rəsmləri münasib yerində istifadə edə bilərsən" sözlərinə heç cür haqq qazandıra bilməzsiz. Mənlə dialoq qurmurdu, yalan danışırdı, özümdə deyildim və s. bütün bunlar olsa belə kimisə söymək, təhqir etmək olmaz. Bura Facebook və ya Instagram deyil ki, "yazıb sildim də, unudun" deyəsiz. Yazdığınız sözlər barədə Commons-dakı adminlərə şikayət etmək istəyirdim, amma sonra dedim ki, Commons adminlərindən biri yəqin görüb məşğul olar. @Toghrul R-un da tətbiq etdiyi bloku dəstəkləyirəm. Çox aqressiv, istifadəçiləri təhqir edən, arqumentlərimizə qulaq asmayan istifadəçisiz. Şiroi Akuma 17:38, 29 iyun 2023 (UTC)

@Toghrul R, @White Demon yazdıqlarınız başdan-ayağa qərəzdən başqa bir şey deyil. Hət bir insan affekt vəziyyətində ola bilər, hansı ki, bu hal hətta cinayət belə törədilən zaman nəzərə alınır. Özünüz baxın, mən həmin istifadəçiyə bir neçə dəfə normal formada sual ünvanlamışam, niyə bunlara cavab vermək əvəzinə redaktə müharibəsinə şərait yaradırdı? Kimsə sizin də əsəblərinizi belə oynatsaydı, bəlkə daha artığını yazardız, indi qınamaq asandır)) halbuki mən özüm heç bir xəbərdarlıq almadan etdiyimim düzgün olmadığını anlayıb rəyə düzəliş vermişdim, indi günlər sonra donosbazlıq edərək kimisə susdurmağa çalışmaq etik deyil. () 17:44, 29 iyun 2023 (UTC)

@White Demon aqressiyanı yaradan bəlkə sizsiz? Mənim commonsa yüklədiyim fotolar azdilli vikinin bəzi istifadəçilərinin şikayəti nəticəsində silinib, guya müəllif hüquqlarını pozurmuşam. 😃 bəs şəkillərin yaradılma tarixindən 70 il keçəndən sonra ictimai mülkiyyət sayılırdı, şəklin müəllifi şəkli çəkən şəxs idi? 1907-ci ilə aid yüklədiyim şəkli guya “müəllif hüquqları”nı pozduğum üçün şikayət ediblər, bu necə qeyri-səmimi, ikiüzlü yanaşmadır? İndi mən bunları dediyim üçün kimisə təhqir etmiş sayılıram? Şəklin yaradılma tarixindən 100 il keçib də, istədiyim kimi istifadə edə bilərəm? Yoxsa hamıya olar amma tək mənə gələndə müəllif hüquqları yada düşmür? () 17:55, 29 iyun 2023 (UTC)

@White Demon burda əməlli-başlı total diktatura qurmusuz, istədiyiniz prinsipi istədiyiniz kimi tətbiq edirsiz, xoşunuza gəlməyən bir şey olanda da blok tətbiq edirsiz. Burdakılardan yalnız @Gadir adlı şəxslə normal dialoq qura bildim, istəsəz bundan sonra 1 illik də blok tətbiq edə bilərsiz, mənim üçün heç bir fərqi yoxdur. Siz də Yusif adlı istifadəçinin ictimai əsaslarla vəkilliyini etmək əvəzinə müzakirəyə qatılmağa məcbur etsəydiz, belə olmazdı () 18:12, 29 iyun 2023 (UTC)

Görürəm ki, qaydaları pozmağa davam etdiyiniz üçün Commons-da da bloklanmısız. Ümid edirəm ki, həm burdakı, həm də ki Commons-dakı adminlərə qulaq asmağa qərar verəcəksiz. Gələcək fəaliyyətinizdə uğurlar! Şiroi Akuma 18:17, 29 iyun 2023 (UTC)

@White Demon commonsdakı adminlər məni təhqirə görə yox, guya müəllif hüquqlarını pozduğum burdakıların şikayəti əsasında 2 həftəlik bloklayıblar. Halbuki mən sadəcə sizin dediklərinizə uyğun olaraq, yalnız 70 ili keçmiş fotoları ora yükləmişdim, həmin fotolar azad istifadədə deyildi? Yoxsa qaydalar şəxslərə görə dəyişir, mənim xəbərim yoxdur? Mənə gələndə şəkil azad istifadədə olur, amma məsələn Dilqəm Əhmədin kolleksiyasından olan şəkli öz adımdan commonsa yükləsəm 100 il öncəsinə aid olsa belə müəlliflik hüququ predmetinə çevrilir? Uğurlara görə sağ olun, amma ehtiyac yoxdur, Vikipediya mənim üçün artıq bitmişdir, ona görə deyirdim ki, məni daha uzun müddətə bloklaya bilərsiz. Beləcə vaxtımı daha səmərəli işlərə sərf edə bilərəm. () 18:24, 29 iyun 2023 (UTC)

@ əgər ictimai şəkildə paylaşmısınızsa, o deməkdir ki, həmin fotolar üzərində hansısa hüquqların hər an itirilməsini gözə almalısınız. Mənim tövsiyəm budur ki, əgər fotoları haradasa eksklüziv olaraq paylaşmaq istəyirsinizsə üzərinə silinməsi çox çətin və dərin "watermark"-lar əlavə edin, ya da, ümumiyyətlə, heç paylaşmayın. Əgər paylaşırsınızsa və paylaşdığınız da sizin şəxsən çəkdiyiniz foto deyilsə, hansısa arxivdə varsa, o foto heç kəsin deyil, dövlətindir. — Toghrul R (m) 18:52, 29 iyun 2023 (UTC)

@Toghrul R yaxşı elə olsun. Düz deyirsiz, mən pis iş görmüşəm axı, günlərlə araşdırma aparıb Əliheydər Qarayev və Mirzə Davud Hüseynova aid ən dəqiq fotoları üzə çıxarıb, insanların nəzərinə çatdırmışam. Son 1 ay ərzində etdiyim bu pisliyin qarşılığını ən ağır formada göstərdiyiniz üçün həm @Yousiphh adlı istifadəçiyə, həm də siz və digər adminlərə ən yüksək dərəcədə təşəkkürlərimi bildirmək istəyirəm. Mənim yüklədiyim fotoları siz @Toghrul R şəxsən təkrar foto olduğu üçün şikayət edib, sildirmisiz, hüquqlarımı hətta bu formada belə ifadə etməyimə imkan vermədiz. Üstəlik, sanki mənə acıq verirmiş kimi Mirzə Davud Hüseynovun illərlə mövcud olan fotosunu bütün dillərdəki vikilərdə dəyişərək, həmin fotoşəkil qoymusuz, halbuki buna heç ehtiyac belə yox idi. Nə deyim, çalışacam ki, “məsləhətlərinizə” qulaq asıb, belə “səhvlər”dən bundan sonra uzaq durum. () 19:01, 29 iyun 2023 (UTC)

@Toghrul R məsələ müəllif hüquqlarından keçib artıq, heç olmasa ordakı yanlış məlumatları düzəldin, fotolar arxivə 1943/cü ildə yox, 12 may 1960/cı il tarixində daxil edilib, lazımdırsa orijinal fotoların məlumat inventarlarını göndərə bilərəm, sırf mən haqlı görünməyim YANLIŞ məlumatların belə vikipediyada saxlanmasında maraqlısızsa o artıq öz işinizdir, sağ olun. () 19:09, 29 iyun 2023 (UTC)

@ məsələ sizin bu məsələyə münasibətinizdə, eləcə də digər istifadəçiyə qarşı etdiyiniz təhqirdədir. VP:TYV-nin girişində qeyd edilir: Unutmayın ki, bütün yazıları, hətta silinmiş yazıları belə məqalələrin "tarixçə" bölməsindən izləmək mümkündür.

Sizin sonradan yüklədiyiniz fotolar Vikianbarda var idi ki, bu da qaydalara görə dublikat olduğu üçün, eləcə də yanlış lisenziyalı olduğu silinməli idi. Şəxsin şəklini kəsib digər dillərdə dəyişməyin sizin şəxsinizlə aidiyyəti yoxdur, gördüyüm fotonu bəyənərək şəxsin daha yaxşı fotosu kimi dillərdə dəyişmişəm. Bunu neqativ qəbul etməyin, bir növ fotonun keyfiyyətinə və maraqlılığına hörmət kimi düşünün. Fotonu ilk olaraq siz ictimailləşdirmisinizsə, əziyyətinizə görə təşəkkür edirəm. Həqiqətən, dəyərli materiallardır. Mən də arxivlərdən belə maraqlı fotolar tapdıqca Vikianbara yükləyirəm. Bəzən muzey və arxivlərdən onları çox çətinliklə əldə edə bilirəm. Əsas olan nəticədir. Vikimedia layihələri daha çox maarif xarakterlidir ki, bunun da əsasında könüllülük dayanır.

Əgər fotoların düzgün invertar nömrələri varsa, e-poçt ünvanıma göndərə bilərsiniz, müvafiq dəyişiklikləri edərəm. — Toghrul R (m) 19:27, 29 iyun 2023 (UTC)

@Toghrul R email ünvanınızı yazın ətraflı danışaq, zəhmət olmasa () 19:28, 29 iyun 2023 (UTC)

Xüsusi:EmailUser keçidində istifadəçi adımı qeyd edərək göndərə bilərsiniz — Toghrul R (m) 19:34, 29 iyun 2023 (UTC)

@Toghrul R orda fayl əlavə etmək olmur axı. Siz mənə yazın, zəhmət olmasa urfanmemmedzade@gmail.com () 19:35, 29 iyun 2023 (UTC)

Bloku haqlı hesab edirəm. Mən sizə bu barədə xəbərdarlıq etmişdim ki, ifadələrinizə diqqət edin və təmkinli olun. Demişdim ki, belə etməklə haqlı olduğunuz halda haqsız vəziyyətə düşə bilərsiniz. Kimsə qayda pozursa belə, ona qarşı siz də qayda pozub nəzakətsiz üslubda danışa bilməzsiniz. Belə olan halda bu da qayda pozuntusu sayılır və lazımi qabaqlayıcı tədbirlər görülür. @Toghrul R, istifadəçi mənə sənədləri göndərmişdi, paylaşa bilərəm sizinlə. Həmçinin istifadəçi eyni faylları özünün yükləyib digər istifadəçinin yüklədiklərinin silinməsini istəyir ya da adının ora qeyd edilməsini. Hər bir halda problem görmürəm. Nə fayl silinmir, nə də ki, orada adının yazılmağı (ki, həqiqətən faylları o, əldə edibsə) problem deyil. Ümumiyyətlə, mən məsələnin çox böyüdüyünü düşünürəm, amma hər bir halda istifadəçinin etdiyi təhqirlərə heç cürə haqq qazandırıla bilinməz. Hörmətlə, Gadir (müzakirə) 00:25, 30 iyun 2023 (UTC)

@Gadir mən həmin təhqirləri heç bir xəbərdarlıq almadan özüm silmişdim, əgər diqqət yetirsəz. Dediyiniz sənədləri mən özüm də @Toghrul R bəyə göndərmişəm. Bu məsələdə yeganə istədiyim şey obyektiv yanaşılaraq, hüquqlarımın təmin olunmasıdır. O fayllarda şəxsimlə bağlı qeydin olması mənim heç də onlara müəlliflik hüququ iddiasında olduğum anlamına gəlmir, sadəcə çəkdiyim əziyyətin qarşılığını görmək istəyirəm. Sivil yollarla etdiyim müraciətlər qarşılıq tapsa, mən də başqa vasitələrə əl atmağa məcbur qalmazdım. () 00:29, 30 iyun 2023 (UTC)

@Gadir, həmin fotolardan 2-sini mən də öz adımdan commonsa yükləmişdim, təkrar fayl olduğu və müəllif hüquqlarını pozduğum (!) üçün bu cəhdin də qarşısı alınaraq silindi. () 00:39, 30 iyun 2023 (UTC)

Toghrul bəyin də qeyd etdiyi kimi, siz onları silsəniz də, yazdıqlarınızı səhifələrin tarixçə bölməsindən görmək mümkündür. Düz etməmisiniz. O fayllar dublikatı olduğu və doğru lisenziya göstərmədiyiniz üçün silinib. @Yousiphh, təəssüf ki, mən sizin istifadəçi ilə prinsip apardığınızı düşünürəm. İstifadəçiyə 2 dəfə cavab yazmısınız ki, həmin faylları özünüz şəxsən əldə etmisiniz, amma o, sizə inanmır. Və faylın invertar tarixini də səhv qeyd etmisiniz. Göstərə bilməzsiniz ki, həqiqətən siz əldə etmisiniz. İstifadəçi də yazıb ki, göstərsəniz, anlayışla qarşılayacaq və məsələ bitəcək. Bunu etsəniz, bütün bu söz-söhbətlər də bitərdi. Siz axı təcrübəli istifadəçisiniz, sizin fəaliyyətiniz təqdirəlayiqdir. Belə olan halda siz mübahisəli məqamları çözməlisiniz. Məsələ lazımsız yerə bu qədər uzadı. Gadir (müzakirə) 00:50, 30 iyun 2023 (UTC)

@Gadir bəli, mənim istədiyim şey sadəcə budur. 1 aydır etdiyim normal dialoq cəhdlərinə qarşılıq ala bilmirəm. Həmin şəxs bu arxivdə bu fotoların orijinalı ilə çalışdığını təqdim etsin, söz verirəm ki, bir də bu məsələ barədə heç yerdə heç nə yazmayacam əgər yazsam, mənə ömürlük İP bloku belə tətbiq edə bilərsiz. Hətta etdiyim təhqiramiz ifadələrə görə ondan üzr belə istəməyə hazıram. () 00:54, 30 iyun 2023 (UTC)

@Toghrul R, @White Demon, @Solavirum, nə düşünürsünüz? Gadir (müzakirə) 00:59, 30 iyun 2023 (UTC)

@Gadir, @Toghrul R mən həmin şəxsin yüklədiyi fotolara bir-bir baxmışam. 11 mart 2023-cü il tarixində yüklənən 2 foto yalnızca bunlardır. Fotokino arxivdən şəkilləri götürəndə flaşkarta 25 ədəd say ilə köçürdüb verirlər. Yəni deməyim odur ki, əgər bu şəxs həqiqətən arxivdə gedib işləyibsə, niyə fotoarxivdən commonso cəmi 2 foto yükləyib? Niyə məhz həmin arxivdən başqa fotolar da yüklənməyib? Ən azından mən tapa bilmədim. Bütün bu məsələlər məndə ciddi şübhələr doğurur. Yeganə istədiyim şey suallarıma cavab ala bilməkdir. () 01:15, 30 iyun 2023 (UTC)

@Gadir @Toghrul R @White Demon @Solavirum Əliheydər Qarayev və Həbib Cəbiyevin birlikdə yüklənən fotosuna baxın. Yuxarı sol hissədə çox kiçik qırmızı rəngli işarə var. BİNQO! Hələ də məndən bundan böyük sübut istəyirsiz??! Şəklin orijinalında həmin qırmızı işarə nə gəzir? Bu elə mənim facebooka yüklədiyim şəklin özüdür ki var!!! Hansı ki, orda mənim adımın qeyd olunduğu qırmızı watermark var idi o silinərək əlavə edilib! () 01:24, 30 iyun 2023 (UTC)

@White Demon ilk gündən bəri mənə qarşı xüsusilə neqativ davranırdız. Bu linkdə daha aydın görünür. Şəklin yuxarı hissəsində açıq-aydın şəkildə qırmızı işarə qalıb. Hardandır bu qırmızı işarə? İzah edə bilərsiz bunu?! Məndə bu təsvirin tam orijinal versiyası var, hansı ki, həmin hissədə qırmızı heç nə olmamalı idi! O qırmızı mənim facebook hesabımda paylaşdığım adımın yazısının qırmızısıdır. () 01:29, 30 iyun 2023 (UTC)

@Gadir @Toghrul R @White Demon baxın bu da mənim paylaşdığım fotoda məhz həmin hissədə qırmızı rəngdə adımın yazıldığı yer, bu foto məhz həmin hissə silinərək commonsa yerləşdirilib.

Bundan da bariz sübut istəyirsiz?! Xahiş edirəm, artıq mənim hüquqlarımın həyata keçirilməsinə mane olmayım! () 01:32, 30 iyun 2023 (UTC)

Yəqin ki, istifadəçin buna bir açıqlaması olacaq. Həmin qırmızı nöqtəni siz mənə e-mail atdıqdan sonra gördüm, çox kiçikdi, görünmürdü. Gadir (müzakirə) 01:43, 30 iyun 2023 (UTC)

@GadirBəli, çünki çox peşəkarcasına montaj edilib.məndə həmin təsvirin tam orijinal versiyası var, hansı ki, əsl versiyada qırmızı xəttin nə işi var? İstəsəz orijinal faylı da sizə göndərə bilərəm. Xahiş edirəm, heç olmasa bu cür açıq faktdan sonra hüquqlarımı həyata keçirməyimə yardımçı olun. () 01:46, 30 iyun 2023 (UTC)

@Gadir, @Toghrul R@White Demon @Solavirum həmin qırmızı nöqtə Əliheydər Qarayevlə Mirzə Davud Hüseynovun fotosunda da qalıb, yuxarı sol küncdə ağ xətlər olan hisaənin aşağısında. Kimə lazımdırsa hər 2 fotonu yüksək keyfiyyətli HD formasında təqdim edə bilərəm, 100 il əvvələ aid fotoşəkillərdə balaca qırmızı nöqtələr nə gəzir? Bu artıq hər şeyi açıq-aydın sübut etmək üçün kifayət etmir?

https://commons.m.wikimedia.org/wiki/Category:Aliheydar_Qarayev#/media/File%3AƏli_Heyd%C9%99r_Qarayev_v%C9%99_Mirz%C9%99_Davud_Hüseynov.jpg () 02:04, 30 iyun 2023 (UTC)

@Gadir, @Toghrul R @White Demon Əliheydər Qarayevlə Mirzə Davud Hüseynovun hətta bir neçə yerdə balaca qırmızı nöqtələr aydın şəkildə görünür, kimə, hansı adminə lazımdırsa özümdə olan arxivdən götürdüyüm orijinal təsvirlə Yusifin commonsa yüklədiyi plagiat şəkillərdəki həmin hissə arasındakı fərqi təqdim edə bilərəm. () 02:15, 30 iyun 2023 (UTC)

Ümumiyyətlə məndə olan fotolarla commonsa yüklənənlər arasında çox böyük fərqlər var, şəkillərin yuxarı sol küncü açıq-aydın şəkildə silinmə əməliyyatına məruz qalıb. () 02:17, 30 iyun 2023 (UTC)

@ salam. Sizinlə bu məsələ barəsində ətraflı danışdıq. Əlinizdə olan arxiv çıxarışları buna kifayət edirdi. Əlavə müzakirəyə ehtiyacın olmadığını düşünürəm. Səhifələrin mühafizəsi açıldıqdan sonra məlumatlar yerləşdiriləcək. Hörmətlə — Toghrul R (m) 04:07, 30 iyun 2023 (UTC)

@Toghrul R, bəli, göstərdiyim arxiv sənədləri məsələni isbatlamaq üçün kifayət edirdi, lakin mən yenə də ilk gündən bəri obyektiv yanaşmağa çalışırdım. Düşündüm ki, bəlkə də @Yousiphh həqiqətən fotoarxivdə bu şəkillərin orijinalı ilə işləyərək, onları ordan əldən götürüb. Əgər belə olsaydı, bütün iddialarımdan vaz keçməyə hazır idim. Lakin təqdim etdiyim faktıar artıq təkzibolunmaz şəkildə bu 2 fotonun mənim səhifəmdən götürüldüyünü sübut edir. Sizdən xahiş edirəm, mühafizə götürüldükdən sonra mənimlə bağlı qeyd edildikdə, həmin @Yousiphh adlı istifadəçinin onu silməsini qarşısını alacaq mexanizm tələb edin, beləcə mən də redaktə müharibəsi, vandalizm və s. kimi qayda pozuntularına yol verməyə məcbur qalmayım. Belə də sizə və digər vikipediya istifadəçilərinə uğurlar arzulayaraq məsələni özüm üçün bitmiş hesab edəcəm. () 04:13, 30 iyun 2023 (UTC)

@Toghrul R, mən təklif edərdim ki, gözləmədən elə həmin fotoları əsaslarla silinməyə namizəd göstərib, orijinallarını istifadəçi elə özü yükləyərdi. Gadir (müzakirə) 05:40, 30 iyun 2023 (UTC)

Belə diqqətlə baxanda orda kiçik qırmızı işarəni mən də gördüm. Şiroi Akuma 10:35, 30 iyun 2023 (UTC)

@White Demon, bəli, obyektiv və ədalətli yanaşmaya malik istənilən bir şəxs üçün bu artıq bütün məsələni aydın şəkildə izah etməlidir. Sizdən yeganə xahişim artıq digər istifadəçini də məsələ barədə mövqe bildirməyə məcbur etməyiniz və ya fotolarda adımın yazılmasını təmin etməyinizdir. () 10:39, 30 iyun 2023 (UTC)

Fotoları düzgün lisenziyaları da qeyd edərək özünüz paylaşmaq istəyirsiniz? Həmin bu fotolarda qırmızı nöqtə var çünki. Sizdəkilər orijinal versiyalardır. Gadir (müzakirə) 10:40, 30 iyun 2023 (UTC)

Fotolarda sizin adınızın qeyd olunmasına etirazım yoxdur, amma digər istifadəçi indiyə qədər məsələyə fikir bildirmək istəməyibsə, indi də məcbur etməyin mənası yoxdur. Şiroi Akuma 10:46, 30 iyun 2023 (UTC)

@White Demon ola bilər. Məsələyə mövqe bildirmək istəmirsə şəxsi işidir, bir söz deyə bilmərəm. Amma elədirsə ilk gündən bəri yalan danışaraq, məni redaktə müharibəsi cəlb edərək, özümdən çıxartmağa, qayda pozuntuları edib haqlı ikən haqsız görünməyimə çalışmağa ehtiyac yox idi. @Gadir, mənim üçün heç bir problem yoxdur. Mənim commons alqoritmlərindən elə də çox başım çıxmır. Amma məndə bu 2 fotonun yüksək keyfiyyətli orijinal versiyası mövcuddur. Plagiat şəkillərin silinməsini təmin edərək, orijinal fotoları lisenziyalı şəkildə Commonsa yükləməyimə yardım etsəz, sizə minnətdar olaram. Və ya mövcud şəkillərdə mənimlə bağlı qeyd edilməsi də qəbulumdur. Adminlər hansı variantı daha münasib hesab edərsə, onunla razıyam. () 10:55, 30 iyun 2023 (UTC)

Yükləmək istəyirsinizsə, sizə kömək edə bilərəm. Gadir (müzakirə) 10:57, 30 iyun 2023 (UTC)

@Gadir, bəli amma təəssüf ki, hal-hazırda təkrar fotolar yüklədiyim commonsda 2 həftəlik bloklanmışam. Siz zəhmət olmasa, digər versiyaların silinməsini təmin edin, mən də özümdə olan yüksək keyfiyyətli fotoları commonsa yükləyərəm, sonra siz müvafiq lisenziya və digər məsələlər üçün uyğun düzəlişləri edə bilərsiz. () 11:00, 30 iyun 2023 (UTC)

Problem deyil. Aşkarladığınız nöqtə məsələsini Commonsda yazmağınızı tövsiyə edərdim. Bu işdə kömək olacaq. Gadir (müzakirə) 11:08, 30 iyun 2023 (UTC)

@Gadir zəhmət olmasa, siz mənim əvəzimə yaza bilərsiz? Mən hal-hazırda blokdayam. Həm mənim commons alqoritmlərindən digər istifadəçi qədər başım çıxmır, nəyi harda yazmalı olduğumu bilmirəm. O mənim haqda hər yerdə bir şikayət yazaraq, blok almağıma səbəb oldu, mən isə məsələni harda qaldırmalı olduğumu bilmirəm. @Toghrul R bəy təcrübəli commons istifadəçisidir, yəqin ki, digər versiyaların silinməsini o təmin edə bilər. () 11:12, 30 iyun 2023 (UTC)

Müzakirə səhifəniz açıq olmalıdır. Ora yaza bilərsiniz. Gadir (müzakirə) 11:14, 30 iyun 2023 (UTC)

@Gadir bəs hansı adminləri tag etməliyəm? () 11:15, 30 iyun 2023 (UTC)

Sizi bloklayanı teq edib məsələni başa salmağınız kifayət edər. Gadir (müzakirə) 11:17, 30 iyun 2023 (UTC)

@Gadir dediyiniz kimi də etdim. Ümid edirəm ki, geri dönüş alaram () 11:21, 30 iyun 2023 (UTC)

@Gadir dediyiniz kimi etdim. Yenə də müsbət geri dönüş alacağıma əmin deyiləm. Özümdəki orijinal versiyalarla müqayisə etdikdə adımın yazıldığı yuxarı sol küncdəki ciddi fərqlilikləri, adımın yazıldığı hissədə silinmə əməliyyatının aparıldığını aydın şəkildə görmək olur. Kimə lazımdırsa fotoların həqiqi versiyalarını yüksək keyfiyyətli şəkildə təqdim edə bilərəm. Ümid edirəm ki, bu məsələ digər adminlərin dediyi kimi ədalətli şəkildə öz həllini tapar, mən də rahat olaram. () 12:04, 30 iyun 2023 (UTC)

@Gadir, @White Demon, @Toghrul R, @Solavirum Əliheydər Qarayevin Mirzə Davud Hüseynovla fotosunda hətta 2 yerdə qırmızı nöqtələr qalıb, yuxarı sol küncə diqqətlə baxsaz görə bilərsiz. Ardıcıl taglarla sizi narahat etdimsə üzrlü sayın, amma bu məsələyə görə artıq kifayət qədər əziyyət çəkmişəm, ona görə mənim üçün müstəsna əhəmiyyətə malikdir. @Yousiphh mənim profilimdən plagiat edərək götürdüyünüz şəklin üzərinə yaxşı işləyə bilməmisiz, hər 2 fotoda adımla bağlı qalıntılar qalıb)) Bəs fotoları arxivdən gedib özünüz götürmüşdüz?! 100 il əvvələ aid şəkillərdə qırmızı nöqtələr hardandır?! Düşünürəm ki, normal düşüncəyə malik hər bir şəxs bütün bu etdiklərindən sadəcə səhvini qəbul edərək üzr istəməlidir. () 12:19, 30 iyun 2023 (UTC)

acquired by Urfan Mammadov yazaq bəs edir. Bu mövzu çox uzandı --► Hörmətlə: SolaVirum 12:40, 30 iyun 2023 (UTC)

@Solavirum mənim də 1 aydır istədiyim sadəcə bu idi. @Yousiphh adlı istifadəçi isə hər vasitə ilə buna mane olmağa çalışırdı. Bunun qarşısı alınsa məsələni özüm üçün həll olmuş hesab edəcəm. () 12:44, 30 iyun 2023 (UTC)

@Solavirum, orijinal fotolar daha keyfiyyətli imiş. Hazırkı fotoların üzərində qırmızı nöqtələr və s. var. Çox, həm də çox uzandı. 3 həftədən artıqdır vaxtdır ki, bunun söhbəti gedir. @, siz yaxşı olardı ki, Commonsda tez-tez istifadəçini işarələməyisiniz, belə getsə, müzakirə səhifənizdə blok olacaq. Gadir (müzakirə) 12:48, 30 iyun 2023 (UTC)

Amma ki, köhnə versiyaların üzərinə yenilərini də əlavə etmək mümkündür. Gadir (müzakirə) 12:50, 30 iyun 2023 (UTC)

@Gadir bunu bilmirdim. Yaxşı, necə məsləhət bilirsizsə. Mənim bu fotoların istifadə olunması ilə bağlı əvvəldən heç bir problemim yox idi. Yeganə istəyim, çəkdiyim əziyyətin itməməsi və fotolarda mənim də adımın görünməsi idi. Burdakı adminlər hansı həll yolunu məqbul hesab etsələr, onla razılaşmağa hazıram. () 12:57, 30 iyun 2023 (UTC)

@Toghrul R @White Demon Bu müzakirəni bir müddətdir ki, mən də izləyirdim. İlk başda nəyə inanacağıma əmin olmasam da, bu səhər sözügedən şəkilə təkrar, təsadüfən baxanda sol üstdə Ürfan Məmmədzadə adının silinməsindən geriyə qalan qırmızı izləri gördüm. İndi bunu bildirmək üçün gələndə məndən əvvəl buna fikir verildiyini görürəm. Başda Ürfan Məmmədzadəyə etiraz edənlər olsa da, artıq bu izlər təkzibolunmaz bir fakt olaraq qalır. Artıq sözə ehtiyac yoxdur, hər şey gün kimi aydındır. (müzakirə) 13:11, 30 iyun 2023 (UTC)

@Yousiphh yalanın ömrü az olar deyə boşuna deməyiblər)) Fotoları mənim səhifəmdən plagiat edərək götürdüyünüz istər inzibatçılar, istərsə də sıravi istifadəçilər tərəfindən artıq aydın şəkildə görünür. Çalışın bundan sonra kiminsə tapdığı fotonu öz adınıza keçirdib paylaşmaq istəyəndə watermark hissəsini səliqəli şəkildə siləsiz, belə xırda izlər qalmasın)) heç olmasa bundan sonra etdiyiniz səhv və qeyri-etik davranışı qəbul edib, faylların mühafizəsi götürüləndə mənbə hissəsində adımın görünməsinə maneə törətməsəz hər kəs üçün daha yaxşı olar. Bu hələ ki bu mövzuda yazdığım son şərhdir, sağlıqla qalın. () 15:44, 30 iyun 2023 (UTC)

@Gadir, @Solavirum, @Toghrul R, @White Demon Yusif adlı istifadəçi ortaq tanışımızla söhbətdə artıq 1 aydır yalan danışdığını və şəkli mənim hesabımdan götürdüyünü etiraf etdi. İndi də söhbəti fırlatmağa çalışır ki, guya onu təhqir etmişəm deyə şəkillərə adımı yazmayacaq. Əvvəla qeyd edim ki, ilk rəylərə baxa bilərsiz, mən həmin şəxsə kifayət qədər mədəni formada müraciət edərək şəkilləri hardan götürdüyünü soruşmuşdum, o normal formada cavab versə və ya mənimlə bağlı qeydin yazılmasına mane olmasaydı söhbət bu qədər uzanmazdı. Həmin rəy haqlı olduğum bir məsələdə 1 aylıq bütün cəhdlərimim boşa çıxması ilə yaranan əsəb və affekt halının nəticəsi idi, artıq şəkillər qorunmaya alınmışdı deyə əlimdən heç nə gəlmirdi. İndi məni maraqlandıran məsələ budur ki, Yusifdən müstəqil şəkildə burdakı adminlərin məsələni yoluna qoymaq üçün tətbiq edə biləcəkləri hansısa mexanizm varmı? Məsələ hələ ki, vikipediya çərçivəsindən kənara çıxmayıb, amma hansısa formada həll edilməsə, problemi ictimailəşdirmək, həmin şəxsin əməlləri barədə facebook səhifəmdə post paylaşmaq niyyətindəyəm. Siz də razılaşarsız ki, belə bir skandal vikipediyanın nüfuzu üçün elə də yaxşı hal deyil, amma vəziyyətdən asılı olaraq etməyə məcbur qala bilərəm. () 12:52, 1 iyul 2023 (UTC)

Azərbaycan dilli vikipediyanın digər inzibatçıları olan @Sortilegus, @Wertuose, @Babək Akifoğlu, @Araz Yaquboglu, @Eminn, @Nicat49, @Eldarado, @Baskervill, @Burocan və digərlərinin də məsələ ilə tanış olaraq münasibət bildirməsini xahiş edirəm. () 15:28, 1 iyul 2023 (UTC)

inzibatçıları olan @Sortilegus(B), @Wertuose(İ), @Babək Akifoğlu(İ), @Araz Yaquboglu(İ), @Eminn(İ), @Nicat49(İ), @Eldarado(B), @Baskervill(İ), @Burocan(İ) və digərlərinə müraciət edərək qeyd etmək istərdim ki, Ürfan Məmmədzadənin fotolarındakı qırmızı xəttlər müəllif hüquqları pozulduğunu isbat edir. Əlavə olaraq Ürfan Məmmədzadənin normal polemika səylərinə baxmayaraq Yusif İsmayılın bu səylərə qarşılıq verməməsi və Ürfanın Yusif İsmayıla qarşı aqressiyası Ürfanın əziyyətlə tapdığı fotoların oğurlanması və bunun müəllifdə affekt və əsəb vəziyyəti yaranması ilə bağlı idi. 5.191.58.88 18:04, 1 iyul 2023 (UTC)

Məsələyə anlayışla yanaşaraq şərh etdiyiniz üçün sizə dərin minnətdarlığımı bildirirəm. () 18:06, 1 iyul 2023 (UTC)

Əvvəla müzakirədə iştirak edən adminlər başda olmaqla @Solavirum, @Toghrul R, @White Demon, @Gadir bütün şəxsləri salamlayaraq, mən də öz fikirlərimi bildirmək istəyirəm. Azərbaycanca vikipediyanın “Əliheydər Qarayev” səhifəsində bu barədə müzakirələrin başlandığı ilk gündən məsələni yaxından izləyirəm, istər yerli vikipediya, istərsə də commonsda yazılan şərhlərin hamısını oxumuşam. İlk günlər məsələ barədə konkret fikir bildirməkdə çətinlik çəksəm də, artıq ortaya çıxan yeni faktlar hər şeyi birmənalı olaraq gözlər önünə sərir. Dərin təəssüf hissilə bildirmək istəyirəm ki, @Yousiphh adlı istifadəçi istifadə etdiyi fotoları götürdüyü mənbəni qeyd etməyərək aşkar şəkildə plagiat və müəllif hüquqlarlna halına yol vermişdir. Ürfan Məmmədzadənin “facebook” hesabında paylaşdığı hər 2 fotonun yuxarı sol küncündə qırmızı rəngdə yazılmış “©️Ürfan Məmmədzadə” yazısının silinməsindən geri qalan izlər, fotoların orijinal versiyası ilə commomsa yüklənən plagiat versiyalar arasındakı fərqlər bütün tərəfsiz istifadəçilər və adminlər heyəti tərəfindən artıq təsdiq olunmuşdur. 5.191.59.174 19:25, 1 iyul 2023 (UTC)

Hər kəsə salam. Şəkil mövzusunu açığı anlamadım, lakin təhqirə görə tətbiq olunan bloku haqlı sayıram. Hörmətlə — eldarado(müzakirə | fəaliyyət | meta səhifəsi) 19:30, 1 iyul 2023 (UTC)

@Eldarado şəkil mövzusu ondan ibarətdir ki, @Yousiphh adlı istifadəçi mənim facebook səhifəmdə arxivdə apardığım elmi araşdırmaların nəticəsində aşkarlayıb ictimailəşdirdiyim fotoların yuxarı sol küncündəki adımı silərək, öz adından commonsa yükləyib, 1 ay ərzində mənbə hissəsinə mənimlə bağlı qeyd edilməsinə yalan danışaraq mane olmağa çalışır. () 19:35, 1 iyul 2023 (UTC)

@Eldarado mənim paylaşdığım fotolarda qırmızı rəngdə adımın yazıldığı watermarkın və commonsa yüklənən plagiat versiyalardakı qırmızı nöqtələrin yerləşmə mövqeyinə diqqət yetirin, hər şey aydın olacaq:

https://commons.m.wikimedia.org/wiki/File:Əli_Heyd%C9%99r_Qarayev_v%C9%99_H%C9%99bib_C%C9%99biyev.jpg

https://commons.m.wikimedia.org/wiki/File:Əli_Heyd%C9%99r_Qarayev_v%C9%99_Mirz%C9%99_Davud_Hüseynov.jpg () 19:37, 1 iyul 2023 (UTC)

@Eldarado hər kəsin digər istifadəçinin 1 ay ərzində aşkar şəkildə yalan danışaraq vikicəmiyyət üzvlərini aldatmağa çalışmasını, hüquqlarımın qorunması ilə bağlı etdiyim cəhdlərə redaktə müharibəsi apararaq mane olmasını gözardı edib, bir anlıq qəzəblə yazdığım rəyə fokuslanması çox ədalətsiz yanaşmadır. () 19:39, 1 iyul 2023 (UTC)

Məsələnin digər tərəfi də @Yousiphh etdiyi aşkar qayda pozuntusu barədə izahat vermədən yalan danışması, Ürfan Məmmədzadənin “facebook” səhifəsindən əldə etdiyi fotolardan onun adını silərək commonsa yüklədikdən sonra səhvini etiraf etmək əvəzinə “şəkli arxivdən götürmüşəm” deyərək vikicəmiyyətin üzvlərini aldatmasıdır. @Yousiphh siz axı vikipediyada sıravi istifadəçilərdən daha yüksək hüquqlar tələb edən, inzibatçı vəzifəsinə iddia edən şəxssiz, təəssüf hissilə də olsa qeyd etməliyəm ki, bu cür böyük skandala imza atmağınız çox böyük biabırçılıqdır. Məsələ artıq kifayət qədər aydındır: Ürfan Məmnədzadənin facebook hesabında paylaşdığı fotolarda adının yazıldığı hissədəki qırmızı iz və nöqtələr hər kəs tərəfindən görünüb. Düşünürəm ki, bundan sonra yanlış mövqeyinizi müdafiə etməkdə israrçı davransa yalnız özünüzün və vikicəmiyyətin nüfuzuna zərbə endirmiş olarsız. 5.191.59.174 19:32, 1 iyul 2023 (UTC)

, bu məsələnin azvikiyə aidiyyatı yoxdur. Şəkilin müəllifi sizsinizsə bununla bağlı commonsda müraciət edib şəkili sildirə bilərsiniz. Bu mövzuda kimin haqlı kimin isə haqsız olduğunu azviki inzibatçıları müəyyən edə bilməz. Hörmətlə — eldarado(müzakirə | fəaliyyət | meta səhifəsi) 19:43, 1 iyul 2023 (UTC)

@Eldarado bəs onda hansı əsasla mənim commonsda yazdığım rəyə görə azdilli vikidə blok tətbiq edildi? Yazdığınız fikirlərdə ziddiyyət var () 19:45, 1 iyul 2023 (UTC)

Siz commons-da yazdığınıza görə deyil, AzVikidə istifadəçini "dəvəquşu" adlandırdığınız üçün bloklanmısız. Şiroi Akuma 19:48, 1 iyul 2023 (UTC)

Anonim istifadəçi, hansı istifadəçi olduğunuzu xatırlamadım, amma burada müəlliflik hüquqlarının pozulmasından yox, həmin fotoların səhifələrində şəxsin adının qeyd olunmasından söhbət gedir artıq. Müəlliflik hüququnun pozulmasından söhbət gedə bilməz, çünki şəxs fotoların müəllifi deyil, fotolar ictimai mülkiyyətdədir, sadəcə olaraq ondan götürülərək yüklənib Commons-a. Bu isə silinmə üçün əsas deyil. Commons-dakı admin də deyir ki, Yusif Ürfanın arxivindən götürüb yükləmiş olsa belə, müəllif hüququndan söhbət gedə bilməz, çünki ictimai mülkiyyətdədir. Bu yazdıqlarımı isə laaaaap müzakirənin əvvəlində də yazmışdım ki, arxivdən foto götürüb Facebook-da paylaşmaq həmin fotoların müəllif hüququnun sizə aid olduğunu göstərmir. Bir də ki, xahiş edirəm ki, mənim adımı ping etməyin, eyni fikri neçənci dəfədir ki, bildirirəm. Məsələ Commons-dadır, orada həll etməyə çalışın, AzVikidəki adminlər Commons-da admin deyil. Şiroi Akuma 19:45, 1 iyul 2023 (UTC)

, Commonsdakı yazınıza görə deyil azvikidəki yazınıza görə bloklanmısınız. — eldarado(müzakirə | fəaliyyət | meta səhifəsi) 19:47, 1 iyul 2023 (UTC)

@Eldarado, @White Demon oğruya oğru, yalançıya yalançı demək nə vaxtdan təhqir hesab edilir? Həmin şəxsin “fotoları arxivdən götürmüşəm” deyərək yalan danışdığı artıq sübut edilib, indi mənim bunu ifadə etməyim təhqirdir? Bəribaşdan səhvini qəbul edib, adımın yazılmasına mane olmasaydı o rəylərin heç biri yazılmazdı () 19:56, 1 iyul 2023 (UTC)

@White Demon həmin fotolarda mənə aid watermark silinərək commonsa yüklənibsə mənbə hissəsində haqqımda qeyd olmalıdır birmənalı şəkildə. Yusif adlı istifadəçi belə çox istəyirdisə özü gedib arxivdə araşdırma apararaq, fotoları əldə edib yükləyə bilərdi, mənim səhifəmdən götürübsə niyə çəkdiyim əziyyəti istismar etməlidir? Commonsda yüzlərlə foto göstərərəm ki, ictimai mülkiyyətdə olsa belə onların hardan götürüldüyü qeyd edilir. Onda mən də gedim Dilqəm Əhməd, Ədalət Tahirzadə və s. kimi tədqiqatçıların facebookda paylaşdığı fotolardan adlarını silərək, şəxsi tapıntım kimi commonda paylaşım, müəllif hüquqlarını filan bir kənara qoydum sizcə bu etik davranışdır?? () 19:52, 1 iyul 2023 (UTC)

@White Demon sizin yazdığınızda yenə də natamamlıq var. Zəhmət olmasa, cavablandırasız. Siz bilirsiz nə vaxt haqlı olardız? Məsələn, mən bu şəkilləri öz profilimdə paylaşsaydım, Yusif də gedib həmin şəkillərin orijinalını arxivdən götürüb, yerləşdirsəydi, hə onda həmin fotoları ilk tapan şəxs mən olsam belə, iddia irəli sürə bilməzdim. Amma elə deyil! İctimai mülkiyyətdə olan foto arxivdəki şəklin orijinalı sayıla bilər, mənim “facebook” səhifəmdə paylaşdığım şəklin üzərində isə işləmişəm. Mənim “facebook” hesabımda paylaşdığım şəkillə arxivdəki fotonun əsli fərqlidir, paylaşımda ən azından üzərində adım yazılmışdı, bu artıq yeni kontent sayılmır? Elə bil ki, ağ-qara fotonu kimsə yenidən işləyir, bu artıq fərqli məzmundur. İctimai mülkiyyətdə olan versiya şəklin arxivdəki əslidir, zəhmət çəkib onu əldə edib commonsa yükləyərdi. () 20:43, 1 iyul 2023 (UTC)

, haqlı və ya haqsız olmaq mövzusuyla bağlı yuxarıda açıqlama vermişəm. Azvikinin qaydaları var bu qaydaları pozan hər bir istifadəçinin fəaliyyəti məhdudlaşdırılır. Burada da istifadəçiləri işarələyərək narahat etməyə davam etsəniz, fəaliyyətiniz azvikidə tam məhdudlaşdırılacaq. Hörmətlə— eldarado(müzakirə | fəaliyyət | meta səhifəsi) 22:57, 1 iyul 2023 (UTC)

@Eldarado yaxşı elə olsun)) iyulun 9-a qədər gözləyəcəm, yenə məsələ ədalətli şəkildə öz həllini tapmasa bu söhbəti artıq ictimailəşdirəcəm. Hələlik, sağlıqla qalın () 23:15, 1 iyul 2023 (UTC)