İstifadəçi:Xeyal Azerbeyli/Qaralama
Nərmin Kərimbəyova
Ümumi məlumatlar
Doğum tarixi (39 yaş)
Doğum yeri Bakı, Azərbaycan SSR, SSRİ
Vətəndaşlığı Azərbaycan Azərbaycan
Milliyyəti Azərbaycanlı
Musiqiçi məlumatları
Fəaliyyət illəri 2015—h.h
Janrlar Pop, soul, rok

Nərmin Malik qızı Kərimbəyova (d. 24 yanvar 1985, Bakı, Azərbaycan SSR, SSRİ) — Azərbaycanlı müğənni, söz yazarı, bəstəkar, aktrisa, keçmiş hüquqşünas.

Həyatı

Erkən illəri

Nərmin Kərimbəyova 1985-ci il yanvar ayının 24-də Bakı şəhərində ziyalı ailəsində anadan olmuşdur. Atası Kərimbəyov Malik Balabəy oğlu (1953-2014) və anası Kərimbəyova Dilarə Əbülfəz qızı (1954) uzun illər səhiyyə sahəsində çalışmışdır. Nərmin ailənin ikinci övladıdır. Qardaşı Kamran Kərimbəyov PMP üzrə mütəxəssisdir. Nərmin Kərimbəyova 2001-ci ildə orta təhsilini tamamlayaraq, 2001-2005-ci illərdə Bakı Dövlət Universitetinin hüquq fakültəsində ilk ali təhsilini almışdır. 2006-cı ildə Amerika Hüquqşünaslar Assosiasiyasının (ABA ROLİ) Bakı ofisində Layihə Direktoru vəzifəsində çalışmaya başlamışdır. Daha sonra ali təhsilini 2008-2010-cu illərdə Azərbaycan Dövlət İqtisad Universitetində davam etdirmiş və MBA Dərəcəsi ilə universiteti bitirmişdir. Bununla paralel olaraq, 2009-cu ildə Bolqarıstanda keçirilən Beynəlxalq Qadın Haqqları İnstitutunun ilk 2 illik proqramına qoşulmuşdur.Təhsili fərqlənmə ilə tamamlayan Nərmin Kərimbəyova Qadın Haqları üzrə Beynəlxalq Təlimçi dərəcəsini əldə etmişdir. Hüqüqşünas kimi beynəlxalq sahədə on il fəaliyyət göstərmişdir. 2012-2014-cü illərdə ABŞ-ın Chemonics International Təşkilatının Bakı Ofisində "Təşkilati İnkişaf üzrə Mütəxəssis" vəzifəsində, 2014-2015-ci illərdə ABŞ-ın Counterpart International Təşkilatının Bakı Ofisində "Gender Mütəxəssisi" vəzifəsində çalışmışdır.

Musiqi fəaliyyəti

2015-ci ildə Azərbaycan Televiziyasında yayımlanan "Səs Azərbaycan" musiqili şousuna qatılaraq, layihənin yarımfinalına kimi irəlləyə bilib. 2017-ci ildə Bakı şəhərində keçirilən İslam Həmrəyliyi Oyunlarında "Zirvə" mahnısını ifa etmişdir. 2017-ci ildə növbəti “Həsrətinə yandım” sinqlını təqdim etmişdir. Mahnının sözləri ifaçının özünə aiddir. 2018-ci ildə “Sənin Yoxluğunda” (və ya digər adıyla “Təqvim günləri”) adlı sinqlını təqdim etmişdir. 2018-ci ildə Azərbaycan Respublikası Dövlət Sərhəd Xidməti ilə əməkdaşlığa başlamışdır və "Qələbənin yolları" adlı sinqlını təqdim etmişdir. Mahnının sözləri İsmayıl Dadaşova, musiqisi Alxanlıya aiddir. Mahnını Yaşar Baxış aranjiman etmişdir. Klipin reijssoru Ülviyyə Könül və Rövşən Cahangirovdur. 2019-cu ildə Nərminin vizit kartına çevrilən “Belə Dərd olmaz” adlanan sinqlını təqdim edir. Mahnı və mahnıya çəkilən klip ifaçıya böyük səs gətirir. Klipdə ifaçının rəqs elementləri ilə çox saylı reaksiyalar almışdır. İfaçı 2019-cu ildə Rəşid Behbudov adına Dövlət Mahnı Teatrında ilk solo konsertini vermişdir.

2020-ci ildə "Yana Yana", "Boş Vədlər", "Biraz səbir", "Xatirələr" sinqlları ilə yanaşı, CİN ləqəbli Ceyhun Zeynalovla birlikdə "Atəş" sinqlını da təqdim etmişdir. İfaçı bu layihədə də Alxanlı, İsmayıl Dadaşov, Yaşar Baxış üçlüsünə müraciət etmişdir. Duetə çəkilən klipin rejissorluğunu isə bu dəfə Rövşən Cahangirov həyata keçirmişdir. İfaçı "Qələbənin yolları" layihəsində olduğu kimi bu dəfə də Azərbaycan Respublikası Dövlət Sərhəd Xidməti ilə əməkdaşlıq etmişdir. 2020-ci il "Voice of Turan" (Azərbaycanca: Turanın Səsi) Beynəlxalq Səs Müsabiqəsinin qalibi olmuşdur. Müsabiqədə "Xatirələr (Sevə-Sevə)" mahnısını səsləndirmişdir.

2021-ci ildə Azərbaycan Respublikası Dövlət Sərhəd Xidməti ilə növbəti layihəsi olan "Şəhidsiz Zəfər olmaz" layihəsini təqdim etmişdir. Mahnının sözləri Gövhər Həsənzadəyə, musiqisi Alxanlıya, aranjimanı isə Yaşar Baxışa aiddir. Layihəyə çəkilən klipin rejissoru Rövşən Cahangirovdur. 2021-ci ildə "Başqasını Sev", "Ona Dəyməz", "O Dünyada", Samir Bağırovla birlikdə "Yeni Bir Bomba", sözləri özünə aid olan "Верни Любовь" və "Mənə Zaman Ver" mahnılarını təqdim etmişdir. 2021-ci ildə Mir Cəlal Paşayevin “Nazik Mətləb” və “İnsanlıq Fəlsəfəsi” hekayələrinin motivləri əsasında çəkilən “Nazik Mətləb” adlı filmin baş qəhrəmanın ən yaxın rəfiqəsi olan - Ağca rolunu canlandırmışdır. Baş rollarda əməkdar artist Gülzar Qurbanova və "Best Model of the World 2007" müsabiqəsinin qalibi Rüstəm Cəbrayılov çıxış etmidir.

2022-ci ildə bəstəsi Vüqar Camalzadəyə aid olan "Мы Cоберем Cвои Мечты" mahnısını, musiqisi Fərid Kərimli, sözləri Orxan Mürvətliyə aid "Həsrətinə Yandım" mahnısını, söz və musiqisi Nadir NağdPula aid "Gəlsin Tək Onun Səsi" mahnısını təqdim etmişdir. Klipdə ifaçının tərəf müqabili Kuba əsilli "Şöhrət" ordenlı azərbaycanlı boksçu Lorenso Sotomayor rol almışdır. 2022-ci ildə növbəti vətənpərvar mahnısı olan "Müstəqil Azərbaycan" sinqlını təqdim etmişdir. Mahnının sözləri Xalq şairi Vahid Əzizə, musiqisi İsmayıl Əsədova aiddir. 2023-cü ildə ifaçı Qorqud ilə birlikdə Aygün Kazımovanın Sənsizliyim (Qoy İşığı Söndürüm) mahnısının kover versiyasını təqdim etmişdir. 2023-cü ildə söz və musiqisi İlkin Hüseynova aid olan "Dünyalara Bəsdir" sinqlını təqdim etmişdir. Mahnı MTV Azerbaijan-ın rəsmi Top 10 çartına daxil olmuş və ilk pilləyə qədər yüksəlmişdir.

Şəxsi həyatı

Bir dəfə ailəli olmuşdur. Bu evlilikdən Dilarə (2013) adlı bir qızı var. 2022-ci ildə ailə həyatına son qoymuşdur. Qardaşı Kamran Kərimbəyov uzun müddət hepatit B virusu ilə mübarizə aparmışdır. İfaçı 2022-ci ildə qardaşı üçün donor olmuş və Türkiyədə əməliyyat masasına uzanmışdır.

Diskoqrafiyası

Sinqlları

Tarix Adı(ları) Müəllif(lər) İstinad
2017 Zirvə Sahil Umud, Nərmin Kərimbəyova
2018 Sənin Yoxluğunda İlkin Hüseynov
2018 Qələbənin Yolları Alxanlı, İsmayıl Dadaşov
2019 Belə Dərd Olmaz İlkin Hüseynov
2020 Xatirələr (Sevə-Sevə) Adilov Erbolat, İlkin Hüseynov, Nərmin Kərimbəyova
2020 Yana Yana Orxan Abbasov
2020 Biraz səbir Çigdem Erken
2020 Boş Vədlər İlkin Hüseynov
2021 Atəş (feat. CIN) Alxanlı
2021 Şəhidsiz Zəfər Olmaz Gövhər Həsənzadə
2021 Başqasını Sev İmruza Xanım, İlkin Hüseynov
2021 Ona Dəyməz Farid Aqa
2021 O Dünyada Sheyh Ree
2021 Yeni Bir Bomba (feat. Samir Bağırov) Naid Şadxan
2021 Верни Любовь Elvin Novruzov, Nərmin Kərimbəyova
2021 Mənə Zaman Ver Sahilə Qurbanova
2022 Мы Cоберем Cвои Мечты Vüqar Camalzadə, Nigar Həsənzadə
2022 Həsrətinə Yandım Fərid Kərimli, Orxan Mürvətli
2022 Gəlsin Tək Onun Səsi Nadir NağdPul
2022 Müstəqil Azərbaycan Vahid Əziz, İsmayıl Əsədov
2023 Sənsizliyim (Qoy İşığı Söndürüm) (feat. Qorqud) Vahid Əziz, Rövşən Şərəfli
2023 Dünyalara Bəsdir İlkin Hüseynov

Mükafatları

Voice of Turan

İl Namizəd göstərilən iş Mükafat Nəticə İstinad
2020 "Voice of Turan" (Azərbaycanca: Turanın Səsi) Xatirələr (Sevə-sevə) Qazandı

Filmoqrafiya

Filmlər

Tarix Adı Rol İstinad
2021 Nazik Mətləb Ağca

Hit parad

Siyahı (2023) Ən yüksək
pillə
MTV TOP 10 1

İstinadlar

  1. . sputnik.az. sputnik.az. 2018-10-06 tarixində . İstifadə tarixi: 6 oktyabr 2018.
  2. aqreqator.az. (az.). news. 16 iyul 2021. 2023-08-22 tarixində . İstifadə tarixi: 22 avqust 2023.
  3. publika.az. (az.). news. 8 iyun 2022. 2023-08-24 tarixində . İstifadə tarixi: 24 avqust 2023.
  4. qafqazinfo.az. (az.). news. 26 dekabr 2018. 2023-08-24 tarixində . İstifadə tarixi: 26 dekabr 2018.
  5. . analoq.az. analoq.az. 2018-09-24 tarixində arxivləşdirilib. İstifadə tarixi: 6 oktyabr 2018.
  6. azertag.az. (az.). news. 19 iyun 2016. 2023-08-24 tarixində . İstifadə tarixi: 24 avqust 2023.
  7. sputnik.az. (az.). news. 8 may 2020. 2023-08-21 tarixində . İstifadə tarixi: 21 avqust 2023.
  8. trend.az. (rus). news. 31 may 2020. 2023-08-24 tarixində . İstifadə tarixi: 24 avqust 2023.
  9. ordu.az. (az.). news. 21 sentyabr 2021. 2023-08-24 tarixində . İstifadə tarixi: 24 avqust 2023.
  10. musavat.com. (az.). news. 16 dekabr 2020. 2023-08-21 tarixində . İstifadə tarixi: 23 avqust 2023.
  11. 1news.az. (az.). news. 27 sentyabr 2021. 2023-08-24 tarixində . İstifadə tarixi: 27 sentyabr 2021.
  12. news24.az. (az.). news. 9 iyun 2021. 2023-08-24 tarixində . İstifadə tarixi: 24 avqust 2023.
  13. parkcinema.az. (az.). news. 2021. 2023-08-21 tarixində . İstifadə tarixi: 21 avqust 2023.
  14. baku.ws. (az.). news. 3 noyabr 2022. 2023-08-21 tarixində . İstifadə tarixi: 21 avqust 2023.
  15. olay.az. (az.). news. 20 avqust 2023. 2023-08-24 tarixində . İstifadə tarixi: 20 avqust 2023.
  16. youtube.com/MTV Azərbaycan. (az.). video. 20 avqust 2023. 2023-08-24 tarixində . İstifadə tarixi: 20 avqust 2023.
  17. news24.az. (az.). news. 19 dekabr 2022. 2023-08-21 tarixində . İstifadə tarixi: 21 avqust 2023.
  18. qafqazinfo.az. (az.). news. 13 iyun 2022. 2023-08-21 tarixində . İstifadə tarixi: 21 avqust 2023.
  19. haberler.com. (turk). news. 13 iyun 2022. 2023-08-21 tarixində . İstifadə tarixi: 21 avqust 2023.
  20. azvision.az. (az.). news. 9 oktyabr 2020. 2023-08-24 tarixində . İstifadə tarixi: 24 avqust 2023.
  21. kulis.az. (az.). news. 28 sentyabr 2020. 2023-08-24 tarixində . İstifadə tarixi: 24 avqust 2023.
  22. news24.az. (az.). news. 28 yanvar 2021. 2023-08-24 tarixində . İstifadə tarixi: 24 avqust 2023.
  23. muz-tv.az. (az.). news. 27 sentyabr 2019. 2023-08-24 tarixində . İstifadə tarixi: 24 avqust 2023.
  24. olay.az. (az.). news. 26 noyabr 2021. 2023-08-24 tarixində . İstifadə tarixi: 24 avqust 2023.
  25. oxu.az. (az.). news. 16 iyun 2023. 2023-08-24 tarixində . İstifadə tarixi: 24 avqust 2023.
  26. 1news.az. (rus). news. 16 dekabr 2020. 2023-08-21 tarixində . İstifadə tarixi: 21 avqust 2023.
  27. oxu.az. (az.). news. 24 dekabr 2021. 2023-08-21 tarixində . İstifadə tarixi: 21 avqust 2023.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023