Kitab Oğrusun Adnan Yücelin şeiri ilə xülasələşdirsəm əgər

Hər cür senzuraya qarşı olan biri olaraq kitab xeyləm diqqətimi çəkdi və Lizelin yaşadıqları ilə Adnan Yücəlin şeiri arasında incə bir xəttin olduğunu fərq edərək, belə bir şeirlə başlamaq istədim. Nasistlərin və Kommunist Şərq Blokunun kitab yandırma mərasimlərini tarixdən bilirik. Diktatorlar bu cür kitabları və sənədləri yandırmaq, məhv etmək və senzuraya məruz qoymaqla yazıçıların onlara qarşı təsirini azaldır və öz ideologiyalarını gücləndirirlər. Kitab Oğrusu eyni zamanda mənə nasistlərin zülmündən dolayı həyat yoldaşı ilə birlikdə intihar edən Stefan Sveyqidə xatırlatdı. Təbii olaraq kitabda bu barədə heçnə yoxdur, ancaq nasistlərin yandırdığı kitablar arasında Stefan Sveyqində əsərləri çox olub.

Markus Zusakın oxuduğum ilk kitabıdır amma son kitabı olmayacaq. Bunu qeyd etdiyim üçün çox xoşbəxtəm. Çünki ifadəsi, mövzusu və hadisələrindən dolayı oxuduğum heç bir kitaba bənzəmir. Yazarın kitabda fərqli ifadə dili vardı. Xoşbəxt sonluq gözləyirdim, amma kədərli sonluqla bitdi. Kitabdakı hadisələr İkinci Dünya Müharibəsi Almaniyasında baş verir. Balaca qız uşağı Lizel Meminqerin övladığa verilməsiylə başlayır hadisələr. Ayrıca Lizelin ögey atası Hans Hubermannın səmimiyyəti oxucuları özünə valeh edir. Çünki o ətrafında hər kəsin istəyə biləcəyi bir xarakterdir. Roza Huberman isə Hansın həyat yoldaşı və Lizelin ögey anasıdır. Kənardan çox sərt biri olaraq görünsə də, kitabın sonuna doğru onun böyük ürəyini görürsən. Kitabda Lizel kitab oğurlamır, sadəcə onu borc alır. Bir də Maks var. Əksəriyyətimiz Hitler dövründə yəhudi olmağın çətinliklərini yaxşı bilirik. Maks bir yəhudidir. Yazarların əksəriyyəti qəhramanlarını öldürür məndə elə güman etdim ki yazarımız Markus Zusak öz qəhramanın öldürəcək amma Maksın ölməməsinə çox təəccübləndim. Lizellə dostluğu qısqanılacaq qədər gözəl idi.

Və Rudy ..

O kiçik ürəyinə sığdırdığı böyük sevgisi. Sevdiyi qız və eyni zamanda ən yaxın dostu üçün etdiyi təqdirə layiq hərəkətləri ilə diqqətimi çəkdi. Birdə narrator var -Əzrayıl! Bəli kitab Əzrayılın dili ilə nəql edilir. Mövzusu ilə maraqlı və ecazkar bir kitab olduğunu düşünür, oxumaq istəyən hərkəsə tövsiyə edirəm.

Kitablarla bağlı təəssüratlarımı, onlardan götürdüyüm sitatları və həvəskar olaraq öz yazdığım şeir və elmi-fantastika əsərlərimi yazıram. Aşağıda qeyd etdiyim yazılar Kitab Oğrusu romanından ən bəyəndiyim sitatlardır.