Həyatı

Telman Ümman Tircanlı (Ramazanov Telman Nurbaba oğlu) 07.09.1957 – ci ildə İsmayıllı rayonunun Tircan kəndində anadan olmuşdur.

1965 – 74 – ci illərdə Bakıdakı M. Hüseynzadə adına 19 saylı, 1974 – 75 – ci illərdə 116 saylı orta məktəblərdə təhsil almışdır. Bakı Neft Texnikumunu (axşam), Krasnoyarsk Politexnik İnstitunu (qiyabi) bitirmişdir.

Əmək fəaliyyətinə 1975 – ci ildən başlamışdır. 1976 – 78 – ci illərdə hərbi xidmətdə olmuşdur.

1985 – 1997 – ci  illərdə Peşə Təhsili sistemində işləmişdir. Usta vəzifəsindən direktor müavini vəzifəsinədək  yüksəlmişdir.

1997 – 2008 – ci illərdə Azneft İB, daha sonralar ARDNŞ – də (SOCAR) Mühafizə xidmətində müxtəlif vəzifələrdə çalışmışdır.

2009 – cu ildən Azərbaycan Respublikası Müdafiə Sənayesi Nazirliyinin Təhlükəsizlik və Mühafuzə idarəsində çalışır.

Hələ məktəb illərindən bədii yaradıcılıqla məşğuldur.

Əsərləri

“Alabəzək  dünya”,

“Sənə sözüm var”,

“Qızıl xəzinə” (həmmüəlliflərdən biri),

”Ünvanı bəlli sevgi”,

“Sözün zirvəsinə doğru”,

“Bir gün görüşərik” və

“Kaş yanımda olaydın”

"Ruhumuz sözlə bələnib"

"Uşaqlara hədiyyə" (həmmüəlliflər Nurgün Ramazanlı, Rüfət Xəlil, Telman Ümman) kitablarının müəllifidir.

“Canavar  yuvası” adlı nəsr əsəri üzərində işləyir.

“İcmal” qəzeti nəzdində fəaliyyət göstərən RƏBB – nin çap etdirdiyi “Həmişəyaşıl söz” (redaktorlardan biri) almanaxında şeirləri yer almışdır.

T. Ü. Tircanlının respublikada çıxan qəzetlərdə publisistik məqalələri və şeirləri  çap edilmişdir.

“İcmal” ictimai – siyası qəzetində

“Görüşlər, görülən işlər”,

“Ruhumu oynadır oynatdığım söz” (Musa Yaqub haqqında),

“Poeziyamızda satira”,

Aristokrat veteran”,

“Yaradandan yaranmışlara təbrik”,

“Su ilə atəşi dost edən şair” (Saib Təbrizi haqqında), 

“Çələbilər kimlərdir”,

“Məşhur sözün əsl mənası”,

“Tircana səfərdən təəssurat”,

diabet haqqında “Qızıl xəzinə”,

“Səhiyyə uzmanları”,

“Mənim də ürəyim varmış”,

“Paradoks – qeyri adilik”,

“Gecə zülmətdə işıq”,

“Ad gününüz mübarək”,

“Köhnə hamam...”, 

“Bədii sözün Tanrısı”,

“Dəryadan bir damla”,

“Sənətkar ömrü” (el sənətkarı Alxan Hacıoğluna ithaf),

“Qurbanınız qəbul olsun”,

“Sonuncu Magikan” (Musa Yaqub haqqında),

“Təbrik edirik”  ( Nəvəmə ilk dərs günü münasibətilə),

“Haqqın sədası” qəzetində “Polis mayoru və ədəbiyyat”,

“İnsan payızı olan şair” publisistik yazıları çap edilmişdir.

“İcmal”, “Respublika gəncləri”, “Millətin tribunası”, “Haqqın sədası”, “Dünya”, “Açıq səma”, “Real press”, “Kriminal və qanun”, “Oxu məni”, “Əsrin ziyalıları” qəzetlərində şeir və qəzəlləri çap edilmişdir.

T. Ü. Tircanlının “Alabəzək dünya” kitabına T. Çələbi “Min ildi keçirik qapı önündən” başlıqlı ön sözü yazmışdır.           

“Alabəzək dünya” kitabı haqqında “Yeni liqa” qəzetində Şərqşünaslıq Institunun böyük elmi işçisi, fəlsəfə doktoru Şakir Albalıyevin “Müqəddəslik axtarışı”,  publisistik yazısı çap edilmişdir.

“İcmal” qəzetində qəzetin baş redaktoru, şair – publisist, yazıçı, jurnalist, 60 – dan çox kitabın müəllifi Teyfur Çələbinin Telman Ümman haqqında bir neçə digər yazıları çap edilmişdir.

T. Ü. Tircanlı 30 – dan çox kitabın redaktorudur.

Teyfur Çələbinin “İllah da sevdim” şeirlər kitabına,

“Döl” romanına,

şair – publisist Əmrah Xanməmmədlinin “Ruhun nəğməsi”, "İlahi Eşq" kitablarına

Zakir Əlimirzəllinin “Xatırla ki, xatırlanasan” şeirlər və publisistika kitabına, Buzovnalı şair Rəhimağa Mirzəbəylinin "Ellər, ay ellər" kitabına, Azərbaycan Yazıçılar Birliyinin üzvü, şair-publisist Polad Qazancılının "Sözünün sahibi olur kişilər" kitablarının redaktoru və ön sözlərin müəllifidir.

T. Ü. Tircanlı Azərbaycan Jurnalistlər Birliyinin üzvi, “Qızıl Qələm” media mükafatı laureatı, “İti qələm” Respublika Ədəbi Birliyinin üzvüdür.

“İcmal” qəzetinin redaktoru, “İcmal” qəzeti nəzdində fəaliyyət göstərən RƏBB (Ruhani ədəbi – bədii birliyinin rəhbəri olmuşdur). 

Hal-hazırda "Uğurlu yol" qəzetinin redaktorudur.

"Uğurlu yol" qəzetində "İnsanlara sevgim bitməz", "Hələ yol gedirəm" (Musa Yaqubun 80 illik yubileyinə), "Nənə ömrünün işıqlı davamı", "Erməni xəstəliyi", "Vətənin fədai oğlu", "Həsən bəy Zərdabi davamçısı" publisistik məqalələri çap edilmişdir.

“İcmal” qəzeti nəzdində fəaliyyət göstərən RƏBB (Ruhani ədəbi – bədii birliyinin rəhbəri olmuşdur).