Taleh Saleh oğlu Yahyayev 24.07.1992 - ci ildə Gəncə şəhərində anadan olmuşdur. 2008- ci ildə Gəncə şəhər Bül-Bül adına orta ixtisas musiqi məktəbini bitirib. Həmin ildə Gəncə Dövlət Universitetinin "Musiqi Təhsili" fakültəsinə qəbul olmuşdur. 2010- 2012- ci illərdə Telaviv Dövlət İncesenet Universitetində təhsil alıb, 2015 ci ildə isə Üzeyir Hacıbəyli adına Bakı Musiqi Akademiyasının "Solo oxuma və Opera hazırlığı" ixtisasını bitirmişdir. 2015- 2016 ci illərdə G.Philipp Telemann (ALMANİYA)konservatoriyasinda vokal dərsləri almışdır. T.Kraus, Y.Silvasti ( Finlandiya),V.Lucia, F. Silvana(İtaliya), K.Von.Kerssenbrok(Almaniya) , L.Stuçevskaya, L.Rudakova, Y.Obratsovanın(Rusiya) ustad dərslərinin iştirakçısı olub. Gürcüstan, Ukrayna, Qazaxıstan, Rusiya , Norveç, Türkiyə, BƏƏ, Almaniya, Macarıstan, Çexiya, İtaliya, İsveçrə, Vyetnam, İspaniya, Kuba, Fransa, ABŞ, İsveç, Yunanıstan, Finlandiya, Polşa və başqa ölkələrdə qastrol səfərlərində geniş konsert proqramı ilə Azərbaycan musiqisini layiqincə təmsil etmişdir. Bir çox Beynəlxalq müsabiqələrin qalibidir. "Ü.Hacibəyli" , "Beynəlxalq Muğam" , "Qəbələ" , " İpək yolu" , "Türksoy" , "Zəriflik" , "Vesolıy " , "Beybuti Oralulı", "Karlos Almaran" , "Azərbaycan vokalçıları " və s. Beynəlxalq Musiqi Festivallarının daimi iştirakçısıdır. 2013- cü ildən M. Maqomayev adına Azərbaycan Dövlət Akademik Filarmoniyasının və Azerbaycan Dövlət Televiziya ve Radiosunun solisti,

2016 ci ildən isə Azərbaycan Dövlət Akademik Opera və Balet teatrının solistidir. 2014 ci ildən Asəf Zeynallı adına Musiqi Kollecində və Ü.Hacıbəyli adına Bakı Musiqi Akademiyasında, 2021 ci ildən Azərbaycan Dövlət Milli konservatoriyasında pedaqoji fəaliyyətə başlamışdır.

2022 ci ildə Azərbaycan Respublikası prezidentinin sərəncamına əsasən prezident mükafatına layiq görülmüşdür.

İfa etdiyi operalar -

Üzeyir Hacıbəyli - Leyli və Məcnun , Koroğlu , Əsli və Kərəm , Arşın malalan

F.Əmirov - Sevil

C. Cahangirov - Xanəndənin Taleyi

Z.Hacibəyov - Aşıq Qərib

M. Maqomayev - Şah İsmayıl

R.Mustafayev - Vaqif

V.Adıgözəlov - Natavan

G. Verdi - Trubadur , Traviata , Bal - Maskarad , Rigoletta

P. Maskanyi - Kənd Namusu

R. Leonkavallo - Payatsi

J. Bize - Karmen

G . Donizetti - Sevgi Şərbəti

C. Puccini - Manon Lesko, İl Tabarro

P. Axundova - Məhsəti

N. Nagiyeva - Mübariz

F . Əlizadə - " Nasimi Passion " vokal - xoreoqrafik tamaşasının Azərbaycanda ilk ifaçısıdır .

2017 , 2018 ci ildə ən yaxşı vokal ifaçısı kimi " İlin Gənci " , Ən gənc opera ifaçısı kimi Heydər Əliyev fondunun xüsusi mükafatına layiq görülmüşdü.