Mən qorxmuram (psixoloji)

  Mən qorxuların fövqündə dayanan bir varlığam . Qorxu hissi mənə ancaq özüm özüm üçün qorxuya meylləndikdə daxil ola bilər.
  Bugün 3000 avro xərclədimsə və əvəzi , qarşılığı da gəlməyəcəkdir çünki sadəcə verdim getdi lakin ruzimin olmamasından qorxmuram . Bu qorxu mənə neqotivlər verəcək və əl atdığım işlərdən soyudacaqdır və mənim üçün isə bu uğursuz bir həyat göstəricisi olacaqdır. 
 Allahın özü Quranında mənə dəstək olub və buyurubdur :
"Yer üzündə yaşayan elə bir canlı yoxdur ki, Allah onun ruzisini verməsin" (Hud, 6).
Bundan sonra qorxacaq , çəkinəcək nəyinsə olduğunu nə qəlbə nə də dilə gətirə bilmərəm .
   Mən xərcləsəm də , dağıtsam da Allah mənə ruzi verməyəcəkmi?
 Allah özü mətindir və ruzi verəndir . Mənim özümü yersiz yerə narahat etməyim məni irəli aparmaz əksinə başıma daş da salar , sinəmi bağlayar da və əllərimi işdən soyudar.
  Mən qorxmuram qaranlıqdan və gecədən .  Gecənin qaranlığı məni sıxacaq gücdə deyil, mən sadəcə özümü qorxuduram . Biraz gecə nəyisə görməməyim məni qorxuda  bilməz çünki özümü qorxutmasam hər şey yaxşıdır.
 Mən ölümdən də qorxmuram . Hər zədə, hər zərbə aldığımda dəyən ağrıların hansı itmədi ki? Hansı qaldı ki?
 Bir anlıq öləcəm və həyat da davam edəcəkdir çünki doğulmamışdan harda idim və doğularkən hara gəldim ?
 Getmək niyə qəribə olsun ki?
 Ruhullah Xomeyni yazırdı ki, ölərkən insan həyatda sahib olduqlarını itirdiyi üçün bir qorxusu olar.  Bu sözləri dilə gətirmək belə mənim üçün absurddur.
 Mən niyə qorxum ki?
 Nə həyat mənə veriləndə şahlıq üçün verildi , nə də nökərçilik üçün . Yatdım və oyandım . Həyatın halalından istifadə etdim və həyatda hər şeyin müəyyən zamana , məkana, şəraitə uyğunluğunu gördüm   . İndi ölürəmsə ölümü  mənim müddətimin bitdiyi an olaraq görürəm həyatda və bu asanlıqla olacaq bir şeydir . Həkim acı dərmanı da mübah bilir.
 Mən qorxmuram , qorxu qorxaqların istedadıdır . Heç nədən də qorxmuram.
Kiminsə qarşısında susmağım qorxaqlığa da dəlalət etməz mənim düşüncəmin zənginliyindən qaynaqlanan həyat effektlərimdir bunlar.
 Seyyid Vüqar Cəfəri