1994-cü ildə Neftçala rayonu, Bankə qəsəbəsində anadan olmuşam. 2000-ci ildən Bakıda, əsasən İçərişəhərdə yaşamışam.

2011-2012-ci illərdə X və XI siniflərdə orta təhsil alarkən 2 dəfə Azərbaycan Tarixi üzrə olimpiadalarda fərdi şəkildə iştirak etmiş və məktəb və Səbail rayonu üzrə 1-ci yer tutmuşam. 2011-ci ildə X sinifdə Tətbiqi İqtisadiyyat üzrə 3 nəfərlik komanda heyətində məktəb, Səbail ray. və Bakı şəh. birincisi və Respublika üçüncüsü olmuş, Dünya seçmələrinə iştirak vəsiqəsi qazanmışam.

2011-ci ildən WordPress-də bloq, müxtəlif sosial şəbəkələrdə isə fəal istifadəçi fəaliyyəti ilə məşğulam. “İrəli” İB-nin təşkil etdiyi “WeBlog 3” layihəsində iştirak etmişəm. Hal-hazırda 4 bloqun idarəçisiyəm. 2011-ci ildən peşəkar blogger fəaliyyəti ilə yanaşı həm bu bloqlarda, həm də başqa müxtəlif saytlarda müxtəlif mövzularda məqalələr yazıram.

2012-ci ildən Vikimedia Fondunun Vikipediya, Commons, Vikimənbə və VikiData kimi layihələrində fəal iştirak edirəm. Vikipediyada bir çox məqalə və siyahıların müəllifi və redaktoruyam. Yaradıcısı və ya əsas redaktoru olduğum “Yaxşı məqalə” və “Seçilmiş siyahı” statuslu məqalə və siyahılarım var. 2015-ci ildən “Viki Abidələri Sevir” (VP:VAS) foto layihəsində iştirak edirəm. 2015-ci ildə VAS layihəsində 1 şəklim Azərbaycan üzrə qalib seçilib.

2012-ci ildə 132-134 saylı Təhsil Kompleksini (əvvəlki adı: H. Cavid adın 132 saylı t.o.m.) bitirmişəm. 2013-cü ildə Bakı Dövlət Universitetində ali təhsil alarkən “İlin tələbəsi” seçilmişəm. 2016-cı ildə BDU-nun Filologiya fakültəsinin Filologiya (Azərbaycan dili və ədəbiyyatı) (əyani) ixtisasını kəsrsiz bitirmişəm.

Türk dilini peşəkar-ensiklopedik səviyyədə bilirəm. 2016-cı ildə Türkiyə Respublikası “Yunus Emre Enstitütüsü”nün keçirdiyi “Türkçe Yeterlik Sınavı” (TYS) imtahanında iştirak etmiş və yazma, dinləmə, oxuma, danışma olmaqla 4 kateqoriyadan ümumilikdə 85,04 bal toplayaraq “C1” dərəcəsi almışam.

2017-ci ildə 12 seriyalıq layihəsinin təqdimatçısı olmuşam.

2019 Bələdiyyə və 2020-ci il Parlament seçkilərində 61 saylı seçki dairəsindən namizəd olmuşam.

Müxtəlif kitab və saytlarda könüllü və həvəskar redaktor və məqalə müəllifliyi fəaliyyəti ilə məşğul olmuşam.

2023-cü ildən Kanadada, Torontoda yaşayıram.

• . ( (az.)). . 2017-02-27. 2018-06-09 tarixində . İstifadə tarixi: 2019-09-15.

• . mediapost.az (az.). İstifadə tarixi: 2023-11-14.