"Canavar"
Fransada mühacirətdə yaşayan Qənimət Zahidin ikinci romanıdır. 2021-ci ilin dekabr ayında Türkiyədə çap edilib.
"Canavar" ötən əsrin 70-ci illərində bir Azərbaycan kəndinin yaşantılarından bəhs edir.
"Canavar" sizi ötən əsrin 70-ci illərinə səyahətə aparmaq üçün yazılıb. Özəlliklə, o illəri xatırelayanları uşaqlıq, yeniyetməlik dövründən tanış olan obrazlarla yenidən qarşılaşdıracaq. Ötən əsrin 70-ci illərinin mahiyyətini daha yaxşı anlayacaqsınız.
Ata Əliyevin hələ o zaman respublikada bərqərar etdiyi idarəetmə metodları, hələ o vaxtlar bütün respublikanın bildiyi, ancaq heç yerdə yazılmayan, etiraf edilməyən skandal hadisələr, sadə, zəhmətkeş Sovet adamlarının gündəlik həyatı, sevgisi, arzusu, mübarizəsi, hələ o zaman sovet hakimiyyətinin anti-insani, saxtakar mahiyyətini anlayan insanların ümidsiz dissident mübarizələri, rayon partiya komitələrindən Moskvada Siyasi Büroya qədər uzanan Sovet totolitarizminin iç üzü romanda ustalıqla yaradılmış obrazlarla öz bədii həllini tapıb.
Digər tərəfdən romanı bitirdikdən sonra sanki bir narahatlıq hissi yaşayacaqsınız: 400 səhifəlik kitabda yazılan romanı çox tez başa çatmış sayacaqsız.
Qənimət Zahid 1963-cü il fevralın 10-da Şamaxının Qurdtəpə kəndində doğulub. 1990-cı ildə Bakı Dövlət Universitetini bitirib.
1991-1994-cü illərdə “Azadlıq” qəzetinin redaktoru olub, sonralar bir müddət “Azad Söz” Jurnalistlər Birliyinə sədrlik edib. 2003-cü ildən “Azadlıq” qəzetinin baş redaktorudur.
2007-2010-cu illərdə həbsdə olub.
2011-ci ildən Fransada yaşayır. Xaricdən yayılan “Turan TV”nin rəhbəri, “Azərbaycan saatı” televiziya proqramının müəllifi və aparıcısıdır.
1989-cu ildə yaradılan “Azadlıq” qəzeti 2016-cı il sentyabrın 5-dən çapını dayandırıb.
Qənimət Zahid 1963-cü il fevralın 10-da Şamaxının Qurdtəpə kəndində doğulub. 1990-cı ildə Bakı Dövlət Universitetini bitirib.
1991-1994-cü illərdə “Azadlıq” qəzetinin redaktoru olub, sonralar bir müddət “Azad Söz” Jurnalistlər Birliyinə sədrlik edib. 2003-cü ildən “Azadlıq” qəzetinin baş redaktorudur.
2007-2010-cu illərdə həbsdə olub.
2011-ci ildən Fransada yaşayır. Xaricdən yayılan “Turan TV”nin rəhbəri, “Azərbaycan saatı” televiziya proqramının müəllifi və aparıcısıdır.
1989-cu ildə yaradılan “Azadlıq” qəzeti 2016-cı il sentyabrın 5-dən çapını dayandırıb.
~~~~