Orxan Tağızadə2003-ci il, 3 iyul tarixində dünyaya göz açıb. Aslan bürcündəndir. Astrologiyaya inanmayanları belə heyrətə gətirəcək qədər çox xüsusiyyətini daşıyır bürcünün.
İsti yayı, xüsusi dadlı və zövqlə bəzədilmiş xörəkləri xoşlayır. Səliqəyə, təmizliyə vurğundur. Texnologiya ilə bağlı xəbərləri oxumaq qədər ikinci ən çox sevdiyi məşğuliyyət duş qəbul etməkdir. Bir çox ev işlərində qadınlardan daha bacarıqlı və daha səliqəlidir :)
Almaniyaya vurğundur. Sadəcə Avropa ölkəsi olduğu üçün deyil, sadəcə güclü oldğu üçün deyil. Dünya iqtisadiyyatına haqlı olaraq hakim bir mövqeyə sahib olduğu üçün, keyfiyyətin adı olduğu üçün işini bilən və dəqiq insanların yaşadığı bir ölkə olduğu üçün, dünyanın ən güclü markalarının vətəni olduğu üçün demək olar hər sahədə tanınmış şəxsiyyət, tanınmış marka yetişdirdiyi üçün və s. və ilaxır.
Vurğun olduğu avtomobil markası BMW-dir. Keyfiyyətdə və dizaynda öz sözünü demiş, bir canlı qədər heyrətamiz baxan yeganə avtomobil markası BMW.
Günəşin himayəsindədir Orxan. Ona görədir bəlkə, bu qədər parlaq, bu qədər hökmran. Ona görədəir bəlkə, bir anda hər şeyi hirsiylə , kiniylə külə döndərməsi. Bəli, tez əsib-coşan biridir Orxan. Kininin qurbanı, qürurunun əsiri. Onun üçün peşman olmaq daha rahatdır, nəinki addım atmaq. Qürurunun arxasına sığınmaq daha təhlükəsizdir, nəinki sevgisini ifadə etmək. Dili kobuddur, acıdır, düşüncəsizdir, qeyri taktikdir. Ağıllı davranışları əsəbi anında sıfra bərabərdir.
Bu qədər paradoksaldır Orxan. Həm sevib, həm nifrət edə, həm qucaqlayıb , həm itələyə, həm müdafiə edib, həm də oda ata bilər səni. Hansı xüsusiyyətinin önə çıxacağı qarşısındakı insanamı bağlıdır? Bilmirəm! Bəlkə də kimdən nə tələb etdiyinə bağlıdır. Bəlkə də bitib -tükənməyən idarəetmə istəyinə, liderlik hissinə bağlıdır. Bəli, O bir Liderdir! Danışığında , davranışında , seçimlərində hər zaman heyranedicidir, təəccüb doğurandır, diqqət çəkəndir. Hər zaman qarşısında onu dinləyən bir kütlə vardır. Razılaşmasalar belə. Sakitdir O. Son dərəcə kövrək , son dərəcə istiqanlı. Sevgiyə möhtac, qayğıya həssas.. Ona yaxın düşmək mümkündür , amma onunla bir yola davam etmək çox çətindir, təhlükəlidir. Darıxmasa bağışlamaz, peşman olmasa unutmaz, görməsə qəbul etməz, inanmasa sevməz.
Əsəbləşmək, nifrət etmək, hər şeyi dağıdıb keçmək ən əsas xüsusiyyətidir Orxanın. Ətrafından soruşsan " Orxan kimdir?" deyə, fərqli cavablar ala bilərsən. Çox tənqid edən, çox oxuyan, çox düşünən, çox kinli, çox açıqsözlü, çox kobud, gözəllik vurğunu, hətta ateist belə deyən tapılar. Bəli, ona aid olan hər şeyin önündə "çox" sözü var, azla yetinməz Orxan. Hər şeyin ən üst variantı olmalıdır , insanın belə :)
Ən mükəmmələ vurğundur o . Bu yaxşı bir şeydirmi deyə bilmərəm,yerinə və zamanına görə dəyişə bilər, hətta bəzən daha yüksəyə apara bilər. Belə ki, hər şeyin ən yaxşısını istədiyi üçün , ən yaxşı olanı əldə etmək üçün uzun zaman gözləyə bilər və ya çox əziyyət çəkə bilər. Çünki ən yaxşı olanlar hər zaman zirvədədir, ən uzaqdadır. Digər tərəfdən insnalardan mükəmməl davranışlar gözlədiyi üçün münasibətlər sistemi pozula bilər, daha çox insana küsüb daha aqressiv ola bilər.Lakin ən yaxşı üçün çalışıb, onu əldə etdiyi üçün də hər zaman diqqət mərkəzində ola bilər.
Bir şey xoşuna gəlməsə tez coşub parlayır Orxan. Elmi dillə təhlil etsək spontan reaksiyalar verir. Təbiidir, çünki xolerik temperamentlidir. Nitqləri surətli, reaksiyaları ani və sərtdir xoleriklərin.
Ona bu həyat çətindirmi, bilmirəm..Amma onunla bir həyat çətindir.. Çətindir.. maraqlıdır, labirintlərlə doludur, əvəzedilməzdir, möhtəşəmdir...
Dünya bir aslan qazandığı üçün peşman deyil, amma qorxu içindədir, ona layiq ola bilməyəcək deyə utanc içindədir.