"Anti-armenia Team" 19 oktyabr 2011-ci il tarixində bir qrup azərbaycanlı hakerlər tərəfindən yaradılmışdır. Yarandığı gündən təyin olunmuş konsepsiyaya əsaslanaraq kordinasiyalı şəkildə fəaliyyət göstərməkdədir. İnternet hücumları, öncədən təyin olunmuş şəkildə və Azərbaycanın milli maraqlarına zidd olan və yalnış informasiyalar yayan saytların fəaliyyətlərinə, qeyri-qanuni yayımına qarşı kiber hücumlar ilə tanınır.Yarandığı gündən iri miqyaslı kiber hücumları ilə ictimaiyyətdə əks-səda yaratmışdır. "Anti-armenia Team" haker qrupunun əsas məqsədi Azərbaycanın informasiya təhlükəsizliyini təmin etmək, Azərbaycana və Azərbaycanlılara qarşı törədilmiş soyqırımları, ədalətsizlikləri, erməni terrorizmini,erməni vəhşiliyini dünyaya çatdırmaq və Konstitusiyamıza zidd, Azərbaycanın milli maraqlarına zidd olan və yalnış informasiyalar yayan saytların aradan qaldırılmasını təmin etmək, həmçinin təhlükəsizliklə bağlı istənilən Azərbaycan saytlarının idarə heyətinə təmənnasız köməklik göstərməkdən ibarətdir. Müasir dünyada kiber müharibənin böyük əhəmiyyət kəsb etdiyi danılmazdır və Kiber müharibə III Dünya savaşının mühüm komponenti kimi dəyərləndirilə bilər. Bu baxımdan düşmən saytlarının sıradan çıxarılması, bu saytlara kiber hücumların təşkili mühüm əhəmiyyət kəsb edir. 2016-cı ildə bir necə təşkilatlar "Anti-armenia Team" haker qrupunun dövlət tərəfindən dəstəklənməsini təklif etmişlər. Qrup fəaliyyət göstərdiyi müddət ərzində keçirdiyi bir çox irimiqyaslı kiber-əməliyyatlar nəticəsində ermənistana məxsus dövlət və özəl informasiya resurslarını sıradan çıxararaq çox mühüm məxfi informasiyalar əldə etmişdir.

6 Oktyabr 2020

Azərbaycanın “Anti-armenia Team” haker qrupu tərəfindən keçirilmiş kiber-hücum əməliyyatı nəticəsində ermənistanın Müdafiə Nazirliyi, Dövlət Təhlükəsizliyi Xidməti, ermənistan prezidenti, Ombudsman, Aviasiya Xidməti, Diaspora təşkilatı, habelə Qondarma Dağlıq Qarabağ Respublikasının prezidenti, Milli Məclisi, Xarici İşlər Nazirliyi və bir çox nazirliklərin saytı ələ keçirilmişdir. Həyata keçirilən kiber-hücum əməliyyatı nəticəsində sıradan çıxarılmış saytların hər birinin məzmununda "Karabakh is Azerbaijan" yazısı, Azərbaycan Respublikasının Prezidenti cənab İlham Əliyevin "Valday-2020" forumundakı möhtəşəm çıxışı, eləcə də Şanlı Ordumuz tərəfindən işğaldan azad edilmiş Suqovuşan kəndi ərazisində yerləşən posta hərbçilərimizin bayraq asmasını əks etdirən videogörüntü yerləşdirilmişdir. Müvəffəqiyyətli kiber-hücum əməliyyatının görüntüsü və sıradan çıxarılmış internet informasiya resurslarının siyahısı aşağıdakılardır.

3 Oktyabr 2020 Ermənistanın bütün dövlət qurumlarına məxsus elektron sənəd dövriyyəsi sistemindən dəyəri 1 milyon dollarlıq 50TB həcmində məlumatlar ələ keçirilmişdir.

2 Oktyabr 2020 Hakerlər tərəfindən keçirilən kiber əməliyyat nəticəsində, ermənistanın Yüksəy Texnologiyalar naziri "Hakob Arshakyan" məxsus kompüter ələ keçirilmişdir.

28 sentyabr 2020 -ci ildə keçirilən kiber hücum - Ermənistanın Müdafiə Nazirliyinə məxsus serverləri ələ keçirərək əldə olunan məxfi məlumtlar cəmiyyət üçün yayımlanıb.

14 İyul 2020-ci ildə keçirilən kiber hücum - Azərbaycanlı hakerlər bir sıra erməni veb saytlarına haker hücumu ediblər. Dağıdılan saytlar arasında Ermənistanın baş naziri Nikol Paşinyanın rəsmi saytı və Ermənistan hökumətinin saytı olan resursu da yer alır.

13 İyun 2020 -ci ildə keçirilən kiber hücum - “Anti-armenia Team” haker qrupu işğalçı Ermənistana məxsus məxfi məlumatları ələ keçirib. Hakerlər düşmənin ön cəbhədə yerləşən 33651 saylı hərbi hissəsində olan silah-sursatın siyahısını əldə ediblər. Bu əməliyyatda hakerlər Ermənistan Səhiyyə Nazirliyinin elektron poçtunu sındırdıb və koronavirusa yoluxmuş 3500-ə yaxın erməninin və onlarla əlaqəli şəxslərin məlumatlarını əldə edərək dərc ediblər.

18 Oktyabr 2019-ci ildə keçirilən kiber hücum - Azərbaycanlı hakerlərdən ibarət "Anti-armenia Team" qrupu Ermənistanın baş naziri Nikol Paşinyanın rəsmi internet saytına qarşı kiberhücum həyata keçirib.Hücum nəticəsində veb-saytın xəbərlər hissəsinə "Qarabağ Azərbaycandır və nida işarəsi!" başlıqlı xəbər yerləşdirilib, məzmununda isə Azərbaycan Prezidenti İlham Əliyevin Rusiyada reallaşan "Valday 2019" forumundakı çıxışının video-fraqmenti əlavə olunub.

26 İyun 2018-ci ildə keçirilən kiber hücum - "Anti-armenia Team"-in hakerləri tərəfindən ermənistana geniş miqyaslı kiber hücumlar həyata keçirilmişdir.Ermənistan parlamentinin və həmçinin ermənistanın bütün nazirliklərinə və dövlət təşkilatlarına məxsus olan elektron sənəd dövriyyəsi sistemi dağıdılmışdır. Dağıdılan saytlarda "Ali Baş Komandanım, Generalım, Zabitim, Əsgərim, Müstəqil Azərbaycanım! Müstəqil Ordum! Bayramın Mübarək! 100 İllik Şərəf Yolun, Müqəddəs Yolun Mübarək!" sözləri və Azərbaycanın 3 rəngli dövlət bayrağı yerləşdirilmişdir.

25 Avqust 2016-cı ildə keçirilən kiber hücum - “Anti-armenia Team” adlı haker qrupu tərəfindən keçirilən kiber əməliyyatlar nəticəsində Ermənistanın dövlət strukturlarına, hüquq-mühafizə orqanlarına məxsus böyük həcmli məxfi informasiyalar ələ keçirilmişdir. Həyata keçirilən kiber hücum nəticəsində Ermənistanın Milli Təhlükəsizlik Nazirliyinin serverlərinə giriş əldə edilmiş, həmin serverlərdən tam məxfi informasiyalar ələ keçirilmişdir. Əldə olunmuş informasiyalar arasında Ermənistana səfər edən bütün xarici vətəndaşlar haqqında məlumatlar da aşkar edilərək götürülmüşdür.

20 Yanvar 2016-cı il. 20 yanvar faciəsi nə həsr olunmuş Kod adı “20 yanvar” əməliyyatı altında keçirilən kiber hücum zamanı Azərbaycanlı hakerlərdən ibarət qrup Ermənistanın bütün səfirliklərinin rəsmi saytlarını, beynəlxalq təşkilatlarını, eləcə də Ermənistanın Xarici İşlər Nazirliyinin rəsmi saytını dağıdıb. Dağıdılan saytlardan 41-i səfirliyə, 6-sı beynəlxalq təşkilatlara aid olmaqla 47 sayt sıradan çıxarılıb. Dağıdılan saytlarda 20 yanvarla bağlı video və fotolar yerləşdirilib.

8 Avqust 2014-cü il “Anti-armenia Team” haker qrupu qondarma “Dağlıq Qarabağ respublikası”na qarşı kiber hücum həyata keçirib. Hücum nəticəsində qondarma rejimin bir sıra nazirliklərinin rəsmi veb saytı sıradan çıxarılıb. Sözügedən saytlarda haker qrupu tərəfindən hazırlanmış xüsusi foto yerləşdirilib. Fotoda cəbhə xəttində şəhid olan əsgərlərimizin adları və Ermənistan prezidenti Serj Sarkisyana ünvanlanmış müraciət yer alıb. Sıradan çıxarılmış saytlar:

• 2016-09-03 at the Wayback Machine (Qondarma rejimin səhiyyə nazirliyi)
• 2016-05-27 at the Wayback Machine (Qondarma rejimin ekologiya və təbii sərvətlər nazirliyi)
• ^{[ölü keçid]} (Qondarma rejimin ekologiya və təbii sərvətlər nazirliyi)

26 İyun 2014-cü il Azərbaycan Respublikası Silahlı Qüvvələri günüə həsr olunmuş kiber əməliyyatda "Anti-armenia Team"-in Hakerləri Ermənistan prezidentinin və bu ölkənin bir çox mühüm nazirliklərinin saytlarını dağıdaraq sıradan çıxarıb. Erməni ekspertlər də öz müsahibələrində dəfələrlə "Anti-armenia Team"-in hakerlərinin Ermənistana milli səviyyədə problem yaratdığını etiraf edərək, həmin qrupla mübarizə etmək üçün kifayət qədər intellektual resusrsa malik olmadıqlarını dilə gətiriblər.

16 Dekabr 2013-cü il - Keçirilən Əməliyyat nəticəsində Ermənistanın Daxili işlər nazirliyinin serveri sındırılaraq ordan nazirliyə məxsus olan 1.44 GB həcmində olan proqramı məlumat bazası ələ keçirilmişdir. Bu əməliyyat nəticəsində ermenistanda fəaliyyət görsədən Viva Cell , Orange Cell operator bazası, daxili işlər nazırliyinə məxsus əhalinin Passport bazası , Avtomobillərin qeydiyyatda olduğu baza və əhalinin qeydiyyat bazası cəmləşir.

31 Mart 2012-ci il - 31 Mart Azərbaycanlıların soyqırımı günüə həsr olunmuş Kod adı “31 mart” Əməliyyatı keçirilir və kiber hücumlar zamanı Ermənistana və onlarla əlaqəli bilinən 816 sayt dağıdılmışdı. Dağıdılan saytların təstiqlənmiş siyahısı ilə burdan tanış ola bilərsiz .

• 2016-09-05 at the Wayback Machine
• 2016-01-24 at the Wayback Machine
• ^{[ölü keçid]}
• 2016-01-24 at the Wayback Machine

• ^{[ölü keçid]}
• 2016-08-30 at the Wayback Machine
• 2016-08-29 at the Wayback Machine
• 2016-08-30 at the Wayback Machine

• — MaxFabianSky rəsmi saytı