BAKI KİTAB KLUBU HAQQINDA MƏLUMAT
“Kitab Klubu” Məhdud Məsuliyyətli Cəmiyyət (MMC) 25 fevral 2003-cü ildə yaradılıb və mart ayının 10-da Ədliyyə Nazirliyində qeydiyyatdan keçib. 2002-ci ilin əvvəlində Açıq Cəmiyyət İnstitutu-Yardım Fondunun təşkilatçılığı ilə Bakıda polşalı məşqçilər tərəfindən BMR – Book Marketing Research adlı treninqlər keçirilir. Treninqin sonunda “Kitab Klubu” adlı cəmiyyətin yaradılması üçün niyyət protokolu imzalanır. Sonradan bu qrup Açıq Cəmiyyət İnstitutu-Yardım Fondunun kiçik bir qrantı ilə “Azərbaycanın nəşrləri” adlı rəngsiz kataloq buraxılışına başlayır. Bu işin uğurlu alındığını görən Fond 2003-cü ilin sonunda cəmiyyətə daha bir qrant vermək qərarına gəlir. 2003-cü ilin sonundan başlayaraq Klubun “Azərbaycan nəşrləri” jurnal-kataloqu tam rəngli və rüblük oldu. 26 noyabr 2004-cü ildə “Azərbaycan nəşrləri” kataloqunun növbəti nömrəsi və Klubun www.kitabklubu.org ünvanlı internet səhifəsinin təqdimatı keçirildi. Klub tərəfindən çoxlu sayda kitab təqdimatları, müəlliflərlə görüşlər, ənənəvi respublika kitab satış-sərgiləri, nəşriyyatların konfransları keçirilir. Kitab Klubu Bakı şəhərində kitab bazarının öyrənməsi ilə əlaqədar 2004-cü və 2006-cı illərdə sorğular keçirmişdir. Sorğular naşirlər, kitab satıcıları və oxucular arasında keçirilmişdir. Sorğuda 400 respondent iştirak etmişdir. Nəticələr dövri mətbuatda və Klubun internet səhifəsində verilmişdir. Təşkil olunmuş bütün tədbirlər dövri mətbuatda geniş işıqlandırılır. Bu gün Klub öz fəaliyyətini uğurla davam etdirir.
Kitab klubunun məqsədi Azərbaycanda nəşriyyat işinin səmərəli qurulması və kitab bazarının normal qaydalar üzrə işləməsinə yardım göstərməkdir. Birinci növbədə - Kitab bazarının vəziyyətini öyrənilə, bu barədə məlumatları naşirlərə və müəlliflərə, - Yeni nəşr olunmuş və olunacaq kitablar haqqında məlumatı isə potensial oxuculara çatdırmaqdır. Bunu həyata keçirmək üçün seçilmiş yollar: - kitab bazarının öyrənilməsi üçün sorğuların keçirilməsi; - yeni kitab kataloqlarının buraxılması və yayılması; - kitab sərgilərinin keçirilməsi; - kitabların elektron variantlarının internet səhifəsində yerləşdirilməsi; - yeni kitabların təqdimatının, müzakirəsinin, müəlliflərlə görüşlərin keçirilməsi; - müəlliflərə kitabın tərtibatı və çapında yardım göstərilməsi; - müəlliflər haqqında məlumatların yayılması; - yeni kitabların satışı üçün sifarişlərin toplanması; - kitab işi üzrə mütəxəssislərin və müəlliflərin iştirakı ilə dövrü görüşlərin, seminarların, konfransların keçirilməsi; - digər ölkələrin kitab klubları və kitabxanaları ilə kitab mübadiləsi; - kitabxana və oxu zalı xidmətinin göstərilməsi və s. Bunu etmək üçiin əldə olan imkanlar: - 3000 nüsxə ilə dərc edilən, ölkəmizin bütün rayonlarına və xarici ölkələrə yayılan rəngli «Azərbaycan nəşrləri» kitab kataloqu; - www.kitabklubu.org ünvanlı internet səhifəsi; - 1000 kitablıq daimi işləyən 2 sərgi salonu; - təqdimatların və görüşlərin keçirilməsi üçün 40 kv. metrlik və 60 kv. metrlik zallar.
Jurnalistlərin nəzərinə!
Kitab Klubu ictimaiyyəti qurumun həyata keçirdiyi layihələr, təqdimatlar, yeni nəşrlər, buraxdığı jurnal-kataloqun yeni nömrələri barədə vaxtında və mütəmadi məlumatlandıran jurnalistlərin əməyinin ənənəvi qiymətləndirilməsinə davam edir: Qiymətləndirmə: "Mətbuatda dərc olunmuş məqalələri ilə ölkəmizdə kitab işinin inkişafına etdiyi köməyə görə" nominasiyasında klubun fəxri diplomunu və "Equal", "Hunca", "Caldion" kimi parfümeriya firmalarının bahalı hədiyyələrini qazanmaq imkanı.
Bizim devizimiz:
Kitabını dünyaya tanıtmaq istəyirsənsə, bir nüsxəsini Kluba gətir
BAKI KİTAB KLUBU Bizim ünvan: Bakı şəhəri, Mustafa Sübhi küçəsi, 13 (Təzə Pir Məsçidinin yanı) Telefon: (012) 492-12-38, (055) 674-11-38
(012) 511-61-86, (050) 404-91-13
Faks: 492-12-38 Email: info@kitabklubu.org ; kitabklubu@gmail.com