Universitetdə oxuduğu illərdə aktiv tələbə kimi bir sıra tədbirlərdə aparıcı, rəqqas, aktyor və ifaçı kimi istedadını nümayiş etdirir. Tədbirlərin birində universitetin nəznində fəaliyyət göstərən T.O.T.E.M teatrının bədii rəhbəri Farizi görərək ona yeni hazırlayacağı tamaşada baş rol oynamağı təklif edir. Aktyorluq dərsləri almağa davam edərkən 2011-ci ilin sonlarında teatr qrupu ölkədə keçırılən I Ümumrespublika Teatr Festivalında iştirak etmək qərarı alır. Festivalda "O an bizim gözümüzlə" adlı vətənpərvər mövzuda pantomima janrında hazırlanmış tamaşa ilə Gənc Tamaşaçılar Teatrının səhnəsində uğurla çıxış edən TOTEM festivalın laureatı olmağı bacarır. Daha sonra MZ Production tərəfindən MAG (Müasir Azərbaycan Gənci) verilişi üçün keçirilən aparıcı-müxbir seçmələrinə qatılan Fariz layihə rəhbəri və MZ productionun direktoru, produsser Üzlüfət Qasımova tərəfindən bəyənilərək verilişin oğlan aparıcısı kimi təsdiqlənir. Universitetin 2-ci kursunu bitirdikdən sonra 2012-ci ilin iyulun 9-dan Azərbaycan Dövlət televiziyasının (AzTv) efirində aparıcılıq fəaliyyətinə başlayır. 2016-cı ilin iyulunda MAG verilişindən ayrılır. 2016-cı ilin iyul-avqust aylarında Baku Music Factory youtube musiqi kanalında Vj kimi fəaliyyət göstərir. İnformer adlı maqazin verilişi ilə gündəlik olaraq dünya musiqi yeniliklərini çatdırır. 2016-cı ilin oktyabrından Azad Azərbaycan (ATV) telekanalında yayımlanan 5-ci Element talk şousunun aparıcılarından biri kimi televiziya fealiyyətini davam etdirir. 2017-ci ildə Bakıda keçirilən 4-cü İslam Həmrəylik oyunlarında Canlı Arena aparıcısı kimi çalışaraq ilk dəfə idman arenalarından canlı yayım edir. Model kimi fealiyyətini də davam etdirən Fariz İlyas ölkədə keçirilən "Mister & Miss Caucasus" gözəllik yarışmasında iştirak edərək münsiflər və tamaşaçıların səs çoxluğunu toplamış və yarışmanın laureatı olmuşdur. 2017-ci ilin sonunda V element talk şousundan ayrıldığını açıqlayan Fariz İlyas aktyor fəaliyyətinə davam edərək “Bəxt üzüyü 2” filimjn baş rollarından birini canlandırmaq üçün çəkilişlərə başlayır. Yeni ilin ilk günü "Sexy Santa" obrazında fotosessiyası ilə gündəmin ən çox danışılan ismi olur. 2018-ci ilin fevralın 1-də təqdim olunan "Bəxt Üzüyü 2" komediya filmində canlandırdığı Emil obrazı ilə ilk film işinə imzasını ataraq böyük ekranda da tamaşaçıların bəyənisini qazanır. 2018-ci il mayin 1-də "Bu gecə bir az" adlı mahnısını, yeni fotosessiya və klipi ilə birlikdə təqdim edir. İfaçının açıq görüntülərinin yer aldığı klip heç bir televiziya və radio tanıtımı edilmədən qısa müddətdə izləyənlərin marağını cəlb edərək yüksək izlənmə sayına çatır. Model və aktyor kimi də çalışmalarını davam etdirən gənc ulduz iyun ayında "BakuExpo2025" beynəlxalq sərgisi üçün hazırlanan Azərbaycanın tanıtım videosunda yer alaraq İtalyadan gətirilmiş özəl komanda ilə çalışır. 2018-ci ilin avqustunda surpriz proyektlə televiziya ekranlarında olacağını açıqlayan Fariz İlyas sentyabrın 10-da Xəzər Tv'də ikinci efir mövsümünə başlayan "İmtahan" serialında Ceyhun (Jack) obrazını canlandırmağa başlayır. Gəlişi ilə seriala xüsusi maraq qatan istedadlı aktyor qısa zamanda milyonların diqqətini üzərinə çəkərək böyük tamaşaçı sevgisi qazanmağa nail olur. Sentyabrın sonlarına doğru 8 il aradan sonra Azərbaycanda yenidən keçirilən "Best Model of Azerbaijan" modellik yarışmasına qatılan yaraşıqlı model seçim turlarını uğurla keçerek 2018-ci ildə ölkənin ən yaxşı fotomodeli seçilərək “Best Photomodel” kateqoriyasının qalibi olmuşdir. “İmtaham” serialındakı uğurlu fəaliyyəti ilə şöhrətini artıran sevilən aktyor içindəki musiqi eşqi ilə yeni mahnılar üzərində də çalışmağa davam edir. 9 may 2019-cu ildə “Odlansın eşq” mahnısını dinləyicilərinə təqdim edir. Mahnının qısa zamanda sevilməyi Fariz İlyası klip çəkdirməyə həvəsləndirir və 5 avqust 2019-cu ildə “Odlansın eşq” klipi təqdim olunur. Klipdə İmtahan serialında rol aldığı aktrisa həmkarı Aidə Cəbiyeva ilə kamera qarşısına keçən Fariz İlyas alov şou ve dəniz sahilində çəkilən maraqlı görüntülərlə göz oxşayır. Fariz İlyas mövsüm sonunda “İmtaham” serialından ayrılma xəbərini açıqlayaraq serialın izləyicilərində çox dərin məyusluq yaradır. Fariz İlyas 2019-cu ilin 12 yanvar tarixində - öz doğum günündə, yeni mahnısı “Başqa bir tərz”i təqdim edir. Uzun müddət ekranlardan kənar qalan yaraşıqlı gənc ulduz televiziyalardan bir sıra təkliflər olsa da müxtəlif səbəblərdən heç bir proyektdə yer almır. Fariz İlyas 2021-ci ilin oktyabrında Space tv’nin HD yayıma keçərək yenilənməyi ilə yeni mövsümdə “Space Seher” verilişi ilə uzun aradan sonra aparıcı kimi ekranlara geri dönür. Qisa zamanda yüksək reytinq göstəriciləri ilə ölkə üzrə ən baxılan səhər verilişi statusunu qazanan “Space Səhər” tamaşaçıların böyük sevgisini qazanır. Fariz İlyas eyni zamanda “Coşqun Dəniz” serialında Anar obrazını canlandıraraq tamaşaçıların böyük bəyənisini qazanır. Hər bölümü maraqla gözlənilən serialda Fariz “Anar” rolu ilə izləyicilərin duyğularını dalğalandırırdı. 14 Yanvar 2022-ci ildə Fariz İlyas “Flaminque Records”la hazırladığı yeni “İllərin həsrəti” mahnısını yayımlayaraq musiqidəki ən böyük parlamasını yaşadı və çox böyük dinləyici kütləsinə sahib oldu.