İstifadəçi:Fanar Nesimi - Haqqinda Melumat

Hazırda əsərləri ən çox oxunan,ekranlaşdırılan səhnələşdirilən müasir Amerika yazıçılarından biridir.Triller,fantastika,mistika və dram janrlarında qələmə aldığı 60-dan çox roman,200-dən çox hekayəsi ilə böyük populyarlıq qazanmış Stephan Kingin müxtəlif dünya dillərində nəşr olunan kitablarının ümumi tirajı 350 milyondan çoxdur.Stephan Kingin populyarlığının səbəbini onun istedadının xarakteri və dünyagörüşünün özünəməxsusluğu ilə izah edə bilərik. Stephan Edvin King 21 sentyabr 1947-ci ildə Men ştatının Portlend şəhərində dünyaya göz açmışdır.Ailənin ikinci övladı idi.Atası ərzaq mağazasında satıcı işləyirdi.Atasının əsl soyadının Spənski olmasına baxmayaraq,o öz soyadını daha yaxşı səslənən Kingə dəyişmişdir.Stephanın dünyaya gəlişi ailə üçün gözlənilməz hadisə olmuşdur,çünki Stephanın anası Nelli Rut sağlamlığı ilə bağlı problemləri olduğundan dünyaya övlad gətirə bilməzdi.Ailənin ilk övladı olan Devid isə ailənin əsl övladı deyildi.Stivenin 2 yaşı olanda atası daha gənc braziliyalı qadınla ailəni tərk etmiş və bir daha geriyə qayıtmamışdır.Stephan 4 yaşında ikən özü yaşda bir uşağın faciəvi şəkildə ölümünün şahidi olmuşdur.Uşaqkən bir neçə əməliyyat keçirmiş və xəstəliyi səbəbindən 1-ci sinifə 2 il dalbadal getmişdir.Atası evi tərk etdikdən sonra Stivenin ailəsi böyük maddi çətinliklə üzləşir,anası həm çamaşırxanada həm də çörəkçixanada işləməyə məcbur qalır.Yazıçı həmin vaxtları belə xatırlayır:"Uşaqlıqdan başa düşmüşdüm ki,dünya ədalətsizdir.Anam bizi təkbaşına böyüdürdü.Atam bizi tərk edib getmişdi deyə anam səhərdən axşamacan ağır işlərdə çalışmalı olurdu.Çox kasıb idik,maaşdan-maaşa birtəhər dolanırdıq.Bərabər imkanlar cəmiyyəti barədə heç nə bilmirdik.Anam heç vaxt həyatından şikayət etmirdi,amma mən kor deyildim-hər şeyi öz gözlərimlə görürdüm.Həmin o ədalətsizlik hissi bəzi kitablarımda öz əksini tapıb və mən hələ də bu barədə yazmağa davam edirəm." Stephanın uşaqlıq illəri İndiana ştatının Fort Ueyn şəhərində ata tərəfdən baba-nənəsinin,Konnektikut ştatının Strafford şəhərinndə Lois xalasının,Massaçusets ştatının Paunal şəhərində digər xalalarının yanında keçmişdir. Bir gün Stephanın qardaşı Devid ailə evinin tavanarasını qarışdırarkən atasına məxsus bir qutu tapır.Stephanı çağırır və birlikdə qutunu açırlar və bütün qutunun qorxu hekayələri ilə dolu olduğunu görürlər.Kingin qutudan çıxardığı ilk kitab Howard Philips Lovecraft tərəfindən yazılmış "The Tomb" kitabı idi.Bu əsər yazıçının qorxu hekayələrinə yönəlməsinə ilk qığılcım olur.Kingin atası Donald Edvin King bacarıqsız olsa da bir yazıçı idi."Atamın yazdığı heç bir hekayəni görmədim.Anamın dediyinə görə onun tonlarca əlyazması varmış."-deyir Stephan King. Stephanın 11 yaşı olanda onun ailəsi Men ştatının Darem şəhərinə geri qayıdır.Burada Stephanın anası Nelli Rut öz valideynlərinin qayğısına qalırdı.Qohumlar isə ailəyə maddi cəhətdən yardım edirdilər. Stephan Daremdə orta məktəbi bitirdikdən sonra Lisbon orta məktəbində təhsil alaraq 1966-cı ildə oranı bitirir.Daha sonra Orono şəhərində yerləşən Men universitetində aldığı təhsilin ikinci ilində o universitet qəzeti olan "Men Universitet şəhərciyi"ndə həftəlik sütun yazırdı.Tələbə olduğu illərdə o Tələbə Senatının üzvü olaraq,tələbə həyatında aktiv iştirak edirdi.King həmçinin,Orono şəhərində keçirilən antimüharibə hərəkatında iştirak edərək,Viyetnam müharibəsinin konstitusiyaya zidd olduğunu düşünənlərlə həmrəy olduğunu göstərirdi.1970-ci ildə o,Orono universitetini B.A səviyyəsində bitirərək,orta məktəblərdə ingilis dili dərsini tədris etmək üçün ixtisaslandırılmışdı.Vyetnam müharibəsinə səfərbərlik elan olunanda isə çağırış komissiyası onun yüksək qan təzyiqi,yastı ayaqları,görmə və eşitmə qüsurunun olmasını əsas gətirərək onu hərbi xidmətə yararsız hesab etmişdi. Universitetdə oxuduğu illərdə kitabxanada işləyən gənc yazar tez-tez kitabxanaya gələn sarışın, özünün deyimi ilə möhtəşəm ayaqları, ağıllı və həyəcanverici baxışları ilə onu yoldan çıxaran Tabitaya dəli kimi vurulur. Bir müddət iradəsini sınayıb, ondan uzaq durmağa çalışsa da, 1971-ci ildə Tabita Sprus Stephanı nikah masasına oturdur.Yeni yaranan ailə əsasən Kingin çamaşırxanada işləyib qazandığı maaş,tələbə təqaüdü və King tərəfindən təsadüfən yazılıb kişi jurnallarına satılan qısa hekayələrdən qazanılan pul hesabına yaşayırdı. Stephan ilk hekayələrini 16 yaşında yazmağa başlamışdır.19 yaşında-1967-ci ildə ilk professional qısa hekayəsi olan "Şüşə döşəmə" (The glass floor) əsərini yazır.Bu əsərdən 35$ qazanır.Men ştatının Hampden şəhərində yerləşən Hampden akademiyasında ingilis dili dərsləri keçməyə başlayır.Gecələr və həftə sonları isə o qısa hekayələr və novellalar yazırdı.1973-cü ilin yazında Dabldey&Ko nəşriyyatı onun "Kerri" adlı əsərini çap etməyə razılıq verir.Bu əsər üçün 2500$ avans verilir şirkətdən.Əsər nəşr olunduqdan sonra Dabldey&Ko'nun redaktoru Bill Thompson ona müəllimlik peşəsini buraxaraq bütün vaxtını yazıçılığa sərf etməyə imkan verəcək qədər maddi cəhətdən təmin olunacağını bildirir.Yazıçının redaktoru və naşiri romanın nəşr hüquqlarının “Dabldey&Ko” nəşriyyatı tərəfindən dörd yüz min dollara satın alındığını və bu məbləğin 50 faizinin – 200 min dolların yazıçıya ödənəcəyini bildirir. Həmin anı xatırlayarkən müəllif dəli kimi Tabitanı çağırdığını, ayaqyalın özünü küçəyə atıb orda-burda onu axtardığını deyir. Bir saatlıq axtarışdan sonra sevincini bölüşmək istədiyi adamı tapa bilməyən Stephan evə qayıdır və Tabita onu mətbəxə çağırır: “Xəbəri eşidəndə bir müddət nə olduğunu anlamadı, təəccüb dolu baxışlarını üzümə zilləyib məsələnin mahiyyətini tutmağa çalışdı. Sonra isə boynumu qucaqlayıb hönkürtü ilə ağladı” 1973-cü ilin yayının sonunda Kingin getdikcə artan ailəsi,anasının səhhətinin pisləşməsi ilə əlaqədar olaraq Men ştatının cənubuna köçürlər.Burada ailə Şimali Vinhemdə Sebaqo gölü yaxınlığında özünə yay evi kirayələyir.King burada öz "Seylim püşkü" (Salem's Lot)adlı əsərini yazır.Bu dövr ərzində Kingin anası 59 yaşında xərçəng xəstəliyindən dünyasını dəyişir. Stiven ilk hekayəsinin, ilk romanının, ilk sevgi məktubunun ilk oxucusu olan anasını itirdiyi üçün açılan yaranı sağalda bilmir. Anasının dəfn mərasiminə həddindən artıq spirtli içki içmiş, sərxoş şəkildə qatılan yazıçı bir kəlmə belə danışa bilmir. Nellinin ölümündən sonra Stiven Kinq üçün içki və musiqinin müşayiəti ilə yazılan qorxu və həyəcan dolu vəhşi ssenarilər yazmaq mərhələsi başlayır. 1985-ci ildən sonra isə bu içki aludəçiliyinə kokain və sakitləşdirici xarakterli bəzi həblər də yoldaşlıq edir. Həyatdan qopmuş, insan içinə çıxmayan, bütün günü sərxoş və yuxulu gəzən yazıçı eyni zamanda oxucunu olduğu yerə yapışdıran, yarımçıq buraxılmayası əsərləri də bir-birinin ardınca sıralayır.Daha sonra həyat yoldaşı Tabitanın təhdid və qətiyyətli davranışı nəticəsində əvvəlcə kokaindən, sonra isə mütəmadi aparılan müalicələrin köməyi ilə yuxu və narkotik dərmanları və nəhayət, içkidən uzaqlaşır. "Kerri" (Carrie) əsəri 1974-cü ilin yazında nəşr edilir.1 ildən də az müddət ərzində King öz "Parıltı" (The shining) adlı əsərini yazır.1975-ci ildə King Men ştatına geri qayıdaraq,Qərbi Menin göllərlə zəngin olan rayonunda özünə ev alır.Və hələ Bulder şəhərində yazmağa başladığı "Qarşıdurma" (The Stand) adlı əsərini bitirir."Parıltı"(The Shining)(1977 yazmış-1980 ekranlaşdırılmış),"Ölü Zona"(Dead Zone)(1979 yazmış-1983 ekranlaşdırılmış),"Şauşenkdən qaçış"(The Shawshank Redemption)(1994 ekranlaşdırılmışdır),və "Yaşıl Mil"(The Green Mile)(1996 yazmış,1999 ekranlaşdırılmışdır) romanlarına çəkilən filmlərdən 40 milyon qazanan Stephan ABŞ ədəbiyyat sahəsində ən nüfuzlu mükafata layiq görülmüşdür. Onu dünyada məhşurlaşdıran,30 il üzərində işlədiyi,bütün yaadıcılığı boyu ərsəyə gətirmiş olduğu ən yaxşı əsəri isə əfsanəvi tsikl "Qaranlıq Qala" (The Dark Tower) kitablar seriyasıdır. Ümumiyyətlə,Kingin ailəsi öz yaşayış yerini tez-tez dəyişirdilər.Qış fəslini isə əsasən Florida ştatında keçirirdilər.Stephan Kingi 3 övladı(Owen King,Joe King və Naomi King və 3 nəvəsi var.Hər iki oğlu yazıçıdır.Joe atasının adı ilə məhşurlaşmamaq üçün "Joe Hill" təxəllüsündən istifadə etmişdir.Digər oğlu Owen King isə qardaşının əksinə olaraq atasının soyadını saxlamışdır.Atası ilə bərabər "Yatan gözəllər"(Slepping Beauties)əsərini yazmışlar. Həyat yoldaşı ilə yerli məktəb təqaüdünü təşkil etmiş və bir neçə xeyriyyə işlərində iştirak etmişlər.Həmçinin xanımı da yazıçıdır."Candless Burning" və "Survivor" yazdığı əsərlərdən ikisidir. Maraqlı faktlar:

Stephan Kingə "Dəhşətlər atası" deyirlər.
1999-cu il iyunun 19-da yolda yeriyərkən qəza keçirmiş və sağ ayağı,budu və qabırğaları qırılmışdır.Qırılan qabırğası ağciyərini yaralamış və beyin tramvası keçirmişdir.On gündə beş əməliyyat keçirir. Beş ay xəstəxanada özünün “müasir işgəncə” adlandırdığı fiziki müalicə seansları götürür. Yenidən yeriməsi üçün illərlə vaxt lazım olduğu deyilsə də, Stiven əzm göstərməkdən bezmir və cəmi beş ay sonra yeriyir.Vəkilləri bir daha belə bir hadisə baş verməməsi və maşının parçalanması üçün onu satın almışlar.Bu ağır hadisədən sonra “Yazı haqqında” (“On writing”) əsəri ilə bütün həyatını qələmə alan yazıçı 2003-cü ildə “National Book Awards” fondu tərəfindən “Ömür boyu uğur” mükafatına layiq görülür. Bir həyata 49 roman, 9 hekayə toplusu, 11 ssenari və “Yazı haqqında” adlı avtobioqrafiya sığışdıran Kinq yüksək səsli musiqi müşayiəti ilə yazır.
Film tənqidçisi Roger Ebert Kingin "Yazı haqqında" əsərini bir digər ilhamverici kitab olan "The elements of Style"dan bəri yazılmış ən səmimi kitab olaraq qiymətləndirmişdir.
22 filmdə rolu var.
"Rolling Stone" dərgisində Harry Potter heyranı olduğunu söyləmişdir.
1980-ci illərdəki elm-fantastika iclaslarında "Same of Thones'in məhşur yazıçısı George.R.R.Martin ilə poker oynamışdır.
King çox yaradıcı və çevik yazıçıdır.304 səhifəlik "Qaçan adam" əsərini sadəcə 10 günə yazmışdır.Gənclikdə 3-4 saata 3000-4000 söz ya da 6 səhifə yazabilən yazıçı indi gündə 1000 kəlimə yaza bilir.
Əsərləri ən çox səhnələşdirilən yazıçılar içərisində Guinnesin rekordlar kitabına düşmüşdür.
New York Times'ın tək səfərdə 4 kitabıyla ən çox satanlar listəsinə girmişdir.Bu rekoru 1995-ci ildə "The Thinner","The Talisman","Skeleton Crew" və "The Bachman Books" kitablarıyla qırmışdır.
Stephan Richard Bachman imzası ilə 1977-1984-cü illərdə beş romanı – “Qəzəb” (“Rage”), “Uzun yol” (“The long way”), “Yol işi” (“Roadwork”), “Qaçan adam” (“The running man”) və “İncəldici” (“Thinner”) yazır.
Şəxsi kitabxanasında 17.000 kitab var.Yeniləri xaric hamısını oxumuşdur.
"Rock Bottom Remainders" rok qrupunda gitara çalmışdır.Amy Tan,Mitch Albom və Barbara Kingsolverlə əməkdaşlıq etmişdir.
Əsərlərini yazarkən hard rock dinləyir.Həyat yoldaşı ilə ən çox rock çalınan radio kanalının sahibidirlər və başqa iki radio kanal da daxildir.
13 rəqəmindən qorxur.Yazıçı qorxusunu bu sözlərlə ifadə edir:"13 rəqəmindən söz edildiyi zaman omurqamdan aşağı-yuxarı hərəkət edən bir ürpərti yaranır.Yazarkən 13-ün kvadratı və kubu olan bir səhifəyə gələndə əsla durmaram,başqa rəqəmə qədər davam edərəm.13 yerinə 12 addım atmaq üçün nərdivanlarda 12-dən sonra 2 pilləni bir addımla keçirəm."
İstifadə etdiyi maddələrin təsirindən "Kujo","Şəffaf" və digər bir neçə romanını necə yazdığını xatırlamır.
AC/DC və The Ramones rok qrupunun heyranıdır."We are a Happy Family" albümünə ön söz yazmışdır.
"Carrie" əsərini ilk öncə hekayə olaraq yazmış və sonra xanımının dəstəyi ilə romana çevirmişdir.
"Qəzəb" adlı romanında sinif yoldaşını silahla vuran litsey şagirdindən bəhs edilir.Daha sonra sinif yoldaşlarını əsir alan Jefrey Line adlı litsey şagirdi bu əsərdən ilham aldığını deyir.Və belə bir hadisə 3 dəfə ard-arda təkrarlandığına görə əsərin ABŞ-da nəşr edilməsi qadağan edilib.
Stephan "28 days later"(28 gün sonra) filmini o qədər çox bəyənmişdir ki,275 bileti alıb sinemanı bağlatmışdır.
Musiqi yazmaq üçün John Mellencamp ilə iş birliyi etmişdir.Bərabər yazdıqları "Ghost Brothers of Darkland Country" əsəri çox bəyənilmişdir.
Məhşur yazıçı Boston Red Sox komandasının böyük heyranıdır.Hətta "Fever Pitch" adlı filmdə Red Sox heyranı olaraq oynamışdır."Tom Gordona aşiq olan qız" adlı əsərində isə Red Sox komandasının atıcısını mövzu götürmüşdür.1932-ci ildə vətəni Men əyalətində yaşadığı Bangor qəsəbəsində beyzbol stadı qurabilmələri üçün pul köməkliyi etmiş və tək şərtinin o evə çalışarkən pəncərədən hesab lövhəsinin görünə biləcəyi şəkildə qurulması imiş.
Kitablarının səhnələşdirildiyi zaman kitabına tamamən sadiq qalınmasını gözləmədiyini söyləyən yazıçı "Bilirəm ki,filmin sevəcəyim bir fikri var.Nəticədə o fikir məndən çıxdı və həyatımın 1 və 1 yarım ilini bunun üzərində çalışmaqla xərclədim."demişdir.Çoxusu xoşuna gəlsə də Stainley Kubricikin "Parıltı" filmini bəyənmədiyini söyləyir.Filmdəki xarakterlərdən Wendy Torance inandırıcı,canlı bir xarakter olmadığını,istədiyi duyğuları vermədiyini söyləmişdir.Ayrıca məhşur aktyor Jack Nicholsun Jakc Torrance performansından da narazı qalmışdır."Rolling Stone" dərgisi soruşduğu zaman isə "Filmin bu qədər böyük bir heyran kütləsinə sahib olmağını anlamıram" demişdir.
2017-ci ildə müəllimlikdən sadəcə 40.000$ qazanır.
"Breaking Bad","The Walking Dead","Sons of Anarchy" və "The Americans" film və seiriyalları xoşladığını söyləmişdir.
Məhşur olduğu üçün diqqətləri çəkməyi ona xoş təsir bağışlamır.İnsan sıxlığından uzaq qaçır və sadəcə imza günlərində kitabları imzalayır.
Stephan ibtidai təhsil aldığı illərdə bir dəfə evə gözləri dolmuş, dili tutulmuş, pərişan vəziyyətdə gəlir. Başına nə gəldiyini belə izah edə, danışa bilmir. Nelli oğluna nə olduğunu öyrənmək üçün məktəbə yollanır və Stelhanın yaxın dostunun qatarın altında qalaraq öldüyünü və hadisələrin başdan-sona Stivenin gözləri önündə baş verdiyini öyrənir.Amma Stephan bu hadisə ilə bağlı heç nə xatırlamadığını və bütün bildiklərinin anasının ona danışdıqlarından ibarət olduğunu deyir.Bəlkə də bu ona veriləcək suallardan qaçmaq üçün bir çıxış yoludur,nə də olsa belə bir hadisəni xatırlamaq kimsə üçün xoş olmazdı.
"Carrie"nin 1974-cü ildə çapından bəri Stephanın kitabları mətbəələrdən və 2-ci əl kitab rəflərindən əksik olmadı.King qorxu janrının yazıçısı olmağa davam edir və görünən o ki,uzunca müddət daha belə davam edəcək.
Stephan King verdiyi bir müsahibəsində həyatını yeni başdan yaşasa heç bir şeyi dəyişdirməyəcəyini söyləmişdir.
Bir dəfəyə bir söz yazdığını deyən Stephan Kingə görə, ədəbiyyat həyata qayıdışın bir yoludur.
“Əgər nəsə yazmısınızsa və kimsə bu yazdığınız qarşılığında sizə bank çeki göndərdisə, siz də həmin çeklə banka müraciət edəndə əvəzində həqiqətən müəyyən məbləğdə pul aldınız və bu sizin aylıq işıqpulunuzu ödəməyinizə çatdısa, sizi heç şübhəsiz qabiliyyətli hesab edirəm”.-S.King
“Mənə “Necə yazırsınız?” sualını ünvanlayanda, həmişə “Bir dəfəyə bir söz”, - deyə cavab verirəm. Amma nədənsə bu cavabım insanları qane etmir. Halbuki həqiqətən də belədir. Ola bilər ki, dərin-dərin düşünəndə adama qəribə, ya da bəsit gəlir, amma gözünüzün önünə Çin səddini gətirin. Necə tikilib? Bir dəfəyə bir daş. Bu qədər. Amma etiraf edim ki, onun kosmosdan baxanda teleskopsuz göründüyünü eşidəndə paxıllığım tutmuşdu”.
“İstedad süfrəyə qoyulan duzdan belə ucuzdur. Uğurlu adamı istedadlı adamdan ayıran detal sərf etdiyi əməkdədir”.
“Təsvir yazıçının təxəyyülündə başlayıb, oxucunun xəyal dünyasında tamamlanır”.
“Yaxşı kitablar bütün sirlərini ilk oxumadan ələ verməz”.
“Yaxşı olmaq pis olmaqdan, əlbəttə ki, daha yaxşıdır. Amma yaxşı olmaq üçün olduqca böyük bədəllər ödəməli olursunuz”
“Ədəbiyyat həyatın özü deyil, amma bəzən həyata qayıdışın bir yoludur”.
“Məsum insanların inancı yalançıların ən işəyarar vasitəsidir”.
Əgər yazıçı olmaq istəyirsinizsə,digərlərindən daha çox diqqət verməyiniz gərəkli olan iki şey var:Bol-bol oxumaq və bol-bol yazmaq.Bildiyim qədəriylə bu ikisi xaricində sizi hədəfinizə kəstirmə bir yol yoxdur."

Kitablar və yazıçılıq haqqında:

Əlinizə aldığınız hər bir yeni kitab sizə yenilikləri öyrədir, hətta müəyyən hadisələri göstərərək dərs olur.
Oxumağı sevən və buna həqiqətən də çox vaxt ayıran insanları ən uyğun olmayan vaxtlarda da fikrini hekayələrlə cəlb etmək olar. Bu həmin insanların zəifliyi və bədbəxtçiliyidir.
Kitablar tədqiq olunmamış, aşkar olunmamış torpaqlar kimidir. Həmin torpaqları xəritə olmadan tədqiq edin, özünüz xəritələr yaradın.
Mən professional yazıçıyam. Bu o deməkdir ki, ən maraqlı şeyləri xəyallarımda yaşayıram.
Biz yazıçılar ideyaları hardan götürdüyümüzü, nədən ilhamlandığımızı heç vaxt bir-birimizdən soruşmuruq, çünki özümüz də bilmirik.

Qadınlar haqqında:

Qadınlar sirr saxlamağı bacarmır, lakin onlardan heç biri ürəyində olanları açıb danışmır.
Yaxşı qadınla bir yerdə olan kişi – Allahın ən xoşbəxt məxluqlarından biridir, qadınsız isə əksinə olaraq ən bədbəxtidir.
Hər zaman gülümsəyən, şən qadınları sevirəm.
Qadınlar alış-verişi sadəcə o, mövcud olduğu üçün edirlər.

Stiven Kinq dostluq haqqında:

Əsl dostlar bir-birini güdmürlər. Əsl dostluq dostun həyatına müdaxilə etməməyi bacaran dostluqdur.
Təbəssüm əsasında qurulmuş dostluq, həmişə möhkəm və güclüdür.

Dünya haqqında:

Bildiyimiz kimi yer kürəsi dövr edir. İstəsəniz onunla bir dövr edəcəksiniz, istəsəniz bir yerdən yapışıb hər şeyi inkar edəcəksiniz, lakin bilin ki, bu zaman ayaq üstə dura bilməyəcəksiniz.
İnsanın nə istədiyini bilsəniz, həmin insanı tanıyacaqsınız.
Həqiqətən ehtiyacı duyduğunuz şeyləri pulla əldə edə bilməzsiniz.
İstəyinizdən asılı olmayaraq zaman hər şeyi sağaldır, unutdurur. Zaman hər şeyi müalicə edir və sonda qaranlıq qoyub hər şeyi özü ilə aparır. Həmin qaranlıqda biz başqa insanları tapıb, digərlərini isə itiririk.
Öz kinini idarə etməsən, o, səni idarə edəcək.
Bəli, qəlblər sınır. Hərdən hesab edirəm ki, qəlblərimiz sınan zaman biz ölsəydik daha yaxşı olardı, amma bu belə deyil. Qəlblərimiz sına-sına yaşayırıq.
İnsanların təbiəti yaxşılaşmır, sadəcə ağıllanır. Yəni, əgər insan qarışqanı öldürmək istəyirsə, bu istək həmişə onunla bərabər olacaq. Sadəcə ağıllandığı zaman o, daha yaxşı və özü üçün zərərsiz üsullar seçəcək.

Həyat haqqında:

Yaşamağın yeganə üsulu – yaşamaqdır.
Uşaq olmaq- yaşamağı öyrənməkdir. Böyük olmaq – ölməyi öyrənməkdir.
Qədim bir deyim var : “Açar yerinin dəliyinə baxma ki, başına pis işlər gəlməsin. İnsan tarixinin ən böyük “açar yeri” internetdir.

İstifadə etdiyim bütün mənbələrə səmimi qəlbdən təşəkkür edirəm.