Faiq Şıxəlizadə (en. Faig Shikhalizade )

Şıxəlizadə Faiq Firdovsi oğlu 1994-cü il iyul ayının 20-də Lənkəran rayonunun Cil kəndində anadan olub. 2000-ci ildə Cil kənd tam orta məktəbinə daxil olub və 2011-ci ildə həmin məktəbin 11-ci sinifini müvəffəqiyyətlə bitirmişdir. 2012-ci ildə Lənkəran Dövlət Universitetinin Təbiyyat fakultəsinin "Tarix və coğrafiya müəllimliyi" ixtisasına qəbul olmuşdur. 2016-cı ildə Universiteti uğurla bitirib iyul ayında Azərbaycan Respublikasının müstəqilliyinin qorunmasından və torpaqlarının azad olunmasından ötrü hərbi xidmətə gedərək Ağcabədi rayonunda N saylı hərbi hissədə ləyaqətlə vətənə xidmət etmişdir. Faiq Şıxəlizadə Hərbi hissə komandiri və bölmə komandirləri tərəfindən Fəxri fərman və Təşəkkürnamələrlə təltif olunmuşdur . 2017-ci ilin iyul aynın 20-də hərbi xidməti başa vuraraq evinə geri dönmüş. Həmin ilin avqust ayında Müəllimlərin İşə Qəbulu musabiqəsinə sənədlərini təqdim edib, avqust ayının 3-də müsabiqədə iştirak etmişdir. Müsabiqədən uğur qazanaraq Lənkəran rayonun ucqar dağ kəndi olan Türkəncil kəndində müəllim kimi fəaliyyətə başlamışdır. Artıq 6-cı ildir ki Türkəncil kəndində Coğrafiya müəllimi kimi fəaliyyət göstərən Faiq müəllim fəaliyyəti dövrdə bir sıra uğurlara imza atmışdır. 2019-cu ildə Azərbaycan Gənc Müəllimlər Assosiasiyasının yaradılmasında yaxından iştirak edərək AGMA-nın Lənkəran üzrə koordinatoru seçilmişdir. 2020-ci ilin Sentyabrında Təhsil Nazirliyinin layihəsi olan Peşə Təmayüllü Siniflər layihəsinə müraciət edərək Lənkəran Peşə Təmayüllü Siniflərin Qrup rəhbəri seçilmiş və artıq 3-cu ildir ki Peşə Təmayüllü Siniflər layihəsi üzrə Lənkəran şəhərində Qrup rəhbəri vəzifəsində çalışır. Həmçinin Faiq müəllim STEAM Azərbaycan layihəsi üzrə təlimdə iştirak edərək rəsmi STEAM müəlliminə sahib olan STEAM müəllimidir. 2021-ci ildə Lənkəran şəhərində STEAM Lənkəran klubunu müəllim həmkarı ilə birlikdə təsis edərək idarə edir. Lənkəran şəhərində və ətraf ərazilərdə yaşayan müəllim və şagirdlərə ödənişsiz və ödənişli əsaslarla təlimlər keçir.

İşlədiyi məktəblər - Lənkəran rayon Türkəncil kənd ümumi orta məktəbi

Lənkəran rayon Günəhir kənd tam orta məktəbi

Lənkəran rayon C. Əzimov adına Viravul kənd 2 nömrəli tam orta məktəbi

Lənkəran rayon R. Həsənov adına Viravul kənd 1 nömrəli tam orta məktəb