Kitab Coan Roulinqin oxuduğum ilk romanı idi. Kitabı oxuyarkən belə bir səhv etdim: Harry Potter filmlər seriyasının hamısını izlədim. Daha sonra qaldığım yerdən oxumağa davam etdim və sonra kitab artıq mənə maraqlı gəlməməyə başladı, çünki təəssüf ki, kitabda baş verəcək hadisələri əvvəlcədən bilirdim artıq. Peşmanam, artıq heç vaxt belə bir səhvə yol vermərəm.

Bununla yanaşı kitab seriyasını oxumağa davam edəcəm çünki seriyanın bütün kitabların əvvəlcədən aldım. Kitabın tərcüməsində çoxlu nöqsanlar olduğunuda qeyd etmək istəyirəm. Harri Potter və Fəlsəfə Daşı seriyanın ilk romanıdır. Harri Potterlə 26 yaşımda tanış olmağımı ayrıca özümə ədəbi bir itki sayıram. Təəssüf ki filmini izlədiyim üçün seriyanın digər kitablarını oxumağa tələsməyəcəm, araya başqa kitablar əlavə etməyi düşünürəm.

Romanın başlanğıc hekayəsi belədir ki Harri Potter, ailəsini itirməsi nəticəsində yeganə qohumu olan xalasına verilir. Xalası və onun ailəsi Potteri xoşagəlməz şəkildə qonaq edirlər. Bir gün Harrinin həyatı Hoqvarts Sehrbazlıq və Cadugərlik Məktəbindən aldığı məktubla dəyişir. Tamamilə fərqli bir həyatın qapıları açılır ona. Harri hələ özünün sehirbaz olduğu təəccübündən qurtulmadan bir çox təəccüblü hadisələr yaşayır bu yeni dünya qarşısında. Kitabda Harrinin Fəlsəfə Daşının nə olduğunu öyrənməsi uğrunda apardığı mübarizəni görürük.

Kitablarla bağlı təəssüratlarımı, onlardan götürdüyüm sitatları və həvəskar olaraq öz yazdığım şeir və elmi-fantastika əsərlərimi yazıram. Aşağıda qeyd etdiyim yazılar Harri Potter və fəlsəfə daşı romanından ən bəyəndiyim sitatlardır.