Qalib İbrahimoğlu - Ekspress qəzeti redaktoru

Qalib İbrahimoğlu 1972-ci il mayın 9-da Yevlax şəhərində anadan olub. 1979-cu ildə Yevlax şəhər Ş. Qurbanov adına 8 saylı orta məktəbin birinci sinifinə getmiş, 1989-cu ildə həmin məktəbi bitirib. 1990-92-ci illərdə keçmiş Sovet Ordusunda hərbi xidmət keçib.

1992-ci ildə keçmiş Bakı Sosial İdarəetmə və Politologiya İnstitunun (indiki Prezident yanında İdarəçilik Akademiyası) sosial idarəetmə və sosiologiya fakültəsinə qəbul olmuş, 1998-ci ildə həmin institutu bitirib.

1994-c ildən mətbuatdadır. Həmin il Yevlaxda çıxan "Nicat" qəzetində müxbir vəzifəsində işləyib. 1996-cı ildə Bakıda nəşr olunan "Hürriyyət" qəzetində müxbir, şöbə redaktoru, baş redaktorun I müavini vəzifəsində çalışıb. 1997-ci ildə "Bu gün" qəzeti baş redaktorunun I müavini, "Hürriyyət" qəzetinin baş redaktoru vəzifəsində işləyib. 1998-ci ilin sentyabrından 1999-cu ilin fevral ayına qədər "Azadlıq" qəzetində məsul katib olub. 1999-cu ildə "Kaspi" qəzetinin baş redaktoru olub. 1999-cu ildən "Ekspress" qzəetində siyasət şöbəsinin redaktorudur.

Azərbaycan Mətbuat Şurası “Reket” jurnalisikasına qarşı komissiyanın, Azərbaycan Jurnalistıər Birliyinin, Orta Asiya və Güney Qafqaz Söz Azadlığı Şəbəkəsi İdarə Heyətinin üzvüdür. Ailəlidir, üç övladı var.