İndiki zamanda dua barəsində ən əsas işlərdən biri də İmam Zaman (ə.f) haqqinda dua etməkdir. Dualar əsnasında ona dua edilməzsə, şübhəsiz ki, o dualar mənasız olacaq və heç bir gerçəklik tapmayacaq. Bunun da səbəbi çox aydındır. Çünki bugünki işlərin hamısı onun ixtiyarındadır. Allah (c.c) onu məxluqata öz hüccəti kimi tanıtmış və bütün işləri onun ixtiyarına buraxmışdır. Əgər insan öz şəxsi mənafeyi barədə dua edə, lakin nemətlərin əsl sahibini yaddan cıxara, bu, son dərəcə haqsızlıq olmuş olar. İmam Zaman (ə) naiblərinə yazdığı məktubda deyir: Mənim zühurum barədə çox dua edin. Bu sizin üçün zəfər olacaqdır. Əllamə Məclisinin "Miqbas" kitabında deyilir: Kim sübh namazını bitirdikdən sonra heç bir söz demədən 100 dəfə "Ya Rəbbi, səlli əla Muhəmmədin və Ali Muhəmməd.Və əccil fərəcə ali Muhəmməd,və'tiq rəqəbəti minən-nar"desə İmamı görmədən dünyasını dəyişməz.