Afiq Şakir oğlu Tağıyev - özünə hər zaman güvənən, ideal bir şəxsiyyət. Azərbaycanlı, Ağstafa rayon Eynallı kənd sakini Tağıyev Afiq Şakir oğlu, Qazax rayonunun Eynallı kəndində 1987-ci ildə may ayının 9-da dünyaya göz açmışdır. Afiq 1993-cü ildə X.İsmayılov adına Ağstafa rayon Eynallı kənd tam orta məktəbin 1-ci sinfinə daxil olmuş, həmin məktəbi 2004-cü ildə əla qiymətlərlə başa vurmuş, həmin il Azərbaycan Texniki Universiteti Nəqliyyat Fakültəsi Yerüstü Nəqliyyat Vasitələri və Nəqliyyatın istismarına qəbul olmuş və həmin universiteti də əla qiymətlərlə 2008-ci ildə başa vurmuşdur. 2008-ci il iyul ayının hərbi çağırışında hərbi xidmətə yola düşmüşdür. 1 il sonra (2009-cu il) tərxis olunmuşdur. Həmin ilin oktyabr ayında imtahan verərək (CV ilə) "Hundai Servis"də satış üzrə menecer vəzifəsində işə başlamışdır. Sonra sənədlərini SOCAR şirkətinə verdi və 2010-cu il fevralın 9-da Azəriqaz İstehsalat Birliyinin Təmir-Tikinti idarəsində XI dərəcəli Mexanik vəzifəsində çalışmağa başladı. 6 il həmin işdə uğurlu fəaliyyətləri ilə davam etdi. SOCAR-a müraciət edərək 2016-cı ildə mühəndis vəzifəsinə təyin edildi. 2019-cu ilə qədər mühəndis vəzifəsində çalışdı. Yüksək nailiyyətlərinə görə "Böyük Mühəndis" təyin edildi. Tağıyev Afiq 2021-ci ildə yenidən imtahan verərək Qazax Magistral Qaz Kəmərləri Sahəsi Texniki İstehsalat Şöbəsinin Rəisi vəzifəsinə təyin olundu. Hal-hazırda həmin vəzifədə çalışır. Yaşının az olmasına baxmayaraq çoxlu uğurları, nailiyyətləri mövcuddur. İndiyə qədər çalışdığı bütün işlərində saysız-hesabsız təltifnamələrlə, fəxri-fərmanlarla, diplomlarla mükafatlandırılmışdır.

Onu da qeyd edək ki, Tağıyev Afiq II Qarabağ müharibəsində (44 günlük müharibədə) könüllü olaraq iştirak etmişdir. Həmin müharibədə cəsurcasına döyüşdüyünə görə, sona qədər mübarizə apardığına görə dövlətimiz, prezidentimiz tərəfindən medallara (Füzuli, Şuşa, Vətən Müharibəsi İştirakçısı) layiq görülüb.

İşlədiyi yerdə də yüksək səviyyədə qiymətləndirilib. Fəxri-fərmanla, diplomla mükafatlandırılmışdır. "Neftçilər Vətən Müharibəsində" adlı kitabın bir səhifəsində Tağıyev Afiq haqqında Vətən Müharibəsində göstərdiyi şücaətdən kiçik məlumat da yazılıb. Belə oğullarımız həmişə, hər yerdə nümunə olacaqdır.

İnsan belə gənclərimizi görəndə qururlanır. Hər kəsə nümunəvi bir övlad, bir ata, bir qardaş, bir dayıdır məncə Tağıyev Afiq.

Bu şəxsin etdiyi uğurlar Tuncay və Almazın gözü önündə olur. Ümidvaram ki, biz də belə (dayımız kimi) fərqli, xeyirli, vətənə layiq bir övlad, vətəndaş olacağıq.