Əkbərov Əlistan Hacıbaba oglu 5 fevral 1940-cı ildə Şamaxı rayonunun Hacıqədirli kəndində anadan olmuşdur. Əli Bayramlıda 7-illik məktəbi, Hacıqabulda 9 saylı orta məktəbi, Şamaxıda M.Ə.Sabir adına Pedaqoji Texnikumu, V.İ.Lenin adına Kazan Dövlət Universitetinin ali məktəblərə qəbul üzrə hazırlıq kursunu bitirmişdir. 1964-cü ildə eyni vaxtda Azərbaycan Dövlət Universitetinin Filologiya fakültəsinə və M.F.Axundov adına Rus dili və Ədəbiyyatı İnstitutunun əyani şöbəsinə daxil olmuşdur. ADU-nu bitirdikdən sonra Şamaxı rayonunun şəhər və kənd məktəblərində müəllim, metodist, tədris üzrə direktor müavini işləmiş, maarif şöbəsində məktəb inspektoru vəzifəsində çalışmışdır.

Metodist-müəllimdir

1993-cü ildə N.Tusi adına APİ-nin, 2000-ci ildə ADPU-nin Şamaxı filialınınn baş müəllimidir.

1995-ci ildə müasir rus dilinin frazeologiyasına aid elmi işi filologiya elimləri namizədi alimlik dərəcəsinə layiq görülmüşdür.

Otuzdan çox elmi-metodik məqalənin, ali məktəblərin filologiya fakültələri üçün "Ümumi dilçilik" fəninə aid tədris proqramlarının, müəllimlər üçün leksikanın tədrisinə aid vəsaitin müəllifidir.