Əhliman Nizami oğlu Ərşadlı. Aktyor.

15.02.1984-cü ildə Zəngilan rayonunun Məmmədbəyli kəndində anadan olub. 1990-cı ildə Zəngilan rayon Məmmədbəyli kənd orta məktəbinin 1-ci sinfinə gedib. 1993-cü il oktyabrın 30-da Zəngilan rayonu Ermənistan redpublikası tərəfindən işğal olunduqdan sonra məcburi köçkün kimi ailəsi ilə birlikdə Bakı şəhəri Sabunçu ryonu Maştağa qəsəbəsi Daş Karxanası yaşayış massivində məskunlaşıb. Həmin ildən Sabunçu rayonu Firuz Bayramov adına 22 saylı tam orta məktəbdə təhsilini davam etdirib. 2001-ci ildə həmin məktəbin 11-ci sinfini bitirib. 2001-ci ildə Bakı şəhəri 1 saylı peşə məktəbinin elektrik qaz qaynaqçı ixtisasına daxil olub. 2002-ci ildə 3 cü dərəcəli elektrik qaz qaynaqçısı ixtisasına yiyələnib. Peşə məktəbində təhsil aldığı vaxtda həmin məktəbdə fəaliyyət göstərən təhsil alan gənclərin bədii yaradıcılıq evinin dram dərnəyinə üzv yazılıb. 2002-ci ilin aprel aynda Zəngilan rayonu Hərbi kommisarlığı tərəfindən həqiqi hərbi xidmətə çağrılıb. 2003- cü ilin oktyabr ayında həqiqi hərbi xidmətini başa vurduqdan sonra yenidən bədii yaradıcılıq evində tədbirlərə qatılıb. Müəllimi Dəyanət Allahverdiyevanın təkidi ilə sənədlərini Azərbaycan Dövlət Mədəniyyət və İncəsənət Universitetinə verir. Lakin ixtisas imtahanında keçə bilmir. Buna baxamayaraq 2005-ci ildə yenidən sənədlərini Azərbaycan Dövlət Mədəniyyət və İncəsənət Universitetinə verir və Bədii yaradıcılıq ixtisasına qəbul olur. Universitetin 2-ci kursunda oxuyarkən Abbas Mirzə Şərifzadə adına Mədəniyyət Mərkəzində Poeziya teatrının rəhbəri vəzifəsində işə başlayır. 2008 ci il may aının 20-nə kimi həmin mərkəzdə çalışır. 3-cü kursda oxuyarkən Cəfər Cabbarlı adına İrəvan Dövlət Azərbaycan Dram Teatrında aktyor kimi fəaliyyətə başlayır. 2009-cu ildə universiteti fərqlənmə diplomu ilə bitirir. 2008-2017-ci illər ərzində Cəfər Cabbarlı adına İrəvan Dövlət Azərbaycan Dram Teatrında çalışır. 2016-cı ildən Audiokitab layihəsində kitabların səsləndirilməsi üzrə aktyor və redaktor kimi fəaliyyət göstərir.

Ailəlidir, üç övladı var.