Şahin Sərdarlı Rövşən oğlu

12 aprel 1997-ci il tarixində Şamaxı rayon Meysəri kəndində dünyaya göz açıb. Valideynləri Zəngəzur və Göyçə mahallarındandır.

O, şəhid əmisinin adını daşıyan Şamaxı rayon Meysəri kənd Aslan Sərdar oğlu Şirinov adına tam orta məktəbin məzunudur. Eyni zamanda "Kometa" təhsil mərkəzində kompüter kursunu, "Azerbaijan Study Academy (ASA)" jurnalistika məktəbini müvəffəqiyyətlə bitirib. 2016/2017-ci tədris ilində Bakı Slavyan Universiteti Beynəlxalq Münasibətlər və Regionşünaslıq fakültəsi Beynəlxalq Münasibətlər ixtisasına qəbul olub.

16 yaşından Fotoqrafiya, 17 yaşından isə Jurnalistika sahəsində çalışır.

O, ilk vaxtlar Azad Azərbaycan Müstəqil Teleradio şirkətinin Xəbərlər Departamentində "titr operatoru" vəzifəsində, AZpress.AZ saytının Xüsusi Müxbir vəzifəsində çalışıb.

2015-ci ildə təkrar Azad Azərbaycan Televiziyasının rəsmi xəbər saytı ATV.az-da fotoqraf-müxbir vəzifələrində, 2016-cı ildən etibarən Faktor.az xəbər saytında çalışır.

O, hal-hazırda Fotoqrafiya və Jurnalistika sahəsində karyerasını davem etdirir. AMEA M.Fizuli adına Əlyazmalar İnstitunda və Bakı Slavyan Universitetinin Mətbuat Xidmətinin əməkdaşıdır. Azərbaycan Fotoqraflar Birliyinin üzvüdür.

Qeyd edək ki, Şahin Sərdarlı onlarla köşə, hekayə və şeirlərin, xüsusilə də layihələrin müəllifidir. Müəllifi olduğu yüzlərlə foto və yazılar ölkədə xüsusi gücə malik olan İnformasiya portallarında yayımlanmaqdadır.